ਗਰਮੀਆਂ ’ਚ ਮੁਟਿਆਰਾਂ ਨੂੰ ਕੂਲ ਲੁਕ ਦੇ ਰਹੇ ਫਲਾਵਰ ਪ੍ਰਿੰਟ ਵ੍ਹਾਈਟ ਡਰੈੱਸ

ਵੈੱਬ ਡੈਸਕ- ਗਰਮੀਆਂ ਦੇ ਮੌਸਮ ’ਚ ਮੁਟਿਆਰਾਂ ਅਤੇ ਔਰਤਾਂ ਅਜਿਹੀ ਡਰੈੱਸ ਪਹਿਨਣਾ ਪਸੰਦ ਕਰਦੀਆਂ ਹਨ, ਜੋ ਉਨ੍ਹਾਂ ਨੂੰ ਸੁੰਦਰ ਦਿਸਣ ਦੇ ਨਾਲ-ਨਾਲ ਗਰਮੀ ਤੋਂ ਵੀ ਰਾਹਤ ਦੇਵੇ। ਅਜਿਹੇ ’ਚ ਜ਼ਿਆਦਾਤਰ ਮੁਟਿਆਰਾਂ ਲਾਈਟ ਸ਼ੇਡ ਵਾਲੀ ਡਰੈੱਸ ਨੂੰ ਤਰਜੀਹ ਦੇ ਰਹੀਆਂ ਹਨ। ਇਨ੍ਹੀਂ ਦਿਨੀਂ ਵ੍ਹਾਈਟ ਬੇਸ ’ਤੇ ਫਲਾਵਰ ਪ੍ਰਿੰਟ ਵਾਲੀ ਡਰੈੱਸਾਂ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣ ਗਈਆਂ ਹਨ। ਫਲਾਵਰ ਪ੍ਰਿੰਟ ਅੱਖਾਂ ਨੂੰ ਸੁਕੂਨ ਦਿੰਦਾ ਹੈ ਅਤੇ ਗਰਮੀਆਂ ’ਚ ਖੂਬਸੂਰਤੀ ’ਚ ਚਾਰ ਚੰਨ ਲਾ ਦਿੰਦਾ ਹੈ।

ਵ੍ਹਾਈਟ ਕਲਰ ਅਤੇ ਫਲਾਵਰ ਪ੍ਰਿੰਟ ਦਾ ਕੰਬੀਨੇਸ਼ਨ ਮੁਟਿਆਰਾਂ ਨੂੰ ਸਿੰਪਲ, ਸੋਬਰ ਵਿਖਾਉਣ ਦੇ ਨਾਲ-ਨਾਲ ਕੂਲ ਅਤੇ ਟਰੈਂਡੀ ਲੁੱਕ ਵੀ ਦਿੰਦਾ ਹੈ। ਹਲਕਾ ਰੰਗ ਹੋਣ ਕਾਰਨ ਇਹ ਡਰੈੱਸਾਂ ਗਰਮੀ ਘੱਟ ਸੋਖਦੀਆਂ ਹਨ ਅਤੇ ਕੰਫਰਟੇਬਲ ਰਹਿੰਦੀਆਂ ਹਨ। ਇਨ੍ਹਾਂ ਨੂੰ ਮੁਟਿਆਰਾਂ ਆਊਟਿੰਗ, ਸ਼ਾਪਿੰਗ, ਪਿਕਨਿਕ ਤੋਂ ਲੈ ਕੇ ਖਾਸ ਮੌਕਿਆਂ ’ਤੇ ਵੀ ਕੈਰੀ ਕਰ ਰਹੀਆਂ ਹਨ। ਇਨ੍ਹਾਂ ’ਤੇ ਛੋਟੇ, ਮੀਡੀਅਮ ਅਤੇ ਵੱਡੇ ਸਾਈਜ਼ ਦੇ ਫਲਾਵਰ ਪ੍ਰਿੰਟ ਦੇਖਣ ਨੂੰ ਮਿਲ ਰਹੇ ਹਨ। ਵ੍ਹਾਈਟ ਬੇਸ ’ਤੇ ਪਿੰਕ, ਰੈੱਡ, ਮੈਰੂਨ, ਯੈਲੋ, ਗਰੀਨ, ਬਲੂ ਅਤੇ ਬਲੈਕ ਕਲਰ ਦੇ ਫੁੱਲ-ਪੱਤੀਆਂ ਦੇ ਡਿਜ਼ਾਈਨ ਖੂਬ ਪਸੰਦ ਆ ਰਹੇ ਹਨ।

ਸਟਾਈਲ ਦੀ ਗੱਲ ਕਰੀਏ ਤਾਂ ਫਰਾਕ, ਮਿਡੀ ਡਰੈੱਸ, ਸ਼ਾਰਟ ਡਰੈੱਸ, ਮੈਕਸੀ ਡਰੈੱਸ ਅਤੇ ਗਾਊਨ ’ਚ ਇਹ ਖੂਬ ਟਰੈਂਡ ’ਚ ਹਨ। ਸਲੀਵਜ਼ ’ਚ ਫੁਲ ਸਲੀਵਜ਼ ਤੋਂ ਲੈ ਕੇ ਡਿਜ਼ਾਈਨਰ ਸਲੀਵਜ਼, ਸਟੈੱਪ ਡਿਜ਼ਾਈਨ ਅਤੇ ਸਲੀਵਲੈੱਸ ਪੈਟਰਨ ਵੀ ਮੁਟਿਆਰਾਂ ਪਸੰਦ ਕਰ ਰਹੀਆਂ ਹਨ। ਫਿਟਿੰਗ ’ਚ ਸਟ੍ਰੇਟ ਕੱਟ, ਬਾਡੀਕਾਨ, ਏ-ਲਾਈਨ ਅਤੇ ਲੂਜ਼ ਸਾਈਜ਼ ਤੱਕ ਕਈ ਆਪਸ਼ਨ ਬਾਜ਼ਾਰ ’ਚ ਮੁਹੱਈਆ ਹਨ। ਇਨ੍ਹਾਂ ਦੇ ਨਾਲ ਮੁਟਿਆਰਾਂ ਤਰ੍ਹਾਂ-ਤਰ੍ਹਾਂ ਦੇ ਬੈਗ, ਸਲਿੰਗ, ਸਨਗਲਾਸਿਜ਼ ਅਤੇ ਸਟੌਲ ਕਾਰੀ ਕਰ ਰਹੀਆਂ ਹਨ।

ਜਿਊਲਰੀ ’ਚ ਲਾਈਟ ਵੇਟ ਟਾਪਸ, ਇਅਰਰਿੰਗਸ, ਨੈੱਕਲੇਸ ਅਤੇ ਬ੍ਰੈਸਲੇਟ ਨਾਲ ਲੁੱਕ ਨੂੰ ਫਾਈਨਲ ਟੱਚ ਦਿੱਤਾ ਜਾ ਰਿਹਾ ਹੈ। ਫੁੱਟਵੀਅਰ ’ਚ ਸ਼ੂਜ਼, ਸੈਂਡਲ, ਫਲੈਟ, ਲੋਫਰ ਅਤੇ ਪੰਜਾਬੀ ਜੁੱਤੀ ਨੂੰ ਇਸ ਡਰੈੱਸ ਦੇ ਨਾਲ ਸਟਾਈਲ ਕੀਤਾ ਜਾ ਰਿਹਾ ਹੈ। ਕੁੱਲ ਮਿਲਾ ਕੇ ਫਲਾਵਰ ਪ੍ਰਿੰਟ ਵ੍ਹਾਈਟ ਡਰੈੱਸ ਕੰਫਰਟ, ਸਟਾਈਲ ਅਤੇ ਐਲੀਗੈਂਸ ਦਾ ਪਰਫੈਕਟ ਸੁਮੇਲ ਹਨ, ਇਸ ਲਈ ਇਹ ਇਨ੍ਹਾਂ ਗਰਮੀਆਂ ’ਚ ਮੁਟਿਆਰਾਂ ਦੀ ਵਾਰਡਰੋਬ ਦਾ ਅਹਿਮ ਹਿੱਸਾ ਬਣ ਗਏ ਹਨ।