ਔਰਤਾਂ ’ਚ ਵਧਿਆ ਟ੍ਰਾਂਸਪੇਰੈਂਟ ਫੁੱਟਵੀਅਰ ਦਾ ਕ੍ਰੇਜ਼

ਵੈੱਬ ਡੈਸਕ- ਕਿਸੇ ਵੀ ਸਟਾਈਲਿਸ਼ ਲੁੱਕ ਨੂੰ ਕੰਪਲੀਟ ਕਰਨ ’ਚ ਫੁੱਟਵੀਅਰ ਦਾ ਅਹਿਮ ਰੋਲ ਰਹਿੰਦਾ ਹੈ। ਖਾਸ ਕਰ ਕੇ ਔਰਤਾਂ ਤੇ ਮੁਟਿਆਰਾਂ ਕੋਲ ਫੁੱਟਵੀਅਰ ’ਚ ਕਈ ਆਪਸ਼ਨਜ਼ ਰਹਿੰਦੇ ਹਨ, ਜਿਨ੍ਹਾਂ ਨੂੰ ਉਹ ਆਪਣੀ ਪਸੰਦ, ਡਰੈੱਸ ਅਤੇ ਮੌਕੇ ਦੇ ਹਿਸਾਬ ਨਾਲ ਪਹਿਨਦੀਆਂ ਹਨ। ਬਦਲਦੇ ਜ਼ਮਾਨੇ ਦੇ ਨਾਲ ਬਾਜ਼ਾਰ ’ਚ ਤਰ੍ਹਾਂ-ਤਰ੍ਹਾਂ ਦੇ ਨਵੇਂ ਡਿਜ਼ਾਈਨ ਦੇ ਫੁੱਟਵੀਅਰ ਦੇਖਣ ਨੂੰ ਮਿਲ ਰਹੇ ਹਨ। ਇਨ੍ਹਾਂ ’ਚ ਟ੍ਰਾਂਸਪੇਰੈਂਟ ਫੁੱਟਵੀਅਰ ਵੀ ਪਿਛਲੇ ਕੁਝ ਸਮੇਂ ਤੋਂ ਕਾਫੀ ਟ੍ਰੈਂਡ ’ਚ ਹੈ ਅਤੇ ਮੁਟਿਆਰਾਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ।

ਪਹਿਲਾਂ ਜਿੱਥੇ ਫੁੱਟਵੀਅਰ ਸਿਰਫ਼ ਆਰਾਮ ਲਈ ਪਹਿਨਿਆ ਜਾਂਦਾ ਸੀ, ਉੱਥੇ ਹੀ ਹੁਣ ਇਹ ਫੈਸ਼ਨ ਦਾ ਸਭ ਤੋਂ ਜ਼ਰੂਰੀ ਹਿੱਸਾ ਬਣ ਗਿਆ ਹੈ। ਟ੍ਰਾਂਸਪੇਰੈਂਟ ਫੁੱਟਵੀਅਰ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹੋ ਹੈ ਕਿ ਇਹ ਹਰ ਰੰਗ ਅਤੇ ਹਰ ਆਊਟਫਿਟ ਦੇ ਨਾਲ ਆਸਾਨੀ ਨਾਲ ਮੈਚ ਹੋ ਜਾਂਦਾ ਹੈ। ਵੈਸਟਰਨ ਗਾਊਨ ਹੋਵੇ, ਪਾਰਟੀ ਵੀਅਰ ਡਰੈੱਸ ਹੋਵੇ ਜਾਂ ਫਿਰ ਇੰਡੀਅਨ ਸੂਟ ਅਤੇ ਲਹਿੰਗਾ ਚੋਲੀ, ਟ੍ਰਾਂਸਪੇਰੈਂਟ ਹੀਲਜ਼ ਹਰ ਲੁੱਕ ਨੂੰ ਇਕ ਕਲਾਸੀ ਅਤੇ ਐਲੀਗੈਂਟ ਟੱਚ ਦੇ ਦਿੰਦੀਆਂ ਹਨ, ਇਸ ਲਈ ਵੈਡਿੰਗ ਸੀਜ਼ਨ ਅਤੇ ਫੈਸਟਿਵ ਸੀਜ਼ਨ ’ਚ ਇਸ ਦੀ ਮੰਗ ਹੋਰ ਵੀ ਜ਼ਿਆਦਾ ਵਧ ਜਾਂਦੀ ਹੈ।

ਬਾਜ਼ਾਰ ’ਚ ਇਸ ਸਮੇਂ ਟ੍ਰਾਂਸਪੇਰੈਂਟ ਫੁੱਟਵੀਅਰ ’ਚ ਕਈ ਵੈਰਾਇਟੀਜ਼ ਦੇਖਣ ਨੂੰ ਮਿਲ ਰਹੀਆਂ ਹਨ। ਪੀ. ਵੀ. ਸੀ. ਅਤੇ ਕਲੀਅਰ ਵਿਨਾਈਲ ਤੋਂ ਬਣੀ ਹੀਲਜ਼, ਗਲਾਸ ਹੀਲਜ਼, ਪੁਆਇੰਟਿਡ ਟੋ ਮਿਊਲਜ਼ ਅਤੇ ਐਂਕਲ ਸਟ੍ਰੈਪ ਹੀਲਜ਼ ਸਭ ਤੋਂ ਜ਼ਿਆਦਾ ਪਸੰਦ ਕੀਤੀਆਂ ਜਾ ਰਹੀਆਂ ਹਨ। ਕਈ ਡਿਜ਼ਾਈਨਜ਼ ’ਚ ਅੱਗੇ ਵਾਲੇ ਪਾਸੇ ਕ੍ਰਿਸਟਲ, ਸਟੋਨ ਅਤੇ ਪਰਲ ਦਾ ਕੰਮ ਕੀਤਾ ਗਿਆ ਹੈ, ਜੋ ਇਸ ਨੂੰ ਹੋਰ ਵੀ ਸਟਾਈਲਿਸ਼ ਬਣਾਉਂਦਾ ਹੈ। ਲਾੜ੍ਹੀਆਂ ਅਤੇ ਪਾਰਟੀ ’ਚ ਜਾਣ ਵਾਲੀਆਂ ਮੁਟਿਆਰਾਂ ’ਚ ਤਾਂ ਕ੍ਰਿਸਟਲ ਵਰਕ ਵਾਲੀ ਟ੍ਰਾਂਸਪੇਰੈਂਟ ਹੀਲਜ਼ ਦੀ ਮੰਗ ਸਭ ਤੋਂ ਜ਼ਿਆਦਾ ਹੈ। ਇਸ ਤੋਂ ਇਲਾਵਾ ਬਲਾਕ ਹੀਲ ਅਤੇ ਸਟਿਲੇਟੋ ’ਚ ਵੀ ਇਹ ਡਿਜ਼ਾਈਨ ਖੂਬ ਚੱਲ ਰਿਹਾ ਹੈ। ਫੈਸ਼ਨ ਮਾਹਿਰਾਂ ਦਾ ਮੰਨਣਾ ਹੈ ਕਿ ਇਸ ਟ੍ਰੈਂਡ ਨੂੰ ਵਧਾਉਣ ’ਚ ਸੋਸ਼ਲ ਮੀਡੀਆ ਅਤੇ ਬਾਲੀਵੁੱਡ ਦਾ ਵੱਡਾ ਹੱਥ ਹੈ।

ਵੱਡੀਆਂ-ਵੱਡੀਆਂ ਅਦਾਕਾਰਾਂ ਅਤੇ ਫੈਸ਼ਨ ਇਨਫਲੂਐਂਸਰ ਅਕਸਰ ਇਸ ਤਰ੍ਹਾਂ ਦੇ ਫੁੱਟਵੀਅਰ ’ਚ ਨਜ਼ਰ ਆਉਂਦੀਆਂ ਹਨ, ਜਿਸ ਤੋਂ ਬਾਅਦ ਆਮ ਔਰਤਾਂ ’ਚ ਵੀ ਇਸ ਦਾ ਕ੍ਰੇਜ਼ ਵਧ ਜਾਂਦਾ ਹੈ। ਘੱਟ ਕੀਮਤ ’ਚ ਸਟਾਈਲਿਸ਼ ਲੁੱਕ ਦੇਣ ਕਾਰਨ ਇਹ ਹਰ ਉਮਰ ਦੀਆਂ ਔਰਤਾਂ ਨੂੰ ਆਕਰਸ਼ਿਤ ਕਰ ਰਿਹਾ ਹੈ। ਹਾਲਾਂਕਿ ਸਟਾਈਲ ਦੇ ਨਾਲ-ਨਾਲ ਆਰਾਮ ਦਾ ਧਿਆਨ ਰੱਖਣਾ ਵੀ ਜ਼ਰੂਰੀ ਹੈ। ਟ੍ਰਾਂਸਪੇਰੈਂਟ ਫੁੱਟਵੀਅਰ ਖਰੀਦਦੇ ਸਮੇਂ ਸਹੀ ਸਾਈਜ਼, ਸਾਫਟ ਕੁਸ਼ਨ ਵਾਲੇ ਇਨਸੋਲ ਅਤੇ ਚੰਗੀ ਗ੍ਰਿਪ ਵਾਲੀ ਹੀਲ ਦੀ ਚੋਣ ਕਰਨੀ ਚਾਹੀਦੀ ਹੈ, ਤਾਂ ਜੋ ਲੰਬੇ ਸਮੇਂ ਤੱਕ ਪਹਿਨਣ ’ਤੇ ਵੀ ਪੈਰਾਂ ’ਚ ਤਕਲੀਫ਼, ਪਸੀਨਾ ਜਾਂ ਫਿਸਲਣ ਦੀ ਸਮੱਸਿਆ ਨਾ ਹੋਵੇ। ਕੁੱਲ ਮਿਲਾ ਕੇ ਟ੍ਰਾਂਸਪੇਰੈਂਟ ਫੁੱਟਵੀਅਰ ਹੁਣ ਸਿਰਫ਼ ਇਕ ਟ੍ਰੈਂਡ ਨਹੀਂ, ਸਗੋਂ ਹਰ ਔਰਤ ਦੀ ਵਾਰਡਰੋਬ ਦਾ ਜ਼ਰੂਰੀ ਹਿੱਸਾ ਬਣਦਾ ਜਾ ਰਿਹਾ ਹੈ, ਜੋ ਸਟਾਈਲ ਅਤੇ ਸੁੰਦਰਤਾ ਦੋਹਾਂ ਨੂੰ ਇਕੱਠਿਆਂ ਕੰਪਲੀਟ ਕਰਦਾ ਹੈ।