ਮੁਟਿਆਰਾਂ ਨੂੰ ਸਟਾਈਲਿਸ਼ ਲੁੱਕ ਦੇ ਰਹੇ ਪ੍ਰਿੰਟਿਡ ਟਾਪ

ਵੈੱਬ ਡੈਸਕ- ਵੈਸਟਰਨ ਵੀਅਰ ’ਚ ਟਾਪ ਹਮੇਸ਼ਾ ਤੋਂ ਮੁਟਿਆਰਾਂ ਦੇ ਫੇਵਰੇਟ ਰਹੇ ਹਨ। ਇਹੋ ਵਜ੍ਹਾ ਹੈ ਕਿ ਉਨ੍ਹਾਂ ਨੂੰ ਹਰ ਬਾਟਮ ਨਾਲ ਤਰ੍ਹਾਂ-ਤਰ੍ਹਾਂ ਦੇ ਟਾਪ ਸਟਾਈਲ ਕਰਦੇ ਵੇਖਿਆ ਜਾ ਸਕਦਾ ਹੈ। ਟਾਪ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਨੂੰ ਪਲੇਨ, ਪ੍ਰਿੰਟਿਡ, ਐਂਬ੍ਰਾਇਡਰੀ ਵਰਕ ਵਾਲੇ ਤਰ੍ਹਾਂ-ਤਰ੍ਹਾਂ ਦੇ ਟਾਪ ’ਚ ਵੇਖਿਆ ਜਾ ਸਕਦਾ ਹੈ, ਪਰ ਗਰਮੀਆਂ ’ਚ ਮੁਟਿਆਰਾਂ ਜ਼ਿਆਦਾਤਰ ਪ੍ਰਿੰਟਿਡ ਟਾਪ ਪਹਿਨ ਰਹੀਆਂ ਹਨ। ਪ੍ਰਿੰਟਿਡ ਟਾਪ ਗਰਮੀਆਂ ਦਾ ਕੂਲ ਅਤੇ ਟ੍ਰੈਂਡੀ ਫੈਸ਼ਨ ਬਣੇ ਹੋਏ ਹਨ। ਪ੍ਰਿੰਟਿਡ ਟਾਪ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਹ ਹਰ ਤਰ੍ਹਾਂ ਦੇ ਬਾਟਮ ਨਾਲ ਆਸਾਨੀ ਨਾਲ ਸਟਾਈਲ ਕੀਤਾ ਜਾ ਸਕਦਾ ਹੈ। ਇਹੋ ਵਜ੍ਹਾ ਹੈ ਕਿ ਪ੍ਰਿੰਟਿਡ ਟਾਪ ਹਰ ਵਾਰਡਰੋਬ ਦਾ ਜ਼ਰੂਰੀ ਹਿੱਸਾ ਬਣ ਗਿਆ ਹੈ। ਇਸ ’ਚ ਡਿਊਲ ਕਲਰ ਤੋਂ ਲੈ ਕੇ ਮਲਟੀ ਕਲਰ ਤੱਕ ਦੇ ਆਪਸ਼ਨਜ਼ ਵੇਖੇ ਜਾ ਸਕਦੇ ਹਨ।

ਫਲੋਰਲ, ਜਿਓਮੈਟ੍ਰਿਕ, ਐਬਸਟ੍ਰੈਕਟ, ਲਾਈਨ ਅਤੇ ਡੌਟ ਪ੍ਰਿੰਟ ਵਰਗੀਆਂ ਕਈ ਵੈਰਾਇਟੀਜ਼ ਮਾਰਕੀਟ ’ਚ ਮੌਜੂਦ ਹਨ, ਜੋ ਵੇਖਣ ’ਚ ਕਾਫੀ ਖੂਬਸੂਰਤ ਲੱਗਦੀਆਂ ਹਨ ਅਤੇ ਮੁਟਿਆਰਾਂ ਨੂੰ ਮਾਡਰਨ ਲੁੱਕ ਦਿੰਦੀਆਂ ਹਨ। ਮੁਟਿਆਰਾਂ ਪ੍ਰਿੰਟਿਡ ਟਾਪ ਨੂੰ ਪਲੇਨ ਅਤੇ ਪ੍ਰਿੰਟਿਡ ਦੋਵਾਂ ਤਰ੍ਹਾਂ ਦੇ ਬਾਟਮ ਨਾਲ ਸਟਾਈਲ ਕਰਨਾ ਪਸੰਦ ਕਰਦੀਆਂ ਹਨ। ਆਫਿਸ ਲੁੱਕ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਇਸ ਨੂੰ ਪਲੇਨ ਫਾਰਮਲ ਪੈਂਟ, ਪਲਾਜ਼ੋ ਅਤੇ ਟ੍ਰਾਊਜ਼ਰ ਨਾਲ ਸਟਾਈਲ ਕਰ ਰਹੀਆਂ ਹਨ। ਇਸ ਨਾਲ ਇਕ ਪ੍ਰੋਫੈਸ਼ਨਲ ਅਤੇ ਸਾਫਿਸਟੀਕੇਟਿਡ ਲੁੱਕ ਮਿਲਦੀ ਹੈ। ਉੱਥੇ ਹੀ, ਪਾਰਟੀ, ਘੁੰਮਣ ਜਾਂ ਸ਼ਾਪਿੰਗ ਵਰਗੇ ਮੌਕਿਆਂ ’ਤੇ ਇਸ ਨੂੰ ਜੀਨਸ, ਸ਼ਾਰਟਸ ਅਤੇ ਸਕਰਟ ਨਾਲ ਵੀ ਵੇਖਿਆ ਜਾ ਸਕਦਾ ਹੈ। ਕੁਝ ਮੁਟਿਆਰਾਂ ਵੱਖਰਾ ਦਿਸਣ ਲਈ ਪ੍ਰਿੰਟਿਡ ਟਾਪ ਨੂੰ ਪ੍ਰਿੰਟਿਡ ਬਾਟਮ ਨਾਲ ਵੀ ਸਟਾਈਲ ਕਰ ਰਹੀਆਂ ਹਨ, ਜੋ ਅੱਜਕੱਲ ਕਾਫੀ ਟ੍ਰੈਂਡ ’ਚ ਹੈ।

ਪ੍ਰਿੰਟਿਡ ਟਾਪ ਨਾਲ ਆਪਣੀ ਲੁੱਕ ਨੂੰ ਹੋਰ ਸਟਾਈਲਿਸ਼ ਬਣਾਉਣ ਲਈ ਮੁਟਿਆਰਾਂ ਤਰ੍ਹਾਂ-ਤਰ੍ਹਾਂ ਦੀਆਂ ਅਸੈਸਰੀਜ਼ ਦੀ ਵਰਤੋਂ ਵੀ ਕਰ ਰਹੀਆਂ ਹਨ। ਗੌਗਲਜ਼, ਬੈਗ, ਸਟੋਲ, ਬੈਲਟ ਅਤੇ ਜਿਊਲਰੀ ਨਾਲ ਇਸ ਨੂੰ ਸਟਾਈਲ ਕੀਤਾ ਜਾ ਰਿਹਾ ਹੈ। ਇਹ ਅਸੈਸਰੀਜ਼ ਉਨ੍ਹਾਂ ਨੂੰ ਹੋਰ ਵੀ ਸਟਾਈਲਿਸ਼ ਦਿਖਾਉਣ ’ਚ ਮਦਦ ਕਰਦੀਆਂ ਹਨ। ਫੁੱਟਵੀਅਰ ’ਚ ਸਨੀਕਰਜ਼, ਹੀਲਜ਼ ਅਤੇ ਫਲੈਟਸ ਆਦਿ ਪ੍ਰਿੰਟਿਡ ਟਾਪ ਨਾਲ ਕਾਫੀ ਜੱਚਦੇ ਹਨ। ਹੇਅਰ ਸਟਾਈਲ ਦੀ ਗੱਲ ਕਰੀਏ ਤਾਂ ਮੁਟਿਆਰਾਂ ਪ੍ਰਿੰਟਿਡ ਟਾਪ ਨਾਲ ਓਪਨ ਹੇਅਰ ਤੋਂ ਲੈ ਕੇ ਹਾਈ ਪੋਨੀਟੇਲ, ਬੰਨ ਅਤੇ ਮੈਸੀ ਬੰਨ ਤੱਕ ਬਣਾਉਣਾ ਪਸੰਦ ਕਰਦੀਆਂ ਹਨ। ਫਲੋਈ ਫੈਬਰਿਕ ਜਿਵੇਂ ਜਾਰਜੈੱਟ, ਸ਼ਿਫੋਨ ਅਤੇ ਰੇਯਾਨ ਵਾਲੇ ਪ੍ਰਿੰਟਿਡ ਟਾਪ ਪਹਿਨਣ ’ਚ ਕਾਫੀ ਆਰਾਮਦਾਇਕ ਹੁੰਦੇ ਹਨ ਅਤੇ ਗਰਮੀ ’ਚ ਬਾਡੀ ਨਾਲ ਚਿਪਕਦੇ ਵੀ ਨਹੀਂ ਹਨ। ਕੁੱਲ ਮਿਲਾ ਕੇ ਇਨ੍ਹਾਂ ਗਰਮੀਆਂ ’ਚ ਪ੍ਰਿੰਟਿਡ ਟਾਪ ਸਭ ਤੋਂ ਕੰਫਰਟੇਬਲ ਅਤੇ ਟ੍ਰੈਂਡੀ ਫੈਸ਼ਨ ਬਣ ਕੇ ਉੱਭਰੇ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e