ਮਾਨਸੂਨ ਦੇ ਮੌਸਮ ''ਚ ਬੱਚਿਆਂ ਨੂੰ ਖੁਆਓ ਇਹ ਚੀਜ਼ਾਂ, ਵਧੇਗੀ ਇਮਿਊਨਿਟੀ

ਨਵੀਂ ਦਿੱਲੀ : ਬਾਰਿਸ਼ ਦੇ ਮੌਸਮ ਦੇਖਦੇ ਹੀ ਸਾਰੇ ਹੀ ਖੁਸ਼ ਹੋਣ ਲੱਗਦੇ ਹਨ। ਇਹ ਮੌਸਮ ਗਰਮੀ ਤੋਂ ਰਾਹਤ ਦਿਵਾਉਂਦਾ ਹੈ ਪਰ ਨਾਲ ਹੀ ਕਈ ਬੀਮਾਰੀਆਂ ਨੂੰ ਵੀ ਆਪਣੇ ਨਾਲ ਲਿਆਉਂਦਾ ਹੈ। ਇਸ ਮੌਸਮ ਨੂੰ ਸਭ ਤੋਂ ਜ਼ਿਆਦਾ ਬੱਚੇ ਇੰਜੁਆਏ ਕਰਦੇ ਹਨ। ਬੱਚੇ ਬਹੁਤ ਜ਼ਿਆਦਾ ਸੈਂਸਟਿਵ ਅਤੇ ਇਮਿਊਨ ਸਿਸਟਮ ਸਹੀਂ ਤਰ੍ਹਾਂ ਨਾਲ ਕੰਮ ਨਾ ਕਰਨ ਕਾਰਨ ਬੀਮਾਰ ਹੋਣ ਲੱਗਦੇ ਹਨ। ਜੇ ਤੁਸੀਂ ਵੀ ਚਾਹੁੰਦੇ ਹੋ ਕਿ ਤੁਹਾਡਾ ਬੱਚਾ ਅਜਿਹੇ ਮੌਸਮ 'ਚ ਬੀਮਾਰ ਨਾ ਹੋਵੇ ਤਾਂ ਤੁਸੀਂ ਉਨ੍ਹਾਂ ਦਾ ਇਮਿਊਨ ਸਿਸਟਮ ਬੂਸਟ ਕਰਨ ਲਈ ਇਹ ਚੀਜ਼ਾਂ ਜ਼ਰੂਰ ਖੁਆਓ।

1. ਵਿਟਾਮਿਨ ਸੀ ਯੁਕਤ ਆਹਾਰ
ਇਸ ਮੌਸਮ 'ਚ ਬੈਕਟੀਰੀਆ ਨਾਲ ਲੜ੍ਹਣ ਲਈ ਬੱਚਿਆਂ ਨੂੰ ਵਿਟਾਮਿਨ ਸੀ ਯੁਕਤ ਆਹਾਰ ਖਾਣ ਨੂੰ ਦਿਓ। ਅਜਿਹੇ 'ਚ ਉਨ੍ਹਾਂ ਨੂੰ ਮੌਸਮੀ ਫਲ ਅਤੇ ਸਬਜ਼ੀਆਂ ਖਵਾਓ, ਇਸ ਨਾਲ ਉਨ੍ਹਾਂ ਦਾ ਇਮਿਊਨ ਸਿਸਟਮ ਸਹੀ ਰਹੇਗਾ।

2. ਡੇਅਰੀ ਉਤਪਾਦ
ਸਿਹਤਮੰਦ ਰਹਿਣ ਲਈ ਡੇਅਰੀ ਉਤਪਾਦ ਉਂਝ ਵੀ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਅਜਿਹੇ ਮੌਸਮ 'ਚ ਬੱਚਿਆਂ ਦਾ ਇਮਿਊਨ ਸਿਸਟਮ ਸਹੀ ਰੱਖਣ ਲਈ ਉਨ੍ਹਾਂ ਨੂੰ ਮਿਲਕ ਸ਼ੇਕ, ਫਲੇਵਰਡ ਯੁਕਤ ਦਹੀਂ ਖਾਣ ਨੂੰ ਦਿਓ।

3. ਮਾਸ ਅਤੇ ਮੱਛੀ
ਇਸ ਮੌਸਮ 'ਚ ਮੱਛੀ,ਮਾਸ, ਚਿਕਨ ਅਤੇ ਸੀ ਫੂਡ ਖਾਣਾ ਵੀ ਬੱਚਿਆਂ ਲਈ ਬਹੁਤ ਹੀ ਫਾਇਦੇਮੰਦ ਹੈ, ਕਿਉਂਕਿ ਇਸ 'ਚ ਪ੍ਰੋਟੀਨ ਦੀ ਕਾਫ਼ੀ ਮਾਤਰਾ ਮੌਜੂਦ ਹੁੰਦੀ ਹੈ। ਇਸ ਨਾਲ ਬੱਚਿਆਂ ਨੂੰ ਕਿਸੇ ਤਰ੍ਹਾਂ ਦੀ ਕੋਈ ਇਨਫੈਕਸ਼ਨ ਵੀ ਨਹੀਂ ਹੋਵੇਗੀ। ਤੁਸੀਂ ਚਾਹੋ ਤਾਂ ਇਨ੍ਹਾਂ ਚੀਜ਼ਾਂ ਦਾ ਸੂਪ ਜਾਂ ਸਲਾਦ ਬਣਾ ਕੇ ਵੀ ਦੇ ਸਕਦੇ ਹੋ।

4. ਡ੍ਰਾਈ ਫਰੂਟਸ
ਬੱਚਿਆਂ ਦਾ ਇਮਊਨ ਸਿਸਟਮ ਮਜ਼ਬੂਤ ਕਰਨ ਲਈ ਡ੍ਰਾਈ ਫਰੂਟ ਵੀ ਕਾਫ਼ੀ ਫ਼ਾਇਦੇਮੰਦ ਹੁੰਦਾ ਹੈ। ਇਸ ਲਈ ਤੁਸੀਂ ਇਸ ਮੌਸਮ 'ਚ ਬੱਚਿਆਂ ਨੂੰ ਨਟਸ ਅਤੇ ਡ੍ਰਾਈ ਫਰੂਟਸ ਵੀ ਖਾਣ ਨੂੰ ਦੇ ਸਕਦੇ ਹੋ।

5. ਮਸ਼ਰੂਮ
ਮਸ਼ਰੂਮ 'ਚ ਵਿਟਾਮਿਨ ਡੀ ਅਤੇ ਐਂਟੀ ਆਕਸੀਡੈਂਟਸ ਭਰਪੂਰ ਮਾਤਰਾ 'ਚ ਮੌਜੂਦ ਹੁੰਦੇ ਹਨ ਜੋ ਬੱਚਿਆਂ ਵਿਚ ਇਮਿਊਨਿਟੀ ਵਧਾਉਣ 'ਚ ਮਦਦ ਕਰਦੀ ਹੈ। ਤੁਸੀਂ ਬੱਚਿਆਂ ਨੂੰ ਇਸ ਦੀ ਸਬਜ਼ੀ, ਸੂਪ ਜਾਂ ਸੈਂਡਵਿਚ ਬਣਾ ਕੇ ਖੁਆ ਸਕਦੇ ਹੋ।