ਔਰਤਾਂ ਨੂੰ ਯੂਨੀਕ ਲੁੱਕ ਦੇ ਰਹੀ ਹੈ ‘ਲਾਈਨ ਪ੍ਰਿੰਟਿਡ ਡਰੈੱਸ’

ਵੈੱਬ ਡੈਸਕ- ਅੱਜਕੱਲ ਔਰਤਾਂ ਅਜਿਹੀ ਡਰੈੱਸ ਦੀ ਚੋਣ ਕਰ ਰਹੀਆਂ ਹਨ ਜੋ ਉਨ੍ਹਾਂ ਨੂੰ ਭੀੜ ਨਾਲੋਂ ਵੱਖਰਾ ਅਤੇ ਆਕਰਸ਼ਕ ਬਣਾਏ। ਲਾਈਨ ਪ੍ਰਿੰਟਿਡ ਡਰੈੱਸ ਇਸੇ ਟ੍ਰੈਂਡ ਦੀ ਇਕ ਸ਼ਾਨਦਾਰ ਮਿਸਾਲ ਹੈ। ਜਿੱਥੇ ਫਲੋਰਲ ਪ੍ਰਿੰਟਸ ਦਾ ਕ੍ਰੇਜ਼ ਹਮੇਸ਼ਾ ਬਣਿਆ ਰਹਿੰਦਾ ਹੈ, ਉੱਥੇ ਹੀ ਲਾਈਨ ਪ੍ਰਿੰਟਿਡ ਜਾਂ ਸਟ੍ਰਾਈਪਡ ਡਰੈੱਸ ਔਰਤਾਂ ਨੂੰ ਇਕ ਟ੍ਰੈਂਡੀ, ਮਾਡਰਨ ਅਤੇ ਯੂਨੀਕ ਲੁੱਕ ਪ੍ਰਦਾਨ ਕਰ ਰਹੀਆਂ ਹਨ। ਇਹ ਡਰੈੱਸ ਕੈਜ਼ੂਅਲ ਤੋਂ ਲੈ ਕੇ ਪਾਰਟੀ ਵੇਅਰ ਤੱਕ ਹਰ ਮੌਕੇ ਲਈ ਪਰਫੈਕਟ ਸਾਬਿਤ ਹੋ ਰਹੀ ਹੈ। ਲਾਈਨ ਪ੍ਰਿੰਟਸ ਦੀ ਸਾਦਗੀ ਅਤੇ ਜਿਓਮੈਟ੍ਰਿਕ ਅਪੀਲ ਉਨ੍ਹਾਂ ਨੂੰ ਕਲਾਸਿਕ ਪਰ ਕਦੇ ਪੁਰਾਣਾ ਨਾ ਹੋਣ ਵਾਲਾ ਸਟਾਈਲ ਦਿੰਦੀ ਹੈ। ਲਾਈਨ ਪ੍ਰਿੰਟਿਡ ਡਰੈੱਸ ਦਾ ਖਿੱਚ ਪਾਊ ਹੋਣਾ ਉਸ ਦੀ ਵਿਭਿੰਨਤਾ ’ਚ ਛੁਪਿਆ ਹੈ। ਇੰਡੀਅਨ ਲੁੱਕ ’ਚ ਇਹ ਸੂਟ, ਸਾੜ੍ਹੀ, ਲਹਿੰਗਾ-ਚੋਲੀ ਅਤੇ ਕੁੜਤੀ ’ਚ ਉਪਲਬਧ ਹਨ, ਜਿੱਥੇ ਹੌਰੀਜ਼ੈਂਟਲ, ਵਰਟੀਕਲ, ਜ਼ਿਗਜ਼ੈਗ ਜਾਂ ਲਹਿਰੀਆ ਲਾਈਨਾਂ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਵੈਸਟਰਨ ਅਤੇ ਇੰਡੋ-ਵੈਸਟਰਨ ਸਟਾਈਲ ’ਚ ਟਾਪ, ਫਰਾਕ, ਸ਼ਾਰਟ ਡਰੈੱਸ, ਬਾਡੀਕੌਨ ਜਾਂ ਏ-ਲਾਈਨ ਡਰੈੱਸ ’ਚ ਲਾਈਨ ਪ੍ਰਿੰਟਸ ਬਹੁਤ ਪ੍ਰਚੱਲਿਤ ਹਨ।

ਬਾਟਮਜ਼ ਜਿਵੇਂ ਕਿ ਪੈਂਟਸ, ਸਕਰਟਸ ਜਾਂ ਪਲਾਜ਼ੋ ’ਚ ਵੀ ਕੰਟਰਾਸਟ ਲਾਈਨਾਂ ਦੇਖੀਆਂ ਜਾ ਸਕਦੀਆਂ ਹਨ। ਇਹ ਪ੍ਰਿੰਟਸ 2 ਜਾਂ ਇਸ ਤੋਂ ਵੱਧ ਰੰਗਾਂ ਦੇ ਸੁਮੇਲ ’ਚ ਆਉਂਦੇ ਹਨ, ਜਿਵੇਂ ਵ੍ਹਾਈਟ-ਬਲੈਕ, ਰੈੱਡ-ਬਲੈਕ, ਯੈਲੋ-ਬਲੈਕ, ਗੋਲਡਨ-ਬਲੈਕ ਜਾਂ ਸਿਲਵਰ-ਬਲੈਕ। ਮਲਟੀਕਲਰ ਲਾਈਨਾਂ ਵਾਲੀ ਡਰੈੱਸ ਔਰਤਾਂ ਨੂੰ ਸਮਾਰਟ ਅਤੇ ਫੈਸ਼ਨੇਬਲ ਲੁੱਕ ਦਿੰਦੀ ਹੈ। ਲਾਈਨ ਪ੍ਰਿੰਟਿਡ ਡਰੈੱਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਇਨ੍ਹਾਂ ਦਾ ਟ੍ਰੈਂਡ ਕਦੇ ਖ਼ਤਮ ਨਹੀਂ ਹੁੰਦਾ। ਇਹ ਹਮੇਸ਼ਾ ਕਲਾਸਿਕ ਅਤੇ ਸਮਕਾਲੀ ਲੱਗਦੀਆਂ ਹਨ। ਪਿਛਲੇ ਕੁਝ ਸਾਲਾਂ ’ਚ ਫੈਸ਼ਨ ਟ੍ਰੈਂਡਸ ’ਚ ਸਟ੍ਰਾਈਪਸ ਦਾ ਜ਼ਬਰਦਸਤ ਕਮਬੈਕ ਹੋਇਆ ਹੈ, ਜੋ 2025-2026 ’ਚ ਵੀ ਜਾਰੀ ਹੈ। ਇਹ ਡਰੈੱਸ ਹਰ ਬਾਡੀ ਟਾਈਪ ’ਤੇ ਜੱਚਦੀ ਹੈ। ਵਰਟੀਕਲ ਲਾਈਨਾਂ ਲੰਬਾਈ ਅਤੇ ਸਲਿਮ ਲੁੱਕ ਦਿੰਦੀਆਂ ਹਨ। ਮਾਰਕੀਟ ’ਚ ਕਾਟਨ, ਲਿਨੇਨ, ਚੰਦੇਰੀ, ਜੌਰਜੈੱਟ ਵਰਗੇ ਫੈਬਰਿਕਸ ’ਚ ਇਹ ਆਸਾਨੀ ਨਾਲ ਮਿਲ ਜਾਂਦੀਆਂ ਹਨ, ਜੋ ਕੰਫਰਟ ਅਤੇ ਸਟਾਈਲ ਦੋਵੇਂ ਪ੍ਰਦਾਨ ਕਰਦੀਆਂ ਹਨ।

ਸਟਾਈਲਿੰਗ ਦੇ ਮਾਮਲੇ ’ਚ ਔਰਤਾਂ ਲਾਈਨ ਪ੍ਰਿੰਟਿਡ ਡਰੈੱਸ ਨੂੰ ਮਿਨੀਮਲ ਐਕਸੈਸਰੀਜ਼ ਦੇ ਨਾਲ ਪੇਅਰ ਕਰਨਾ ਪਸੰਦ ਕਰਦੀਆਂ ਹਨ। ਮੈਚਿੰਗ ਜਾਂ ਕੰਟਰਾਸਟ ਪਰਸ, ਕਲੱਚ, ਬੈਲਟ ਜਾਂ ਸਕਾਰਫ਼ ਦੀ ਵਰਤੋਂ ਆਮ ਹੈ। ਜਿਊਲਰੀ ’ਚ ਮਿਨੀਮਲਿਸਟ ਅਪ੍ਰੋਚ ਅਪਣਾਈ ਜਾਂਦੀ ਹੈ। ਲਾਂਗ ਈਅਰਰਿੰਗਸ, ਸਿੰਪਲ ਨੈੱਕਲੈੱਸ ਜਾਂ ਸਟੇਟਮੈਂਟ ਪੀਸ ਜੋ ਪ੍ਰਿੰਟ ਨੂੰ ਹਾਈਲਾਈਟ ਕਰਨ। ਹੇਅਰਸਟਾਈਲ ’ਚ ਓਪਨ ਹੇਅਰ, ਹਾਈ ਪੋਨੀਟੇਲ, ਮੈਸੀ ਬੰਨ ਜਾਂ ਸਾਈਡ ਬ੍ਰੈਡਸ ਪਾਪੂਲਰ ਹਨ। ਫੁੱਟਵੀਅਰ ’ਚ ਸਨੀਕਰਸ, ਸਪੋਰਟਸ ਸ਼ੂਜ਼, ਬੈਲੀ ਫਲੈਟਸ, ਲੋਫਰਸ ਜਾਂ ਸੈਂਡਲਸ ਦੇ ਨਾਲ ਇਹ ਡਰੈੱਸ ਕੈਜ਼ੂਅਲ ਤੋਂ ਸੈਮੀ-ਫਾਰਮਲ ਲੁੱਕ ਤੱਕ ਆਸਾਨੀ ਨਾਲ ਬਦਲ ਜਾਂਦੀ ਹੈ।

ਲਾਈਨ ਪ੍ਰਿੰਟਿਡ ਡਰੈੱਸ ਔਰਤਾਂ ਨੂੰ ਨਾ ਸਿਰਫ ਯੂਨੀਕ ਲੁੱਕ ਦਿੰਦੀ ਹੈ ਸਗੋਂ ਵਰਸੇਟਾਈਲ ਵੀ ਹੈ। ਆਫਿਸ, ਕਾਲਜ, ਬ੍ਰੰਚ ਆਊਟਿੰਗ, ਪਾਰਟੀ ਜਾਂ ਫੈਮਿਲੀ ਫੰਕਸ਼ਨ, ਹਰ ਜਗ੍ਹਾ ਇਹ ਫਿੱਟ ਬੈਠਦੀ ਹੈ। ਔਰਤਾਂ ਇਨ੍ਹਾਂ ਨੂੰ ਇਸ ਲਈ ਪਸੰਦ ਕਰਦੀਆਂ ਹਨ ਕਿਉਂਕਿ ਇਹ ਉਨ੍ਹਾਂ ਨੂੰ ਕਾਨਫੀਡੈਂਟ, ਸਟਾਈਲਿਸ਼ ਅਤੇ ਅਲੱਗ ਬਣਾਉਂਦੀ ਹੈ। ਬਾਜ਼ਾਰ ’ਚ ਉਪਲਬਧ ਵੈਰਾਇਟੀ ਅਤੇ ਅਫੋਰਡੇਬਲ ਰੇਂਜ ਕਾਰਨ ਹਰ ਉਮਰ ਦੀ ਔਰਤ ਇਨ੍ਹਾਂ ਨੂੰ ਅਪਣਾਉਣ ’ਚ ਪਿੱਛੇ ਨਹੀਂ ਹੈ। ਕੁੱਲ ਮਿਲਾ ਕੇ, ਲਾਈਨ ਪ੍ਰਿੰਟਿਡ ਡਰੈੱਸ ਅੱਜ ਦੇ ਫੈਸ਼ਨ ’ਚ ਇਕ ਅਜਿਹਾ ਟ੍ਰੈਂਡ ਹੈ ਜੋ ਕਲਾਸਿਕ ਨੂੰ ਮਾਡਰਨ ਟਵਿੱਸਟ ਦੇ ਰਿਹਾ ਹੈ ਅਤੇ ਔਰਤਾਂ ਦਾ ਦਿਲ ਜਿੱਤ ਰਿਹਾ ਹੈ।