‘ਬਨਾਰਸੀ ਸਾੜ੍ਹੀ’ ਭਾਰਤੀ ਔਰਤਾਂ ਦੀ ਸਦਾਬਹਾਰ ਪਸੰਦ

ਵੈੱਬ ਡੈਸਕ- ਭਾਰਤੀ ਔਰਤਾਂ ਦੇ ਰਵਾਇਤੀ ਪਹਿਰਾਵੇ ’ਚ ਸਾੜ੍ਹੀ ਸਦਾਬਹਾਰ ਪਸੰਦ ਰਹੀ ਹੈ। ਵੱਖ-ਵੱਖ ਮੌਕਿਆਂ ’ਤੇ ਔਰਤਾਂ ਵੱਖ-ਵੱਖ ਕਿਸਮ ਦੀਆਂ ਸਾੜ੍ਹੀਆਂ ਨੂੰ ਸਟਾਈਲ ਕਰਦੀਆਂ ਨਜ਼ਰ ਆਉਂਦੀਆਂ ਹਨ। ਇਨ੍ਹਾਂ ’ਚ ਕਾਟਨ, ਸਿਲਕ, ਚੰਦੇਰੀ, ਜਾਰਜੈੱਟ ਆਦਿ ਸ਼ਾਮਲ ਹਨ ਪਰ ਖ਼ਾਸ ਮੌਕਿਆਂ ’ਤੇ ਬਨਾਰਸੀ ਸਾੜ੍ਹੀ ਦਾ ਆਪਣਾ ਵੱਖਰਾ ਹੀ ਮਹੱਤਵ ਹੈ। ਬਨਾਰਸੀ ਸਾੜ੍ਹੀਆਂ ਔਰਤਾਂ ਨੂੰ ਰਾਇਲ, ਕਲਾਸਿਕ ਅਤੇ ਬੇਹੱਦ ਖ਼ੂਬਸੂਰਤ ਲੁੱਕ ਦਿੰਦੀਆਂ ਹਨ। ਇਹੀ ਕਾਰਨ ਹੈ ਕਿ ਵਿਆਹ, ਮੰਗਣੀ, ਪਾਰਟੀ, ਵਰ੍ਹੇਗੰਢ ਵਰਗੇ ਵਿਸ਼ੇਸ਼ ਮੌਕਿਆਂ ’ਚ ਬਨਾਰਸੀ ਸਾੜ੍ਹੀ ਨੂੰ ਤਰਜੀਹ ਦਿੱਤੀ ਜਾਂਦੀ ਹੈ।

ਬਨਾਰਸੀ ਸਾੜ੍ਹੀਆਂ ਮੁੱਖ ਤੌਰ ’ਤੇ ਵਾਰਾਣਸੀ (ਬਨਾਰਸ) ’ਚ ਦਸਤਕਾਰੀ ਵਜੋਂ ਤਿਆਰ ਕੀਤੀਆਂ ਜਾਂਦੀਆਂ ਹਨ। ਇਨ੍ਹਾਂ ਸਾੜ੍ਹੀਆਂ ’ਤੇ ਕੀਤਾ ਗਿਆ ਜ਼ਰੀ ਦਾ ਕੰਮ, ਗੋਲਡਨ ਅਤੇ ਸਿਲਵਰ ਟੋਨ ਦਾ ਵਰਕ ਇਨ੍ਹਾਂ ਨੂੰ ਦੂਜੀਆਂ ਸਾੜ੍ਹੀਆਂ ਤੋਂ ਵੱਖਰੀ ਪਛਾਣ ਦਿੰਦਾ ਹੈ। ਇਹ ਸਾੜ੍ਹੀਆਂ ਹਲਕੇ ਰੇਸ਼ਮ ਤੋਂ ਬਣੀਆਂ ਹੁੰਦੀਆਂ ਹਨ, ਜਿਸ ਨਾਲ ਇਨ੍ਹਾਂ ਨੂੰ ਪਹਿਨਣ ’ਚ ਆਰਾਮ ਵੀ ਮਿਲਦਾ ਹੈ ਅਤੇ ਲੁੱਕ ਵੀ ਬੇਹੱਦ ਸ਼ਾਹੀ ਲੱਗਦੀ ਹੈ। ਬਨਾਰਸੀ ਸਾੜ੍ਹੀ ’ਤੇ ਰਵਾਇਤੀ ਬੂਟੀਆਂ, ਫੁੱਲ-ਪੱਤੀਆਂ ਅਤੇ ਜਿਆਮਿਤੀ ਡਿਜ਼ਾਈਨ ਦੇਖਣ ਨੂੰ ਮਿਲਦੇ ਹਨ। ਇਨ੍ਹਾਂ ਡਿਜ਼ਾਈਨਾਂ ਨੂੰ ਗੋਲਡਨ, ਸਿਲਵਰ ਜਾਂ ਮਲਟੀਕਲਰ ਜ਼ਰੀ ਨਾਲ ਸਜਾਇਆ ਜਾਂਦਾ ਹੈ, ਜੋ ਸਾੜ੍ਹੀ ਨੂੰ ਚਮਕਦਾਰ ਅਤੇ ਆਕਰਸ਼ਕ ਬਣਾਉਂਦਾ ਹੈ।

ਬਨਾਰਸੀ ਸਾੜ੍ਹੀਆਂ ’ਚ ਰੰਗਾਂ ਦੀ ਭਰਮਾਰ ਹੈ। ਲਾਲ, ਗੁਲਾਬੀ, ਨੀਲਾ, ਹਰਾ, ਪੀਕਾਕ, ਕਾਲਾ, ਪੀਲਾ, ਗੋਲਡਨ, ਪਰਪਲ ਆਦਿ ਰੰਗਾਂ ’ਚ ਇਹ ਸਾੜ੍ਹੀਆਂ ਉਪਲਬਧ ਹੁੰਦੀਆਂ ਹਨ। ਹਰ ਰੰਗ ਆਪਣੀ ਖ਼ਾਸੀਅਤ ਰੱਖਦਾ ਹੈ। ਉਦਾਹਰਨ ਲਈ ਲਾਲ ਬਨਾਰਸੀ ਸਾੜ੍ਹੀ ਲਾੜੀ ਲਈ ਸਭ ਤੋਂ ਲੋਕਪ੍ਰਿਯ ਹੈ, ਜਦੋਂ ਕਿ ਗੋਲਡਨ ਅਤੇ ਪੀਕਾਕ ਕਲਰ ਵਾਲੀਆਂ ਸਾੜ੍ਹੀਆਂ ਪਾਰਟੀ ਵੀਅਰ ਲਈ ਪਰਫੈਕਟ ਮੰਨੀਆਂ ਜਾਂਦੀਆਂ ਹਨ। ਇਨ੍ਹਾਂ ਰੰਗਾਂ ਦੇ ਨਾਲ ਜ਼ਰੀ ਦਾ ਕੰਮ ਸਾੜ੍ਹੀ ਨੂੰ ਹੋਰ ਵੀ ਦਿਲ-ਖਿੱਚਵਾਂ ਬਣਾ ਦਿੰਦਾ ਹੈ।

ਬਾਜ਼ਾਰ ’ਚ ਅੱਜਕੱਲ ਪੇਸਟਲ ਸ਼ੇਡਸ, ਡਾਰਕ ਟੋਨ ਅਤੇ ਮੈਟਾਲਿਕ ਕਲਰਸ ਦੀਆਂ ਬਨਾਰਸੀ ਸਾੜ੍ਹੀਆਂ ਵੀ ਕਾਫ਼ੀ ਡਿਮਾਂਡ ’ਚ ਹਨ। ਬਨਾਰਸੀ ਸਾੜ੍ਹੀ ਨੂੰ ਸਟਾਈਲ ਕਰਨ ਦੇ ਕਈ ਤਰੀਕੇ ਹਨ। ਕੁਝ ਔਰਤਾਂ ਇਸ ਨੂੰ ਰਵਾਇਤੀ ਤਰੀਕੇ ਨਾਲ ਪਹਿਨਦੀਆਂ ਹਨ ਤੇ ਕੁਝ ਮਾਡਰਨ ਟੱਚ ਦੇ ਨਾਲ। ਅਸੈਸਰੀਜ਼ ’ਚ ਗੋਲਡਨ ਜਾਂ ਸਿਲਵਰ ਕਲੱਚ, ਪੋਟਲੀ ਬੈਗ ਦੀ ਵਰਤੋਂ ਬਹੁਤ ਆਮ ਹੈ। ਕਈ ਔਰਤਾਂ ਆਪਣੀ ਲੁੱਕ ਨੂੰ ਟਰੈਂਡੀ ਬਣਾਉਣ ਲਈ ਸਾੜ੍ਹੀ ਦੇ ਨਾਲ ਵੱਡੇ ਸਨਗਲਾਸਿਜ਼ ਵੀ ਸਟਾਈਲ ਕਰਦੀਆਂ ਹਨ।

ਜਿਊਲਰੀ ਦੀ ਗੱਲ ਕਰੀਏ ਤਾਂ ਗੋਲਡਨ ਜਿਊਲਰੀ ਤੋਂ ਲੈ ਕੇ ਮੈਚਿੰਗ ਸਟੋਨ ਜਿਊਲਰੀ ਤੱਕ ਦਾ ਰੁਝਾਨ ਹੈ। ਹੈਵੀ ਨੈੱਕਲੇਸ, ਚੂੜੀਆਂ, ਝੁਮਕੇ ਅਤੇ ਮਾਂਗ ਟਿੱਕਾ ਦੇ ਨਾਲ ਬਨਾਰਸੀ ਸਾੜ੍ਹੀ ਦੀ ਲੁੱਕ ਪੂਰੀ ਹੁੰਦੀ ਹੈ। ਕੁਝ ਔਰਤਾਂ ਮਿਨੀਮਲ ਜਿਊਲਰੀ ਦੇ ਨਾਲ ਸਿੰਪਲ ਲੁੱਕ ਪਸੰਦ ਕਰਦੀਆਂ ਹਨ। ਹੇਅਰ ਸਟਾਈਲ ’ਚ ਜੂੜਾ, ਓਪਨ ਹੇਅਰ, ਬ੍ਰੇਡਿਡ ਸਟਾਈਲ ਜਾਂ ਹਾਫ ਅੱਪ-ਹਾਫ ਡਾਊਨ ਲੁੱਕ ਦੇਖੀ ਜਾ ਸਕਦੀ ਹੈ। ਫੁੱਟਵੀਅਰ ’ਚ ਹਾਈ ਹੀਲਜ਼, ਬਲਾਕ ਹੀਲਜ਼ ਜਾਂ ਰਵਾਇਤੀ ਜੁੱਤੀਆਂ ਦੋਵੇਂ ਹੀ ਬਦਲ ਲੋਕਪ੍ਰਿਯ ਹਨ।

ਹਾਈ ਹੀਲਜ਼ ਦੇ ਨਾਲ ਸਾੜ੍ਹੀ ਦਾ ਫਾਲ ਅਤੇ ਡਰੇਪ ਬਿਹਤਰ ਦਿਸਦਾ ਹੈ। ਅੱਜਕੱਲ ਬਨਾਰਸੀ ਸਾੜ੍ਹੀਆਂ ਦੀ ਵੰਨ-ਸੁਵੰਨਤਾ ਬਹੁਤ ਵਧ ਗਈ ਹੈ। ਆਨਲਾਈਨ ਅਤੇ ਆਫਲਾਈਨ ਦੋਵੇਂ ਬਾਜ਼ਾਰਾਂ ’ਚ ਇਨ੍ਹਾਂ ਦੀ ਭਰਮਾਰ ਹੈ। ਔਰਤਾਂ ਇਨ੍ਹਾਂ ਸਾੜ੍ਹੀਆਂ ਨੂੰ ਬੜੇ ਸ਼ੌਕ ਨਾਲ ਖ਼ਰੀਦ ਰਹੀਆਂ ਹਨ। ਕੁਝ ਔਰਤਾਂ ਸਿਲਕ ਦੀਆਂ ਸ਼ੁੱਧ ਬਨਾਰਸੀ ਸਾੜ੍ਹੀਆਂ ਪਸੰਦ ਕਰਦੀਆਂ ਹਨ ਤੇ ਕੁਝ ਹਲਕੇ ਭਾਰ ਵਾਲੀਆਂ ਜਾਂ ਬਰੋਕੇਡ ਸਿਲਕ ਵਾਲੀਆਂ ਸਾੜ੍ਹੀਆਂ ਚੁਣਦੀਆਂ ਹਨ। ਕੀਮਤ ਵੀ ਰੇਂਜ ’ਚ ਉਪਲਬਧ ਹੈ, ਜਿਸ ਨਾਲ ਹਰ ਵਰਗ ਦੀਆਂ ਔਰਤਾਂ ਇਨ੍ਹਾਂ ਨੂੰ ਖ਼ਰੀਦ ਸਕਦੀਆਂ ਹਨ। ਬਨਾਰਸੀ ਸਾੜ੍ਹੀ ਸਿਰਫ਼ ਇਕ ਕੱਪੜਾ ਨਹੀਂ, ਸਗੋਂ ਭਾਰਤੀ ਸੱਭਿਆਚਾਰ ਅਤੇ ਪ੍ਰੰਪਰਾ ਦਾ ਪ੍ਰਤੀਕ ਹੈ। ਇਹ ਔਰਤਾਂ ਨੂੰ ਰਾਇਲ ਲੁੱਕ ਦੇ ਨਾਲ-ਨਾਲ ਆਤਮਵਿਸ਼ਵਾਸ ਵੀ ਦਿੰਦੀ ਹੈ। ਭਾਵੇਂ ਵਿਆਹ ਹੋਵੇ ਜਾਂ ਕੋਈ ਤਿਉਹਾਰ, ਬਨਾਰਸੀ ਸਾੜ੍ਹੀ ਹਰ ਮੌਕੇ ਨੂੰ ਯਾਦਗਾਰ ਬਣਾ ਦਿੰਦੀ ਹੈ। ਅੱਜ ਵੀ ਇਹ ਸਾੜ੍ਹੀ ਨਵੀਂ ਪੀੜ੍ਹੀ ਦੀ ਪਹਿਲੀ ਪਸੰਦ ਬਣੀ ਹੋਈ ਹੈ, ਕਿਉਂਕਿ ਇਹ ਪ੍ਰੰਪਰਾ ਅਤੇ ਆਧੁਨਿਕਤਾ ਦਾ ਬਿਹਤਰੀਨ ਸੁਮੇਲ ਹੈ।