Beauty Tips: ਆਇਲੀ ਚਮੜੀ ਨੂੰ ਚਮਕਦਾਰ ਬਣਾਉਣ ਲਈ ਅਪਣਾਓ ਇਹ 3 ਬਿਊਟੀ ਟਿਪਸ
08/03/2021 3:45:30 PM
ਨਵੀਂ ਦਿੱਲੀ: ਹਰ ਇਕ ਨੂੰ ਮਾਨਸੂਨ ਦੌਰਾਨ ਚਮੜੀ ਸਬੰਧੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਸ ’ਚ ਆਇਲੀ ਚਮੜੀ ਦੀ ਸਮੱਸਿਆ ਆਮ ਦੇਖਣ ਨੂੰ ਮਿਲਦੀ ਹੈ। ਇਸ ਦੇ ਕਾਰਨ ਚਿਹਰੇ ’ਤੇ ਹਰ ਸਮੇਂ ਚਿਪਚਿਪਾਪਨ ਮਹਿਸੂਸ ਹੁੰਦਾ ਹੈ। ਇਸ ਦੇ ਕਾਰਨ ਚਿਹਰੇ ’ਤੇ ਪਿੰਪਲਸ ਹੋਣ ਦਾ ਖ਼ਤਰਾ ਵੀ ਜ਼ਿਆਦਾ ਰਹਿੰਦਾ ਹੈ। ਅਜਿਹੇ ’ਚ ਜੇਕਰ ਤੁਸੀਂ ਵੀ ਇਸ ਸਮੱਸਿਆ ਤੋਂ ਪਰੇਸ਼ਾਨ ਹੋ ਤਾਂ ਇਸ ਤੋ ਬਚਣ ਲਈ ਕੁਝ ਘਰੇਲੂ ਚੀਜ਼ਾਂ ਦੀ ਵਰਤੋਂ ਕਰ ਸਕਦੇ ਹੋ। ਚੱਲੋ ਜਾਣਦੇ ਹਾਂ ਇਸ ਦੇ ਬਾਰੇ ’ਚ...
ਸ਼ਹਿਦ ਫੇਸਪੈਕ
ਤੁਸੀਂ ਆਇਲੀ ਚਮੜੀ ਦੀ ਸਮੱਸਿਆ ਤੋਂ ਬਚਣ ਲਈ ਸ਼ਹਿਦ ਫੇਸਪੈਕ ਲਗਾ ਸਕਦੀ ਹੋ। ਸ਼ਹਿਦ ’ਚ ਐਂਟੀ-ਆਕਸੀਡੈਂਟਸ, ਐਂਟੀ-ਬੈਕਟੀਰੀਅਲ, ਔਸ਼ਦੀ ਅਤੇ ਬਲੀਚਿੰਗ ਗੁਣ ਹੁੰਦੇ ਹਨ। ਇਸ ਨਾਲ ਤਿਆਰ ਫੇਸਪੈਕ ਲਗਾਉਣ ਨਾਲ ਚਮੜੀ ’ਤੇ ਜਮ੍ਹਾ ਵਾਧੂ ਆਇਲ ਸਾਫ਼ ਹੋ ਕੇ ਚਮੜੀ ਨੂੰ ਡੂੰਘਾਈ ਤੋਂ ਪੋਸ਼ਣ ਮਿਲਦਾ ਹੈ। ਚਮੜੀ ਸਬੰਧੀ ਸਮੱਸਿਆਵਾਂ ਦੂਰ ਹੋ ਕੇ ਚਿਹਰੇ ’ਤੇ ਨਿਖਾਰ ਆਉਂਦਾ ਹੈ।
ਇੰਝ ਕਰੋ ਵਰਤੋਂ
ਇਸ ਲਈ ਸਭ ਤੋਂ ਪਹਿਲਾਂ ਕੌਲੀ ’ਚ 2 ਛੋਟੇ ਚਮਚੇ ਬੇਕਿੰਗ ਸੋਡਾ, 1 ਵੱਡਾ ਚਮਚਾ ਸ਼ਹਿਦ, ਨਿੰਬੂ ਦਾ ਰਸ ਮਿਲਾਓ। ਤਿਆਰ ਪੇਸਟ ਨੂੰ ਚਿਹਰੇ ਅਤੇ ਗਰਦਨ ’ਤੇ ਹਲਕੇ ਹੱਥਾਂ ਨਾਲ ਮਾਲਿਸ਼ ਕਰਦੇ ਹੋਏ ਲਗਾਓ। ਇਸ ਨੂੰ 5-10 ਮਿੰਟ ਤੱਕ ਲੱਗਿਆ ਰਹਿਣ ਦਿਓ। ਬਾਅਦ ’ਚ ਪਾਣੀ ਨਾਲ ਧੋ ਲਓ। ਚੰਗਾ ਰਿਜ਼ਲਟ ਪਾਉਣ ਲਈ ਇਸ ਫੇਸਪੈਕ ਨੂੰ ਹਫ਼ਤੇ ’ਚ 2-3 ਵਾਰ ਲਗਾਓ।
ਸਮੁੰਦਰੀ ਨਮਕ
ਆਇਲੀ ਚਮੜੀ ਵਾਲਿਆਂ ਲਈ ਸਮੁੰਦਰੀ ਨਮਕ ਬਹੁਤ ਫ਼ਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਸ ਨਾਲ ਚਿਹਰੇ ਦੀ ਮਾਲਿਸ਼ ਕਰਨ ਨਾਲ ਚਮੜੀ ’ਤੇ ਜਮ੍ਹਾ ਵਾਧੂ ਆਇਲ ਸਾਫ਼ ਹੁੰਦਾ ਹੈ। ਨਾਲ ਹੀ ਚਮੜੀ ’ਤੇ ਲੋੜ ਅਨੁਸਾਰ ਨਮੀ ਬਣਾਏ ਰੱਖਣ ’ਚ ਮਦਦ ਮਿਲਦੀ ਹੈ। ਅਜਿਹੇ ’ਚ ਚਿਹਰਾ ਸਾਫ਼, ਨਿਖਰਿਆ ਅਤੇ ਖਿੜਿਆ-ਖਿੜਿਆ ਨਜ਼ਰ ਆਉਂਦਾ ਹੈ।
ਇੰਝ ਕਰੋ ਵਰਤੋਂ
ਇਸ ਲਈ 1/2 ਛੋਟਾ ਚਮਚਾ ਸਮੁੰਦਰੀ ਨਮਕ ’ਚ ਲੋੜ ਅਨੁਸਾਰ ਕੋਸਾ ਪਾਣੀ ਮਿਲਾਓ। ਫਿਰ ਇਸ ਨਾਲ ਸਰਕੁਲੇਸ਼ਨ ਮੋਸ਼ਨ ’ਚ ਚਿਹਰੇ ਅਤੇ ਗਰਦਨ ਦੀ ਮਾਲਿਸ਼ ਕਰੋ। 3-5 ਮਿੰਟ ਤੋਂ ਬਾਅਦ ਚਿਹਰੇ ਨੂੰ ਪਾਣੀ ਨਾਲ ਧੋ ਕੇ ਸਾਫ਼ ਕਰੋ। ਤੁਸੀਂ ਇਸ ਉਪਾਅ ਨੂੰ ਹਫ਼ਤੇ ’ਚ 2 ਵਾਰ ਕਰ ਸਕਦੇ ਹੋ।
ਗ੍ਰੀਨ-ਟੀ ਆਈਸ ਕਿਊਬਸ
ਤੁਸੀਂ ਆਇਲੀ ਚਮੜੀ ਤੋਂ ਬਚਣ ਅਤੇ ਚਿਹਰੇ ’ਤੇ ਚਮਕ ਲਿਆਉਣ ਲਈ ਗ੍ਰੀਨ-ਟੀ ਆਈਸ ਕਿਊਬਸ ਦੀ ਵਰਤੋਂ ਕਰ ਸਕਦੇ ਹੋ। ਇਸ ਨਾਲ ਚਮੜੀ ਨੂੰ ਡੂੰਘਾਈ ਤੋਂ ਪੋਸ਼ਣ ਮਿਲੇਗਾ। ਆਇਲੀ ਚਮੜੀ ਦੀ ਪਰੇਸ਼ਾਨੀ ਦੂਰ ਹੋਣ ਦੇ ਨਾਲ ਪਿੰਪਲਸ, ਦਾਗ-ਧੱਬੇ ਆਦਿ ਚਮੜੀ ਸਬੰਧੀ ਸਮੱਸਿਆਵਾਂ ਵੀ ਦੂਰ ਹੋਣਗੀਆਂ।
ਇੰਝ ਕਰੋ ਵਰਤੋਂ
ਇਸ ਲਈ ਇਕ ਪੈਨ ’ਚ ਇਕ ਕੱਪ ਪਾਣੀ ਅਤੇ ਇਕ ਬੈਗ ਗ੍ਰੀਨ ਟੀ ਪਾ ਕੇ ਉਬਾਓ। ਪਾਣੀ ਦਾ ਰੰਗ ਬਦਲਣ ’ਤੇ ਇਸ ਨੂੰ ਅੱਗ ਤੋਂ ਉਤਾਰ ਕੇ ਠੰਡਾ ਕਰ ਲਓ। ਹੁਣ ਇਸ ’ਚ 1 ਵੱਡਾ ਚਮਚਾ ਨਿੰਬੂ ਮਿਲਾ ਕੇ ਆਈਸ ਕਿਊਸ ਟ੍ਰੇਅ ’ਚ ਭਰ ਕੇ ਫਰਿੱਜ਼ਰ ’ਚ ਰੱਖ ਦਿਓ। ਇਸ ਦੀ ਬਰਫ਼ ਜਮ੍ਹਣ ’ਤੇ ਚਿਹਰੇ ’ਤੇ ਮਾਲਿਸ਼ ਕਰਦੇ ਹੋਏ ਲਗਾਓ। ਤੁਸੀਂ ਰੋਜ਼ਾਨਾ ਸੌਣ ਤੋਂ ਪਹਿਲਾਂ ਇਕ ਆਈਸ ਕਿਊਬ ਦੀ ਵਰਤੋਂ ਕਰ ਸਕਦੇ ਹੋ।
