ਜੰਮੂ-ਕਸ਼ਮੀਰ : ਪੀ.ਡੀ.ਪੀ. ਮੰਤਰੀ ਫਾਰੂਖ ਦੇ ਘਰ ''ਤੇ ਅੱਤਵਾਦੀ ਹਮਲਾ, ਇਕ ਸੁਰੱਖਿਆ ਅਧਿਕਾਰੀ ਜ਼ਖਮੀ
03/26/2017 11:48:54 PM
ਜੰਮੂ— ਜੰਮੂ-ਕਸ਼ਮੀਰ ਦੇ ਅੰਤਨਾਗ ਜ਼ਿਲੇ ''ਚ ਪੀ.ਡੀ.ਪੀ. ਮੰਤਰੀ ਫਾਰੂਖ ਅੰਦਰਾਬੀ ਦੇ ਘਰ 26 ਮਾਰਚ ਦੇਰ ਰਾਤ ਅੱਤਵਾਦੀਆਂ ਨੇ ਹਮਲਾ ਕਰ ਦਿੱਤਾ। ਜਿਸ ਦੌਰਾਨ ਮੌਕੇ ''ਤੇ ਮੌਜੂਦ ਇਕ ਸੁਰੱਖਿਆ ਅਧਿਕਾਰੀ ਜ਼ਖਮੀ ਹੋ ਗਿਆ ਅਤੇ ਅੱਤਵਾਦੀ ਰਾਈਫਲ ਲੈ ਕੇ ਮੌਕੇ ''ਤੋਂ ਫਰਾਰ ਹੋ ਗਿਆ। ਜਾਣਕਾਰੀ ਮੁਤਾਬਕ ਹਮਲਾ ਗ੍ਰੈਨੇਡ ਨਾਲ ਕੀਤਾ ਗਿਆ। ਜਿਸ ਸਮੇਂ ਇਹ ਹਮਲਾ ਹੋਇਆ ਉਸ ਸਮੇਂ ਪੀ.ਡੀ.ਪੀ. ਮੰਤਰੀ ਫਾਰੂਖ ਆਪਣੇ ਰਿਹਾਇਸ਼ ''ਤੇ ਮੌਜੂਦ ਨਹੀਂ ਸਨ।
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਪੁਲਵਾਮਾ ''ਚ ਸੁਰੱਖਿਆ ਮੁਲਾਜ਼ਮਾਂ ਨੇ ਹਿਜਬੁਲ ਮੁਜ਼ਾਹਿਦੀਨ ਦੇ 2 ਅੱਤਵਾਦੀਆਂ ਨੂੰ ਢੇਰ ਕਰਕੇ 3 ਪੁਲਸ ਅਧਿਕਾਰੀਆਂ ''ਤੇ ਹਮਲੇ ਦੀ ਯੋਜਨਾ ਨੂੰ ਅਸਫਲ ਕਰ ਦਿੱਤਾ। ਦੋਵੇਂ ਅੱਤਵਾਦੀ ਕਾਰ ਰਾਹੀਂ ਆਏ ਸਨ ਅਤੇ ਹਮਲਾ ਕਰਨ ਦੀ ਤਿਆਰੀ ''ਚ ਸਨ। ਇਕ ਪੁਲਸ ਅਧਿਕਾਰੀ ਅਨੁਸਾਰ ਕਸ਼ਮੀਰ ''ਚ ਜੰਮੂ-ਕਸ਼ਮੀਰ ਪੁਲਸ ਦੇ ਤਿੰਨ ਸੀਨੀਅਰ ਅਧਿਕਾਰੀਆਂ ''ਤੇ ਘਾਤ ਲਗਾ ਕੇ ਹਮਲੇ ਦੀ ਕੋਸ਼ਿਸ਼ ਦੌਰਾਨ 2 ਅੱਤਵਾਦੀ ਗੋਲੀਬਾਰੀ ''ਚ ਮਾਰੇ ਗਏ ਸੀ।
