ਬਾਈਡੇਨ ਦੇ ਸਵਾਗਤ ''ਚ ਕਾਲੀਨਾਂ ਦੀ ਸਫਾਈ ''ਤੇ ਵ੍ਹਾਈਟ ਹਾਊਸ ਖਰਚੇਗਾ 44 ਹਜ਼ਾਰ ਡਾਲਰ

ਵਾਸ਼ਿੰਗਟਨ- ਅਮਰੀਕਾ ਦੇ ਚੁਣੇ ਗਏ ਨਵੇਂ ਰਾਸ਼ਟਰਪਤੀ ਜੋਅ ਬਾਈਡੇਨ ਦੇ ਸਵਾਗਤ ਲਈ ਵ੍ਹਾਈਟ ਹਾਊਸ ਕਥਿਤ ਤੌਰ 'ਤੇ ਕਾਲੀਨਾਂ ਦੀ ਸਫਾਈ 'ਤੇ 44 ਹਜ਼ਾਰ ਡਾਲਰ (ਤਕਰੀਬਨ 32 ਲੱਖ 30 ਹਜ਼ਾਰ ਰੁਪਏ) ਖਰਚ ਕਰਨ ਜਾ ਰਿਹਾ ਹੈ। 

ਦੱਸ ਦਈਏ ਕਿ ਡੋਨਾਲ਼ਡ ਟਰੰਪ ਨੂੰ ਹਰਾਉਣ ਵਾਲੇ ਜੋਅ ਬਾਈਡੇਨ 20 ਜਨਵਰੀ ਨੂੰ ਵ੍ਹਾਈਟ ਹਾਊਸ ਵਿਚ ਦਾਖ਼ਲ ਹੋਣਗੇ। ਉਂਝ ਤਾਂ ਰਾਸ਼ਟਰਪਤੀ ਵਿਚ ਬਦਲਾਅ ਤੋਂ ਬਾਅਦ ਰਾਸ਼ਟਰਪਤੀ ਆਵਾਸ ਅਤੇ ਦਫਤਰ ਦੀ ਸਫਾਈ ਪਰੰਪਰਿਕ ਹੈ ਪਰ ਕੋਰੋਨਾ ਵਾਇਰਸ ਕਾਰਨ ਇਸ ਵਾਰ ਵਧੇਰੇ ਧਿਆਨ ਦਿੱਤਾ ਜਾ ਰਿਹਾ ਹੈ।

ਦੱਸ ਦਈਏ ਕਿ ਵ੍ਹਾਈਟ ਹਾਊਸ 55 ਹਜ਼ਾਰ ਵਰਗ ਫੁੱਟ ਵਿਚ ਬਣਿਆ ਹੈ ਅਤੇ ਇਸ ਵਿਚ 16 ਬੈੱਡਰੂਮ, 35 ਬਾਥਰੂਮ ਅਤੇ 132 ਕਮਰੇ ਹਨ। ਦੱਸ ਦਈਏ ਕਿ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਖੁਦ ਕੋਰੋਨਾ ਵਾਇਰਸ ਦੇ ਸ਼ਿਕਾਰ ਹੋ ਗਏ ਸਨ ਤੇ ਉਨ੍ਹਾਂ ਦੀ ਪਤਨੀ ਨੇ ਪੁੱਤਰ ਬੈਰਨ ਵੀ ਕੋਰੋਨਾ ਦੀ ਲਪੇਟ ਵਿਚ ਆ ਚੁੱਕੇ ਹਨ। ਜਾਣਕਾਰੀ ਮੁਤਾਬਕ ਵ੍ਹਾਈਟ ਹਾਊਸ ਵਿਚ ਕੋਰੋਨਾ ਦੇ ਕਈ ਮਾਮਲੇ ਸਾਹਮਣੇ ਆਉਣ ਕਾਰਨ ਸਫਾਈ ਖਰਚ ਵਿਚ ਵਾਧਾ ਕੀਤਾ ਗਿਆ ਹੈ।