ਵਾਸ਼ਿੰਗਟਨ ਡੀ.ਸੀ. ''ਚ ਭਾਰਤੀ-ਅਮਰੀਕੀਆਂ ਨੇ ਚੀਨ ਦੀ ਅੰਬੈਸੀ ਸਾਹਮਣੇ ਕੀਤਾ ਰੋਸ ਮੁਜ਼ਾਹਰਾ

ਵਾਸ਼ਿੰਗਟਨ ਡੀ. ਸੀ.,( ਰਾਜ ਗੋਗਨਾ )- ਮੈਟਰੋਪੁਲਿਟਨ ਖੇਤਰ ਵਿਚ ਭਾਰਤੀ ਅਮਰੀਕੀਆਂ ਨੇ ਐਤਵਾਰ ਨੂੰ ਸਵੇਰੇ 11 ਵਜੇ ਰਾਜਧਾਨੀ ਵਾਸ਼ਿੰਗਟਨ ਡੀ. ਸੀ ਵਿਚ ਚੀਨੀ ਦੂਤਘਰ ਦੇ ਸਾਹਮਣੇ ਇਕ ਸ਼ਾਂਤਮਈ ਵਿਰੋਧ ਪ੍ਰਦਰਸ਼ਨ ਕੀਤਾ। ਇਹ ਵਿਰੋਧ ਪੂਰਬੀ ਲੱਦਾਖ ਵਿਚ ਬੀਜਿੰਗ ਦੀ ਗੈਰ-ਕਾਨੂੰਨੀ ਅਤੇ ਨਿਰਵਿਘਨ ਹਮਲੇ ਦੇ ਵਿਰੋਧ ਵਿਚ ਸੀ। 

ਇਸ ਰੋਸ ਪ੍ਰਦਰਸ਼ਨ ਕਰਨ ਵਾਲੇ ਲੋਕਾਂ ਦੇ ਇਕ ਛੋਟੇ ਜਿਹੇ ਸਮੂਹ ਨੇ ਇਕੱਠੇ ਹੋ ਕੇ ਅਤੇ ਸ਼ਹਿਰ ਵਲੋਂ ਲਾਗੂ ਕੀਤੇ ਹੋਰ ਉਪਾਵਾਂ ਦੀ ਪਾਲਣਾ ਕਰਕੇ, ਸੀਮਿਤ ਰਹਿ ਕੇ ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਫੈਲਣ ਨੂੰ ਰੋਕਣ ਦਾ ਇਤਿਹਾਦ ਵੀ ਪੂਰੀ ਤਰ੍ਹਾਂ ਵਰਤਿਆ ਜੋ ਸੇਫ਼ਟੀ ਪ੍ਰੋਟੈਸਟ ਦਾ ਹਿੱਸਾ ਸੀ। ਇਸ ਪ੍ਰਦਰਸ਼ਨ ਦਾ ਤਾਲਮੇਲ ਕਰ ਰਹੇ ਰਿਸ ਸਮੂਹ ਵਿਚ ਮੈਰੀਲੈਂਡ, ਵਰਜੀਨੀਆ ਅਤੇ ਵਾਸ਼ਿੰਗਟਨ ਡੀ. ਸੀ. ਤੋਂ ਆਏ ਭਾਰਤੀ ਅਮਰੀਕੀ ਸੱਭਿਆਚਾਰਕ ਅਤੇ ਸਮਾਜਿਕ ਸੰਗਠਨਾਂ ਦੇ ਇਕ ਕਰਾਸ-ਸੈਕਸ਼ਨ ਦੇ ਨੁਮਾਇੰਦੇ ਅਤੇ ਕਮਿਊਨਿਟੀ ਦੇ ਆਗੂ ਸ਼ਾਮਿਲ ਹੋਏ ਸਨ। ਇਹ ਰੋਸ ਮੁਜ਼ਾਹਰਾ ਚੀਨੀ ਅੱਤਿਆਚਾਰਾਂ ਪ੍ਰਤੀ ਜਾਗਰੂਕਤਾ ਪੈਦਾ ਕਰਨ ਅਤੇ ਰੋਸ ਨੂੰ ਇਕ ਵਿਦਰੋਹ ਦੇ ਰੂਪ ਵਿੱਚ ਲਿਆਉਣ ਸੀ। ਜੋ ਚੀਨ ਨੂੰ ਭਾਰਤ ਵਿਰੁੱਧ ਵਿਵਾਦਪੂਰਨ ਅਹੁਦੇ ਤੋਂ ਪਿੱਛੇ ਧੱਕਦਾ ਜਾ ਰਿਹਾ ਹੈ। ਮੁਜ਼ਾਹਰਾ ਕਾਰੀਆਂ ਨੇ ਅੰਬੈਸੀ ਸਾਹਮਣੇ ਕੀਤੇ ਮੁਜ਼ਾਹਰੇ 'ਚ ਕਿਹਾ ਕਿ ਅਸੀਂ ਲੇਹ ਵਿੱਚ ਭਾਰਤੀ ਖੇਤਰ ਉੱਤੇ ਚੀਨੀ ਘੁਸਪੈਠਾਂ ਤੋਂ ਆਪਣੀ ਅਸਵੀਕਾਰਤਾ ਨੂੰ ਜਿਤਾਉਣਾ ਚਾਹੁੰਦੇ ਹਾਂ। ਅਸੀਂ ਚੀਨ ਨੂੰ ਦੱਸਣਾ ਚਾਹੁੰਦੇ ਹਾਂ ਕਿ ਦੁਨੀਆ ਭਰ ਦੇ ਭਾਰਤੀ ਇਸ ਹਮਲੇ ਦੇ ਗ਼ਲਤ ਅਤੇ ਗੈਰ ਅਧਿਕਾਰਤ ਕੰਮ ਦੇ ਵਿਰੁੱਧ ਅਵਾਜ਼ ਬੁਲੰਦ ਕਰਦੇ ਰਹਿਣਗੇ । ਭਾਰਤੀ-ਅਮਰੀਕੀ ਇਸ ਬਗਾਵਤ ਦਾ ਰਾਹ ਪੱਧਰਾ ਕਰਨਗੇ।

ਕੇਰਲ ਸੂਬੇ ਦੀ ਭਾਈਚਾਰੇ ਦੀ ਨੁਮਾਇੰਦਗੀ ਕਰ ਰਹੇ ਮਨੋਜ ਸ੍ਰੀਨਲੀਅਮ ਨੇ ਦੱਸਿਆ ਕਿ ਇਹ ਵਿਰੋਧ ਪ੍ਰਦਰਸ਼ਨਾਂ ਦਾ ਸਿਲਸਿਲਾ ਲਗਾਤਾਰ ਚੱਲਦਾ ਹੀ ਰਹੇਗਾ, ਜਿਸ ਦੀ ਸ਼ੁਰੂਆਤ ਅਸੀਂ ਵਾਸ਼ਿੰਗਟਨ ਡੀ. ਸੀ. ਤੋਂ ਸ਼ੁਰੂ ਕੀਤੀ ਹੈ। ਇਕ ਹੋਰ ਭਾਰਤੀ-ਅਮਰੀਕੀ ਮਹਿੰਦਰ ਸੱਪਾ ਨੇ ਦੱਸਿਆ ਕਿ ਭਾਰਤੀ-ਅਮਰੀਕੀਆਂ ਵਿੱਚ ਚੀਨੀ ਘੁਸਪੈਠ ਵਿਰੁੱਧ ਭਾਰੀ ਰੋਸ ਹੈ। ਅਸੀਂ ਉਦੋਂ ਤੱਕ ਆਰਾਮ ਨਾਲ ਨਹੀਂ ਬੈਠਾਂਗੇ ਜਦੋਂ ਤੱਕ ਇਹ ਮੁੱਦਾ ਅਮਰੀਕਾ ਵਿੱਚ ਸਭ ਤੋਂ ਵੱਧ ਧਿਆਨ ਨਹੀਂ ਲੈਂਦਾ ਅਤੇ ਚੀਨੀ ਹਮਲਿਆਂ ਦੇ ਵਿਰੁੱਧ ਇੱਕ ਗਲੋਬਲ ਗਠਜੋੜ ਨਹੀਂ ਬਣ ਜਾਂਦਾ ਹੈ।ਕੜਕਦੀ ਧੁੱਪ ਵਿੱਚ ਇਹ ਸ਼ਾਂਤਮਈ ਰੋਸ ਪ੍ਰਦਰਸ਼ਨ ਕਾਫ਼ੀ ਕੁਝ ਪ੍ਰਗਟ ਕਰ ਗਿਆ । ਜਿਸ ਦੀ ਕਿ ਸਾਨੂੰ ਆਸ ਸੀ।ਕਮਿਊਨਿਟੀ  ਨੇਤਾਵਾਂ ਨੇ ਸੀ .ਪੀ .ਈ .ਸੀ ਦੇ ਬਹਾਨੇ ਨਾਲ ਗਿਲਗਿਤ-ਬਲਿਤਸਤਾਨ ਅਤੇ ਬਲੋਚਿਸਤਾਨ ਵਿਚ ਚੀਨੀ ਬਸਤੀਵਾਦੀ ਦੇ ਪਸਾਰ 'ਤੇ ਨਿਰਾਸ਼ਾ ਅਤੇ ਗੁੱਸਾ ਵੀ ਜ਼ਾਹਰ ਕੀਤਾ। ਕਿਹਾ ਕਿ ਚੀਨ ਕਈ ਦਹਾਕਿਆਂ ਤੋਂ ਦੱਖਣੀ ਚੀਨ ਸਾਗਰ ਵਿਚ ਇਕ ਸ਼ਕਤੀਸ਼ਾਲੀ ਸ਼ਕਤੀ ਬਣਾ ਰਿਹਾ ਹੈ ।ਇਸ ਖੇਤਰ ਦੇ ਛੋਟੇ ਦੇਸ਼ਾਂ ਨਾਲ ਜ਼ਬਰਦਸਤੀ ਅਤੇ ਧੱਕੇਸ਼ਾਹੀ ਵੀ ਕਰ ਰਿਹਾ ਹੈ, ਜਿਸ ਨੂੰ ਹਰਗਿਜ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।

ਬੁਲਾਰਿਆਂ ਨੇ ਕਿਹਾ ਕਿ ਪੂਰਬੀ ਲੱਦਾਖ ਵਿਚ ਪੈਨਗੋਂਗ ਤੱਟ ਗਲਵਾਨ ਵੈਲੀ, ਡੈਮਚੋਕ ਅਤੇ ਦੌਲਤ ਬੇਗ ਵਿੱਚ ਭਾਰਤੀ ਅਤੇ ਚੀਨੀ ਫੌਜਾਂ ਸਰਹੱਦੀ ਰੁਕਾਵਟ ਵਿੱਚ ਲੱਗੀ ਹੋਈਆਂ ਹਨ। ਚੀਨੀ ਸੈਨਾ ਦੇ ਬਹੁਤ ਸਾਰੇ ਜਵਾਨ ਪੈਨਗੋਂਗ ਤੱਟ ਸਮੇਤ ਕਈ ਇਲਾਕਿਆਂ ਵਿਚ ਡੀ-ਫੈਕਟੋ ਸਰਹੱਦ ਦੇ ਭਾਰਤੀ ਵਾਲੇ ਪਾਸਿਉ ਭੜਕੇ ਹੋਏ ਹਨ। ਲੰਘੀ 15 ਜੂਨ ਨੂੰ ਗਲਵਾਨ ਵਾਦੀ ਵਿਚ ਹੋਈਆਂ ਹਿੰਸਕ ਝੜਪਾਂ ਤੋਂ ਬਾਅਦ ਤਣਾਅ ਵਧਣ ਦੇ ਵਿਚਕਾਰ ਦੋਵੇਂ ਧਿਰ ਕੂਟਨੀਤਕ ਅਤੇ ਸੈਨਿਕ ਗੱਲਬਾਤ ਵਿਚ ਲੱਗੇ ਹੋਏ ਹਨ। ਇਸ ਝੜਪ ਵਿਚ ਭਾਰਤੀ ਸੈਨਾ ਦੇ 20 ਜਵਾਨ ਵੀ ਮਾਰੇ ਗਏ ਸਨ।ਅਤੇ  ਵਿਦੇਸ਼ੀ ਭਾਰਤੀਆਂ ਵਿੱਚ ਕਾਫ਼ੀ ਚਿੰਤਾ ਹੈ। ਜਿਸ ਕਰਕੇ ਚੀਨ ਦੀ ਅੰਬੈਸੀ ਸਾਹਮਣੇ ਅਸੀਂ ਪ੍ਰਦਰਸ਼ਨ ਦੀ ਸ਼ੁਰੂਆਤ ਕਰਕੇ ਵਿਦੇਸ਼ੀ ਭਾਰਤੀਆਂ ਨੂੰ ਜਾਗਰੂਕ ਕੀਤਾ ਹੈ। ਆਸ ਹੈ ਕਿ ਭਵਿੱਖ ਵਿੱਚ ਭਾਰਤ ਪੱਖੀ ਹੋਰ ਸੰਸਥਾਵਾਂ ਅਜਿਹੇ ਹੋਰ ਪ੍ਰਦਰਸ਼ਨ ਕਰਕੇ ਭਾਰਤ ਦੀ ਸਥਿਤੀ ਨੂੰ ਹੋਰ ਮਜ਼ਬੂਤ ਕੀਤਾ ਜਾਵੇ।