ਅਮਰੀਕਾ ਨੇ Nasa SpaceX ਰਾਕੇਟ ਲਾਂਚ ਕਰ ਰਚਿਆ ਇਤਿਹਾਸ, ਟਰੰਪ ਨੇ ਕਹੀ ਖਾਸ ਗੱਲ
05/31/2020 6:02:48 PM
ਵਾਸ਼ਿੰਗਟਨ (ਬਿਊਰੋ): ਅਮਰੀਕੀ ਸਪੇਸ ਏਜੰਸੀ ਨਾਸਾ ਨੇ 9 ਸਾਲ ਬਾਅਦ ਇਤਿਹਾਸ ਰਚਿਆ ਹੈ। ਖਰਾਬ ਮੌਸਮ ਵਿਚ 3 ਦਿਨ ਪਹਿਲਾਂ ਅਮਰੀਕਾ ਨੂੰ ਸਪੇਸ ਦੀ ਦੁਨੀਆ ਵਿਚ ਇਤਿਹਾਸ ਲਿਖਣ ਤੋਂ ਰੋਕ ਦਿੱਤਾ ਸੀ ਪਰ ਅੱਜ 31 ਮਈ ਨੂੰ ਅਮਰੀਕੀ ਸਪੇਸ ਝੇਜੰਸੀ ਨਾਸਾ ਨਿੱਜੀ ਕੰਪਨੀ ਸਪੇਸ ਐਕਸ ਦੇ ਡ੍ਰੈਗਨ ਸਪੇਸਕ੍ਰਾਫਟ ਨੇ 2 ਪੁਲਾੜ ਯਾਕਰੀਆਂ ਨੂੰ ਅੰਤਰਰਾਸ਼ਟਰੀ ਸਪੇਸ ਸਟੇਸ਼ਨ (International Space Station - ISS) ਦੇ ਲਈ ਸਫਲਤਾਪੂਰਵਕ ਉਡਾਣ ਭਰ ਲਈ। ਡ੍ਰੈਗਨ ਸਪੇਸਕ੍ਰਾਫਟ ਦੇ ਜ਼ਰੀਏ ਪੁਲਾੜ ਯਾਤਰੀ ਰੌਬਰਟ ਬੇਹੇਨਕੇਨ ਅਤੇ ਡਗਲਸ ਹਰਲੇ ਅੰਤਰਰਾਸ਼ਟਰੀ ਸਪੇਸ ਸਟੇਸ਼ਨ ਦੇ ਲਈ ਰਵਾਨਾ ਹੋ ਗਏ। ਅਮਰੀਕਾ ਨੇ ਪਹਿਲੀ ਵਾਰ ਆਪਣੀ ਧਰਤੀ ਤੋਂ ਸਪੇਸ ਵਿਚ ਪੁਲਾੜ ਯਾਤਰੀ ਭੇਜੇ ਹਨ। ਨਾਸਾ ਦੇ ਪ੍ਰਬੰਧਕ ਜਿਮ ਬ੍ਰਾਈਡੇਨਸਟੀਨ ਨੇ ਲਾਂਚ ਦੇ ਬਾਰੇ ਵਿਚ ਜਾਣਕਾਰੀ ਦਿੱਤੀ।
Liftoff! pic.twitter.com/DRBfdUM7JA
— SpaceX (@SpaceX) May 30, 2020
ਰਾਸ਼ਟਰਪਤੀ ਟਰੰਪ ਨੇ ਕਹੀ ਇਹ ਖਾਸ ਗੱਲ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਫਲ ਲਾਂਚਿੰਗ ਦੇ ਬਾਅਦ ਕਿਹਾ,''ਮੈਂ ਇਹ ਐਲਾਨ ਕਰਦਿਆਂ ਰੋਮਾਂਚਿਤ ਹਾਂ ਕਿ ਸਪੇਸ ਐਕਸ ਡ੍ਰੈਗਨ ਕੈਪਸੂਲ ਸਫਲਤਾਪੂਰਵਕ ਧਰਤੀ ਦੇ ਪੰਧ ਵਿਚ ਪਹੁੰਚ ਗਿਆ ਹੈ। ਸਾਡੇ ਪੁਲਾੜ ਯਾਤਰੀ ਸੁਰੱਖਿਅਤ ਅਤੇ ਸਿਹਤਮੰਦ ਹਨ। ਇਸ ਲਾਂਚ ਦੇ ਨਾਲ, ਸਾਲਾਂ ਤੋਂ ਗਵਾਚੇ ਅਤੇ ਘੱਟ ਕਾਰਵਾਈ ਦਾ ਦੌਰ ਅਧਿਕਾਰਤ ਤੌਰ 'ਤੇ ਖਤਮ ਹੋ ਗਿਆ ਹੈ। ਇਹ ਅਮਰੀਕੀ ਇੱਛਾ ਦੇ ਇਕ ਨਵੇਂ ਯੁੱਗ ਦੀ ਸ਼ੁਰੂਆਤ ਹੈ।''
I am thrilled to announce that SpaceX Dragon Capsule has successfully reached low Earth orbit, & our astronauts are safe and sound. With this launch, the decades of lost years & little action are officially over. A new age of American ambition has begun: US President Donald Trump https://t.co/E7dDOOfKOQ pic.twitter.com/MjdHh9HsKI
— ANI (@ANI) May 30, 2020
ਟਰੰਪ ਦੇ ਬਾਅਦ ਨਾਸਾ ਦੇ ਪ੍ਰਬੰਧਕ ਜਿਮ ਬ੍ਰਾਈਡੇਨਸਟੀਨ ਨੇ ਮਿਸ਼ਨ ਦੀ ਸਫਲਤਾ 'ਤੇ ਟਵੀਟ ਕੀਤਾ। ਉਹਨਾਂ ਨੇ ਟਵਿੱਟਰ 'ਤੇ ਲਿਖਿਆ ਹੈ,''9 ਸਾਲ ਵਿਚ ਪਹਿਲੀ ਵਾਰ ਹੁਣ ਅਸੀਂ ਅਮਰੀਕੀ ਪੁਲਾੜ ਯਾਤਰੀਆਂ ਨੂੰ ਅਮਰੀਕੀ ਰਾਕੇਟ ਦੇ ਜ਼ਰੀਏ ਅਮਰੀਕਾ ਦੀ ਧਰਤੀ ਤੋਂ ਭੇਜਿਆ ਹੈ। ਮੈਨੂੰ ਨਾਸਾ ਅਤੇ ਸਪੇਸ ਐਕਸ ਟੀਮ 'ਤੇ ਮਾਣ ਹੈ ਜਿਸ ਨੇ ਸਾਨੂੰ ਇਸ ਪਲ ਨੂੰ ਦੇਖਣ ਦਾ ਮੌਕਾ ਦਿੱਤਾ ਹੈ। ਇਹ ਇਕ ਬਹੁਤ ਵੱਖਰੇ ਤਰ੍ਹਾਂ ਦੀ ਫੀਲਿੰਗ ਹੈ ਜਦੋਂ ਤੁਸੀਂ ਆਪਣੀ ਟੀਮ ਨੂੰ ਇਸ ਰਾਕੇਟ (Falcon 9) 'ਤੇ ਦੇਖਦੇ ਹੋ। ਇਹ ਸਾਡੀ ਟੀਮ ਹੈ। ਇਹ Launch America ਹੈ।''
ਗੌਰਲਤਬ ਹੈ ਕਿ ਨਿੱਜੀ ਕੰਪਨੀ ਸਪੇਸ ਐਕਸ ਦਾ ਰਾਕੇਟ ਘੱਟੋ-ਘੱਟ 20 ਵਾਰ ਸਪੇਸ ਸਟੇਸ਼ਨ ਤੱਕ ਸਾਮਾਨ ਲਿਜਾ ਚੁੱਕਾ ਹੈ। ਇਹ ਪਹਿਲੀ ਵਾਰ ਹੋਇਆ ਹੈ ਜਦੋਂ ਉਸ ਨੇ ਇਨਸਾਨਾਂ ਨੂੰ ਵੀ ਆਪਣੀ ਯਾਤਰਾ ਵਿਚ ਸ਼ਾਮਲ ਕੀਤਾ ਹੈ। ਮਨੁੱਖ ਨੂੰ ਸਪੇਸ ਵਿਚ ਭੇਜਣ ਵਾਲਾ ਕੈਪਸੂਲ ਵਿਕਸਿਤ ਕਰਨ ਲਈ, ਬਣਾਉਣ ਅਤੇ ਆਪਰੇਟ ਕਰਨ ਲਈ ਨਾਸਾ ਨੇ 3 ਅਰਬ ਅਮਰੀਕੀ ਡਾਲਰ ਦੀ ਰਾਸ਼ੀ ਸਪੇਸ ਐਕਸ ਨੂੰ ਦਿੱਤੀ ਹੈ।