'ਮਿਸ ਅਮਰੀਕਾ' ਬਣੀ ਏਅਰਫੋਰਸ ਦੀ ਮਹਿਲਾ ਸਿਪਾਹੀ (ਤਸਵੀਰਾਂ)

ਇੰਟਰਨੈਸ਼ਨਲ ਡੈਸਕ- ਯੂ.ਐਸ ਏਅਰ ਫੋਰਸ ਵਿੱਚ ਸੈਕਿੰਡ ਲੈਫਟੀਨੈਂਟ ਅਤੇ ਹਾਰਵਰਡ ਮੈਡੀਕਲ ਸਕੂਲ ਵਿੱਚ ਇੱਕ ਗ੍ਰੈਜੂਏਟ ਇੰਟਰਨ ਮੈਡੀਸਨ ਮਾਰਸ਼ 'ਮਿਸ ਅਮਰੀਕਾ' ਬਣੀ ਹੈ। ਇਸ ਤਰ੍ਹਾਂ ਮਾਰਸ਼ ਨੇ 'ਮਿਸ ਅਮਰੀਕਾ ਦਾ ਤਾਜ ਪਹਿਣ ਪਹਿਲੀ ਸਰਗਰਮ-ਡਿਊਟੀ ਏਅਰ ਫੋਰਸ ਅਫਸਰ ਵਜੋਂ ਇਤਿਹਾਸ ਰਚਿਆ ਹੈ। ਫਲੋਰੀਡਾ ਰਾਜ ਵਿੱਚ ਇਸ ਸਾਲ ਦੇ ਮਿਸ ਅਮਰੀਕਾ ਮੁਕਾਬਲੇ ਵਿੱਚ ਭਾਗ ਲੈਂਦਿਆਂ 22 ਸਾਲਾ ਮਾਰਸ਼ ਨੇ 50 ਪ੍ਰਤੀਯੋਗੀਆਂ ਨੂੰ ਹਰਾਇਆ।

ਇਸ ਤੋਂ ਪਹਿਲਾਂ ਉਸ ਨੂੰ ਪਿਛਲੇ ਸਾਲ ਮਈ ਵਿੱਚ ਮਿਸ ਕੋਲੋਰਾਡੋ ਦਾ ਤਾਜ ਪਹਿਨਾਇਆ ਗਿਆ ਸੀ। ਉਸ ਨੇ ਦੇਸ਼ ਵਿਆਪੀ ਮਾਨਤਾ ਪ੍ਰਾਪਤ ਕੀਤੀ ਹੈ, ਅਮਰੀਕੀ ਹਵਾਈ ਸੈਨਾ ਤੋਂ ਪ੍ਰਸ਼ੰਸਾ ਪ੍ਰਾਪਤ ਕੀਤੀ ਹੈ। ਯੂ.ਐਸ ਏਅਰ ਫੋਰਸ ਨੇ ਮਾਰਸ਼ ਦੀ ਪ੍ਰਾਪਤੀ ਦਾ ਜਸ਼ਨ ਮਨਾਇਆ, ਉਸਨੂੰ ਇੱਕ ਪ੍ਰੇਰਣਾ ਵਜੋਂ ਸਲਾਹਿਆ ਅਤੇ ਸੋਸ਼ਲ ਮੀਡੀਆ 'ਤੇ ਮਿਸ ਅਮਰੀਕਾ 2024 ਦਾ ਖਿਤਾਬ ਜਿੱਤਣ ਦਾ ਐਲਾਨ ਕੀਤਾ। ਏਅਰ ਫੋਰਸ ਅਕੈਡਮੀ ਦਾ ਗ੍ਰੈਜੂਏਟ ਅਤੇ ਹਾਰਵਰਡ ਕੈਨੇਡੀ ਸਕੂਲ ਵਿੱਚ ਪਬਲਿਕ ਪਾਲਿਸੀ ਵਿੱਚ ਮਾਸਟਰ ਡਿਗਰੀ ਦੀ ਧਾਰਕ ਮਾਰਸ਼ ਸਿੱਖਿਆ ਅਤੇ ਫੌਜੀ ਸੇਵਾ ਦੋਵਾਂ ਵਿੱਚ ਉੱਤਮਤਾ ਦੀ ਪ੍ਰਤੀਕ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਹਿਮ ਖ਼ਬਰ : ਭਾਰਤੀਆਂ ਸਮੇਤ 30 ਲੱਖ ਵਿਦੇਸ਼ੀ ਬ੍ਰਿਟਿਸ਼ ਨਾਗਰਿਕਾਂ ਨੂੰ ਮਿਲਿਆ 'ਵੋਟਿੰਗ' ਅਧਿਕਾਰ

ਨਿਊਯਾਰਕ ਪੋਸਟ ਦੀ ਰਿਪੋਰਟ ਅਨੁਸਾਰ ਮੂਲ ਰੂਪ ਵਿੱਚ ਅਰਕਨਸਾਸ ਤੋਂ ਉਸਨੇ 11 ਪ੍ਰਤੀਯੋਗੀਆਂ ਦੇ ਨਾਲ ਫਾਈਨਲ ਗੇੜ ਵਿੱਚ ਪਹੁੰਚਣ ਲਈ ਤਿੰਨ ਰਾਤਾਂ ਦੇ ਸ਼ੁਰੂਆਤੀ ਮੁਕਾਬਲਿਆਂ ਵਿੱਚੋਂ ਲੰਘੀ। ਚਰਚਾ ਦੌਰ ਦੇ ਦੌਰਾਨ ਮਾਰਸ਼ ਨੇ ਪੈਨਕ੍ਰੀਆਟਿਕ ਕੈਂਸਰ ਨਾਲ ਆਪਣੀ ਮਾਂ ਦੀ ਲੜਾਈ ਦੀ ਕਹਾਣੀ ਸਾਂਝੀ ਕੀਤੀ, ਇੱਕ ਤ੍ਰਾਸਦੀ ਜਿਸ ਕਾਰਨ ਉਸਨੇ ਵਿਟਨੀ ਮਾਰਸ਼ ਫਾਊਂਡੇਸ਼ਨ ਦੀ ਸਥਾਪਨਾ ਕੀਤੀ, ਜੋ ਕੈਂਸਰ ਖੋਜ ਲਈ ਪੈਸਾ ਇਕੱਠਾ ਕਰਦੀ ਹੈ।

ਉਸ ਨੇ ਆਪਣੀ ਇਕ ਇੰਸਟਾਗ੍ਰਾਮ ਪੋਸਟ 'ਚ ਕਿਹਾ, 'ਮੈਂ ਹਾਈ ਸਕੂਲ ਦੇ ਦੂਜੇ ਸਾਲ ਤੋਂ ਹੀ 15 ਸਾਲ ਦੀ ਉਮਰ 'ਚ ਉਡਾਣ ਭਰਨੀ ਸ਼ੁਰੂ ਕਰ ਦਿੱਤੀ ਸੀ। ਪਹਿਲਾਂ-ਪਹਿਲਾਂ ਇਹ ਮੈਨੂੰ ਏਅਰ ਫੋਰਸ ਅਕੈਡਮੀ ਵਿੱਚ ਦਾਖਲ ਕਰਵਾਉਣ ਅਤੇ ਲੜਾਕੂ ਪਾਇਲਟ/ਪੁਲਾੜ ਯਾਤਰੀ ਬਣਨ ਦੀਆਂ ਸੰਭਾਵਨਾਵਾਂ ਵਿੱਚ ਮਦਦ ਕਰਨ ਦੀ ਤਿਆਰੀ ਸੀ। ਉਸਨੇ ਅੱਗੇ ਕਿਹਾ, 'ਸਾਲਾਂ ਦੇ ਦੌਰਾਨ ਇਹ ਵਧੇਰੇ ਮਨੋਰੰਜਕ ਬਣ ਗਿਆ। ਜਦੋਂ ਮੈਂ ਆਪਣੇ ਪਾਇਲਟ ਲਾਇਸੈਂਸ ਦੇ ਆਖ਼ਰੀ ਪੜਾਅ ਵਿੱਚੋਂ ਲੰਘ ਰਹੀ ਸੀ, ਤਾਂ ਮੈਂ ਆਪਣੀ ਮਾਂ ਦੀ ਮੌਤ ਦਾ ਦੁੱਖ ਝੱਲ ਰਹੀ ਸੀ। ਉਸ ਨੇ ਅੱਗੇ ਕਿਹਾ, 'ਵਾਰ-ਵਾਰ ਉੱਡਾਣ ਭਰਨਾ ਮੇਰੇ ਲਈ ਜਨੂੰਨ ਬਣ ਗਿਆ। ਇਹ ਕਈ ਤਰੀਕਿਆਂ ਨਾਲ ਜੀਵਨ ਬਚਾਉਣ ਵਾਲਾ ਸੀ ਅਤੇ ਅਜੇ ਵੀ ਅਜਿਹੀ ਚੀਜ਼ ਹੈ ਜਿਸ ਬਾਰੇ ਮੈਂ ਬਹੁਤ ਭਾਵੁਕ ਹਾਂ। ਹਵਾ ਵਿੱਚ ਹਜ਼ਾਰਾਂ ਫੁੱਟ ਉੱਚੇ ਹੋਣ ਨਾਲੋਂ ਬਿਹਤਰ ਕੁਝ ਨਹੀਂ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।