ਸ਼ੇਖ ਹਸੀਨਾ ਖ਼ਿਲਾਫ਼ ਕਤਲ ਦੇ 2 ਨਵੇਂ ਮਾਮਲੇ ਦਰਜ, ਹੁਣ ਤੱਕ 84 ਮਾਮਲਿਆਂ ''ਚ FIR

ਢਾਕਾ- ਬੰਗਲਾਦੇਸ਼ ਦੀ ਬੇਦਖਲ ਪ੍ਰਧਾਨ ਮੰਤਰੀ ਸ਼ੇਖ ਹਸੀਨਾ ਅਤੇ ਉਨ੍ਹਾਂ ਦੇ ਸਾਬਕਾ ਕੈਬਨਿਟ ਮੰਤਰੀਆਂ ਖ਼ਿਲਾਫ਼ ਦੇਸ਼ ਵਿੱਚ ਕੋਟਾ ਸੁਧਾਰ ਪ੍ਰਦਰਸ਼ਨਾਂ ਦੌਰਾਨ ਦੋ ਬੀ.ਐਨ.ਪੀ ਵਰਕਰਾਂ ਸਮੇਤ ਤਿੰਨ ਲੋਕਾਂ ਦੀ ਹੱਤਿਆ ਲਈ ਦੋ ਨਵੇਂ ਕਤਲ ਕੇਸ ਦਰਜ ਕੀਤੇ ਗਏ ਹਨ। ਇਹ ਦੋਵੇਂ ਮਾਮਲੇ ਸ਼ੁੱਕਰਵਾਰ ਨੂੰ ਢਾਕਾ ਦੀਆਂ ਅਦਾਲਤਾਂ ਵਿੱਚ ਦਰਜ ਕੀਤੇ ਗਏ। ਹਸੀਨਾ ਖ਼ਿਲਾਫ਼ ਦਰਜ ਵੱਖ-ਵੱਖ ਮਾਮਲਿਆਂ 'ਚ ਇਹ ਨਵੇਂ ਮਾਮਲੇ ਹਨ। ਸਰਕਾਰੀ ਨੌਕਰੀਆਂ ਵਿੱਚ ਰਿਜ਼ਰਵੇਸ਼ਨ ਪ੍ਰਣਾਲੀ ਖ਼ਿਲਾਫ਼ ਵਿਦਿਆਰਥੀਆਂ ਦੇ ਵੱਡੇ ਵਿਰੋਧ ਤੋਂ ਬਾਅਦ ਹਸੀਨਾ 5 ਅਗਸਤ ਨੂੰ ਆਪਣਾ ਅਹੁਦਾ ਛੱਡ ਕੇ ਭਾਰਤ ਚਲੀ ਗਈ ਸੀ।

ਸ਼ੇਖ ਹਸੀਨਾ ਖ਼ਿਲਾਫ਼ 84 ਮਾਮਲੇ ਦਰਜ 

'ਡੇਲੀ ਸਟਾਰ' ਅਖ਼ਬਾਰ ਨੇ ਦੱਸਿਆ ਹੈ ਕਿ ਇਨ੍ਹਾਂ ਦੋ ਮਾਮਲਿਆਂ ਨਾਲ ਹਸੀਨਾ ਵਿਰੁੱਧ ਦਰਜ ਕੇਸਾਂ ਦੀ ਗਿਣਤੀ ਵਧ ਕੇ 84 ਹੋ ਗਈ ਹੈ, ਜਿਨ੍ਹਾਂ 'ਚ ਕਤਲ ਦੇ ਦੋਸ਼ਾਂ 'ਚ 70, ਮਨੁੱਖਤਾ ਵਿਰੁੱਧ ਅਪਰਾਧ ਅਤੇ ਨਸਲਕੁਸ਼ੀ ਦੇ ਦੋਸ਼ 'ਚ 8, ਕਥਿਤ ਅਗਵਾ ਦੇ ਤਿੰਨ ਅਤੇ ਹੋਰ ਦੋਸ਼ਾਂ ਵਿਚ ਤਿੰਨ ਦੋਸ਼ ਸ਼ਾਮਲ ਹਨ ।ਬੰਗਲਾਦੇਸ਼ ਨੈਸ਼ਨਲਿਸਟ ਪਾਰਟੀ (ਬੀ.ਐਨ.ਪੀ) ਦੇ ਮਤੀਉਰ ਰਹਿਮਾਨ ਨੇ 4 ਅਗਸਤ ਨੂੰ ਪਾਰਟੀ ਵਰਕਰਾਂ ਜ਼ੁਲਕਾਰ ਹੁਸੈਨ (38) ਅਤੇ ਅੰਜਨਾ (28) ਦੀ ਮੌਤ ਨੂੰ ਲੈ ਕੇ ਕਿਸ਼ੋਰਗੰਜ ਵਿੱਚ ਕੇਸ ਦਰਜ ਕਰਵਾਇਆ ਸੀ। ਕੇਸ ਦੇ ਬਿਆਨ ਅਨੁਸਾਰ ਪ੍ਰਦਰਸ਼ਨ ਦੌਰਾਨ ਅਵਾਮੀ ਲੀਗ ਦੇ ਆਗੂਆਂ ਨੇ ਵਿਦਿਆਰਥੀਆਂ ਅਤੇ ਬੀ.ਐਨ.ਪੀ ਵਰਕਰਾਂ ਦੇ ਜਲੂਸ ’ਤੇ ਲਾਠੀਆਂ ਅਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ।

ਪੜ੍ਹੋ ਇਹ ਅਹਿਮ ਖ਼ਬਰ-ਬੰਗਲਾਦੇਸ਼: 49 ਘੱਟ ਗਿਣਤੀ ਅਧਿਆਪਕਾਂ ਨੂੰ ਅਸਤੀਫਾ ਦੇਣ ਲਈ ਕੀਤਾ ਗਿਆ ਮਜ਼ਬੂਰ

88 ਲੋਕ ਨਾਮਜ਼ਦ

ਬੀ.ਐਨ.ਪੀ ਦੇ ਕੁਝ ਵਰਕਰਾਂ ਨੇ ਨੇੜਲੇ ਖੋਰਮਪਤਾਰੀ ਖੇਤਰ ਵਿੱਚ ਇੱਕ ਜ਼ਿਲ੍ਹਾ ਅਵਾਮੀ ਲੀਗ ਨੇਤਾ ਦੇ ਘਰ ਵਿੱਚ ਸ਼ਰਨ ਲਈ, ਜਿੱਥੇ ਉਨ੍ਹਾਂ ਨੂੰ ਹਸੀਨਾ ਦੀ ਅਗਵਾਈ ਵਾਲੇ ਪਾਰਟੀ ਵਰਕਰਾਂ ਨੇ ਬੰਧਕ ਬਣਾ ਲਿਆ ਅਤੇ ਫਿਰ ਅੱਗ ਲਗਾ ਦਿੱਤੀ, ਨਤੀਜੇ ਵਜੋਂ ਹੁਸੈਨ ਅਤੇ ਅੰਜਨਾ ਦੀ ਮੌਤ ਹੋ ਗਈ। ਇਸ ਮਾਮਲੇ ਵਿੱਚ ਹਸੀਨਾ, ਸਾਬਕਾ ਸੜਕੀ ਆਵਾਜਾਈ ਅਤੇ ਪੁਲ ਮੰਤਰੀ ਓਬੈਦੁਲ ਕਾਦਰ ਸਮੇਤ 88 ਲੋਕਾਂ ਨੂੰ ਮੁਲਜ਼ਮ ਵਜੋਂ ਨਾਮਜ਼ਦ ਕੀਤਾ ਗਿਆ ਹੈ। ਦੂਜਾ ਨਵਾਂ ਮਾਮਲਾ ਮੁਨਸ਼ੀਗੰਜ 'ਚ 22 ਸਾਲਾ ਨੌਜਵਾਨ ਦੀ ਮੌਤ ਨੂੰ ਲੈ ਕੇ ਦਰਜ ਕੀਤਾ ਗਿਆ ਹੈ। 4 ਅਗਸਤ ਨੂੰ ਸ਼ਹਿਰ ਦੇ ਸੁਪਰਮਾਰਕੀਟ ਖੇਤਰ ਵਿੱਚ ਵਿਦਿਆਰਥੀਆਂ ਦੀ ਅਗਵਾਈ ਵਾਲੇ ਪ੍ਰਦਰਸ਼ਨ ਦੌਰਾਨ ਉਸ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।