''ਕੋਰੋਨਾ ਇਕ ਆਰਟੀਫਿਸ਼ਲ ਭਿਆਨਕ ਹਾਲਤ, ਚੀਨ ਦੇ ਕੀਤੇ ਨੂੰ ਕਦੇ ਨਹੀਂ ਭੁੱਲੇਗਾ ਅਮਰੀਕਾ''

ਨਿਊਯਾਰਕ: ਕੋਰੋਨਾ ਵਾਇਰਸ ਨੂੰ ਲੈ ਕੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਚੀਨ  ਦੇ ਲਈ ਗੁੱਸਾ ਸੱਤਵੇਂ ਅਸਮਾਨ ਉੱਤੇ ਹੈ। ਟਰੰਪ ਇਸ ਮਹਾਮਾਰੀ ਨਾਲ ਦੁਨੀਆ ਵਿਚ ਮਚੀ ਤਬਾਹੀ ਲਈ ਚੀਨ ਨੂੰ ਜ਼ਿੰਮੇਦਾਰ ਮੰਨਦੇ ਹਨ। ਇਹੀ ਵਜ੍ਹਾ ਹੈ ਕਿ ਉਹ ਕਈ ਵਾਰ ਗਲੋਬਲ ਮੰਚਾਂ ਤੋਂ ਵੀ ਕੋਰੋਨਾ ਨੂੰ ਚੀਨੀ ਵਾਇਰਸ ਕਹਿ ਚੁੱਕੇ ਹੈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਚੀਨ ਦੀ ਵੁਹਾਨ ਲੈਬ ਵਿਚੋਂ ਕੋਰੋਨਾ ਵਾਇਰਸ ਪੂਰੀ ਦੁਨੀਆ ਵਿਚ ਫੈਲਿਆ ਹੈ। ਟਰੰਪ ਨੇ ਇਕ ਵਾਰ ਫਿਰ ਤੋਂ ਚੀਨ ਉੱਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਕਿਹਾ ਹੈ ਕਿ ਚੀਨ ਨੇ ਜੋ ਕੀਤਾ ਹੈ ਉਸ ਨੂੰ ਅਮਰੀਕਾ ਕਦੇ ਨਹੀਂ ਭੁੱਲੇਗਾ।

ਰਾਸ਼ਟਰਪਤੀ ਚੋਣ ਲਈ ਇਕ ਰੈਲੀ ਦੌਰਾਨ ਟਰੰਪ ਨੇ ਕਿਹਾ ਕਿ ਚੀਨ ਵਿਚ ਕੀ ਹੋ ਰਿਹਾ ਹੈ,  ਕਿਸੇ ਨੇ ਕਦੇ ਨਹੀਂ ਵੇਖਿਆ ਹੈ। ਪਰ ਅਮਰੀਕਾ ਨੇ ਕੋਰੋਨਾ ਕਾਰਣ ਬਹੁਤ ਕੁਝ ਗੁਆਇਆ ਹੈ। ਕਿਸੇ ਨੇ ਵੀ ਕਦੇ ਨਹੀਂ ਸੋਚਿਆ ਸੀ ਕਿ ਅਜਿਹਾ ਹੋਵੇਗਾ। ਟਰੰਪ ਨੇ ਕਿਹਾ ਕਿ ਖਰਾਬ ਹਾਲਾਤ ਦੇ ਬਾਵਜੂਦ ਅਸੀਂ ਕੋਰੋਨਾ ਤੋਂ ਪਹਿਲਾਂ ਤੱਕ ਉਨ੍ਹਾਂ ਤੋਂ ਬਹੁਤ ਬਿਹਤਰ ਕੀਤਾ ਹੈ।  ਅਸੀਂ ਕੋਰੋਨਾ ਤੋਂ ਉਭਰ ਰਹੇ ਹਾਂ ਪਰ 2.2 ਲੱਖ ਲੋਕਾਂ ਦੀ ਜਾਨ ਗੁਆਉਣ ਤੋਂ ਬਾਅਦ। ਅਸੀਂ 2 ਲੱਖ ਤੋਂ ਜ਼ਿਆਦਾ ਲੋਕਾਂ ਨੂੰ ਗੁਆ ਦਿੱਤਾ ਹੈ। ਟਰੰਪ ਨੇ ਕਿਹਾ ਕਿ ਦੇਸ਼ ਵਿਚ ਕੋਰੋਨਾ ਦੇ ਕਹਿਰ ਤੋਂ ਪਹਿਲਾਂ ਅਮਰੀਕਾ ਦੇ ਕੋਲ ਸਭ ਤੋਂ ਵੱਡੀ ਅਰਥਵਿਵਸਥਾ ਸੀ। ਉਨ੍ਹਾਂ ਨੇ ਵਾਇਰਸ ਨੂੰ ਇਕ ਆਰਟੀਫਿਸ਼ਲ ਭਿਆਨਕ ਹਾਲਤ ਵੀ ਕਿਹਾ।

ਟਰੰਪ ਨੇ ਕਿਹਾ ਕਿ ਅਸੀਂ ਇਕੱਠੇ ਆ ਰਹੇ ਸੀ। ਜੋ ਚੀਜ਼ ਸਾਡੇ ਦੇਸ਼ ਨੂੰ ਚੀਨ ਦੇ ਨਾਲ ਲਿਆਉਣ ਜਾ ਰਹੀ ਸੀ ਉਹ ਸਫਲਤਾ ਸੀ। ਇਹ ਤੱਦ ਤੱਕ ਹੋ ਰਿਹਾ ਸੀ ਜਦੋਂ ਤੱਕ ਕਿ ਆਰਟੀਫਿਸ਼ਲ ਅਤੇ ਭਿਆਨਕ ਬੀਮਾਰੀ (ਹਾਲਤ) ਨਹੀਂ ਆਈ ਸੀ ਪਰ ਚੀਨ ਦੀ ਸਾਜਿਸ਼ ਨੇ ਸਭ ਵਿਗਾੜ ਦਿੱਤਾ। ਟਰੰਪ ਦਾਅਵਾ ਕੀਤਾ ਕਿ ਅਮਰੀਕਾ ਚੀਨ ਦੀ ਉਸ ਨਬਜ਼ ਉੱਤੇ ਹਮਲਾ ਕਰ ਰਿਹਾ ਹੈ ਜਿੱਥੇ ਹੁਣ ਤੱਕ ਨਹੀਂ ਕੀਤਾ ਸੀ। ਉੱਤਰੀ ਕੈਰੋਲਿਨਾ ਵਿਚ ਆਜੋਜਿਤ ਇਕ ਚੋਣ ਰੈਲੀ ਵਿਚ ਟਰੰਪ ਨੇ ਕਿਹਾ, ਅਸੀਂ ਬੇਰੋਜ਼ਗਾਰੀ ਦੇ ਖੇਤਰ ਉੱਤੇ ਨਿਸ਼ਾਨਾ ਵਿੰਨ੍ਹਿਆ ਹੈ ਅਸੀਂ ਚੀਨ ਨੂੰ ਉਸ ਪੱਧਰ ਉੱਤੇ ਮਾਤ ਦੇ ਰਹੇ ਹਾਂ ਜਿਥੇ ਪਹਿਲਾਂ ਕਦੇ ਨਹੀਂ ਦਿੱਤੀ ਸੀ। ਮੈਂ ਉਨ੍ਹਾਂ ਓੱਤੇ ਟੈਰਿਫ ਲਗਾ ਰਿਹਾ ਹਾਂ ਅਤੇ ਉਹ ਨਹੀਂ ਜਾਣਦੇ ਕਿ ਕੀ ਕਰਨਾ ਹੈ।