ਟਰੂਡੋ ਨੂੰ ਚੋਣਾਂ 'ਚ ਮਿਲੀ ਜਿੱਤ 'ਤੇ ਟਰੰਪ ਤੇ ਸਕਾਟ ਨੇ ਦਿੱਤੀ ਵਧਾਈ

ਵਾਸ਼ਿੰਗਟਨ/ਓਟਾਵਾ - ਲਿਬਰਲ ਸਰਕਾਰ ਦੀ ਫੈਡਰਲ ਚੋਣਾਂ 'ਚ ਦੂਜੀ ਵਾਰ ਜਿੱਤ ਤੋਂ ਬਾਅਦ ਗਲੋਬਲ ਨੇਤਾਵਾਂ ਵੱਲੋਂ ਵਧਾਈਆਂ ਦਿੱਤੀਆਂ ਜਾ ਰਹੀਆਂ ਹਨ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਆਪਣੇ ਗੁਆਂਢੀ ਮੁਲਕ 'ਚ ਹੋਈਆਂ ਫੈਡਰਲ ਚੋਣਾਂ 'ਚ ਆਪਣੇ ਮਿੱਤਰ ਅਤੇ ਲਿਬਰਲ ਪਾਰਟੀ ਦੇ ਆਗੂ ਜਸਟਿਨ ਟਰੂਡੋ ਨੂੰ ਟਵੀਟ ਕਰ ਵਧਾਈ ਦਿੱਤੀ ਹੈ। ਉਨ੍ਹਾਂ ਟਵੀਟ ਕਰ ਲਿੱਖਿਆ ਕਿ, 'ਵਧਾਈਆਂ ਜਸਟਿਨ ਟਰੂਡੋ ਬਹਿਤਰੀਨ ਅਤੇ ਸ਼ਾਨਦਾਰ ਜਿੱਤ ਲਈ। ਕੈਨੇਡਾ ਚੰਗਾ ਕਰ ਰਿਹਾ ਹੈ। ਮੈਂ ਸਾਡੇ ਦੋਹਾਂ ਦੇਸ਼ਾਂ ਬਿਹਤਰੀ ਦੀ ਦਿਸ਼ਾ 'ਚ ਤੁਹਾਡੇ ਨਾਲ ਕੰਮ ਕਰਨ ਲਈ ਉਤਸਕ ਹਾਂ।' ਦੱਸ ਦਈਏ ਕਿ ਪਿਛਲੇ ਸਾਲ ਨਾਫਤਾ ਸਮਝੌਤੇ ਅਤੇ ਟ੍ਰੇਡ ਨੂੰ ਲੈ ਕੇ ਟਰੂਡੋ ਅਤੇ ਟਰੰਪ ਵਿਚਾਲੇ ਤਣਾਤਣੀ ਹੋ ਗਈ ਸੀ ਜਿਸ ਤੋਂ ਬਾਅਦ ਇਸ ਸਾਲ ਨਾਫਤਾ ਸਮਝੌਤੇ ਸਿਰੇ ਚੜ੍ਹਿਆ ਹੈ।

Congratulations to @JustinTrudeau on a wonderful and hard fought victory. Canada is well served. I look forward to working with you toward the betterment of both of our countries!

— Donald J. Trump (@realDonaldTrump) October 22, 2019

ਉਥੇ ਹੀ ਆਸਟ੍ਰੇਲੀਆਈ ਪ੍ਰਧਾਨ ਮੰਤਰੀ ਸਕਾਟ ਮੋਰੀਸਨ ਨੇ ਵੀ ਜਸਟਿਨ ਟਰੂਡੋ ਨੂੰ ਟਵੀਟ ਕਰ ਵਧਾਈ ਦਿੱਤੀ। ਉਨ੍ਹਾਂ ਟਵੀਟ ਕਰਦਿਆਂ ਲਿੱਖਿਆ ਕਿ, 'ਵਧਾਈ ਜਸਟਿਨ ਟਰੂਡੋ, ਚੋਣਾਂ 'ਚ ਜਿੱਤ ਲਈ। ਬਾਕੀ ਮੈਂ ਉਤਸਕ ਹਾਂ ਤੁਹਾਡੇ ਨਾਲ ਮੁੜ ਆਸਟ੍ਰੇਲੀਆ ਅਤੇ ਕੈਨੇਡਾ ਦੇ ਦੋ-ਪੱਖੀ ਸਬੰਧਾਂ ਨੂੰ ਹੋਰ ਮਜ਼ਬੂਤ ਬਣਾਉਣ 'ਤੇ ਕੰਮ ਕਰਨ ਲਈ।' ਦੱਸ ਦਈਏ ਕਿ ਟਰੂਡੋ ਦੀ ਸਰਕਾਰ ਹਾਊਸ ਆਫ ਕਾਮਨਸ 'ਚ ਬਹੁਮਤ ਹਾਸਲ ਕਰਨ 'ਚ ਅਸਫਲ ਰਹੀ ਅਤੇ ਕੁਝ ਦਿਨਾਂ ਹੋ ਸਕਦਾ ਕਿ ਲਿਬਰਲ ਸਰਕਾਰ ਕਿਸੇ ਪਾਰਟੀ ਨਾਲ ਗਠਜੋੜ ਕਰੇ।

Congratulations to PM @JustinTrudeau on his election victory in Canada. Looking forward to continuing our strong working relationship and the partnership between Australia and Canada.

— Scott Morrison (@ScottMorrisonMP) October 22, 2019