ਕੈਨੇਡਾ : PM ਟਰੂਡੋ ਤੇ ਜਗਮੀਤ ਸਿੰਘ ਨੇ ਦਿੱਤੀ ਬਾਈਡੇਨ, ਹੈਰਿਸ ਨੂੰ ਵਧਾਈ

ਟੋਰਾਂਟੋ-  ਕੈਨੇਡਾ ਦੀ ਰਾਜਨੀਤਕ ਪਾਰਟੀ ਐੱਨ. ਡੀ. ਪੀ. ਦੇ ਨੇਤਾ ਜਗਮੀਤ ਸਿੰਘ ਅਤੇ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬਾਈਡੇਨ ਨੂੰ ਅਮਰੀਕਾ ਦੇ ਰਾਸ਼ਟਰਪਤੀ ਵਜੋਂ ਸੱਤਾ ਸੰਭਾਲਣ ਅਤੇ ਕਮਲਾ ਹੈਰਿਸ ਨੂੰ ਪਹਿਲੀ ਮਹਿਲਾ ਉਪ ਰਾਸ਼ਟਰਪਤੀ ਬਣਨ ਦੀ ਵਧਾਈ ਦਿੱਤੀ ਹੈ।

Congratulations President @JoeBiden

Today marks an official end to the hate and division of the last 4 years

And, an opportunity to build a more inclusive and compassionate nation and world

— Jagmeet Singh (@theJagmeetSingh) January 20, 2021

ਜਗਮੀਤ ਸਿੰਘ ਨੇ ਕਿਹਾ ਕਿ ਅੱਜ ਪਿਛਲੇ ਚਾਰ ਸਾਲਾਂ ਦੀ ਨਫ਼ਰਤ ਅਤੇ ਵੰਡ ਦਾ ਅੰਤ ਹੋ ਗਿਆ। ਉੱਥੇ ਹੀ, ਟਰੂਡੋ ਨੇ ਬਾਈਡੇਨ ਨੂੰ ਮੁਬਾਰਕਬਾਦ ਦਿੰਦੇ ਹੋਏ ਕਿਹਾ, ''ਕੈਨੇਡਾ ਅਤੇ ਅਮਰੀਕਾ ਦੋਹਾਂ ਦੇਸ਼ਾਂ ਨੇ ਮਿਲ ਕੇ ਇਤਿਹਾਸ ਦੀਆਂ ਕੁਝ ਵੱਡੀਆਂ ਚੁਣੌਤੀਆਂ ਨਾਲ ਨਜਿੱਠਿਆ ਹੈ ਅਤੇ ਮੈਂ ਤੁਹਾਡੇ ਨਾਲ, ਕਮਲਾ ਹੈਰਿਸ ਨਾਲ ਅਤੇ ਤੁਹਾਡੇ ਪ੍ਰਸ਼ਾਸਨ ਨਾਲ ਇਸ ਸਾਂਝੇਦਾਰੀ ਨੂੰ ਜਾਰੀ ਰੱਖਣ ਦੀ ਉਮੀਦ ਕਰਦਾ ਹਾਂ।''

Congratulations, @JoeBiden, on your inauguration as the 46th President of the United States. Our two countries have tackled some of history’s greatest challenges together - and I’m looking forward to continuing this partnership with you, @KamalaHarris, and your administration.

— Justin Trudeau (@JustinTrudeau) January 20, 2021

ਗੌਰਤਲਬ ਹੈ ਕਿ ਕਮਲਾ ਹੈਰਿਸ ਦਾ ਪੂਰਾ ਨਾਮ ਕਮਲਾ ਦੇਵੀ ਹੈਰਿਸ ਹੈ। ਉਨ੍ਹਾਂ ਦੀ ਮਾਤਾ ਜੀ ਭਾਰਤੀ ਅਤੇ ਪਿਤਾ ਜੀ ਜਮਾਇਕਾ ਦੇ ਸਨ, ਜੋ ਅਮਰੀਕਾ ਵਿਚ ਵੱਸ ਗਏ ਸਨ। 56 ਸਾਲਾ ਕਮਲਾ ਹੈਰਿਸ ਦਾ ਜੰਮਪਲ ਕੈਲੀਫੋਰਨੀਆ ਦੇ ਓਕਲੈਂਡ ਦਾ ਹੈ। ਹੈਰਿਸ ਸੰਯੁਕਤ ਰਾਜ ਅਮਰੀਕਾ ਦੀ 49ਵੀਂ ਉਪ ਰਾਸ਼ਟਰਪਤੀ ਬਣੀ ਹੈ। ਉੱਥੇ ਹੀ, ਜੋਅ ਬਾਈਡੇਨ ਅਮਰੀਕਾ ਦੇ 46ਵੇਂ ਰਾਸ਼ਟਰਪਤੀ ਬਣੇ ਹਨ। ਬਾਈਡੇਨ 78 ਸਾਲ ਦੇ ਹਨ। ਰਾਜਨੀਤੀ ਵਿਚ ਉਹ ਪਿਛਲੇ 50 ਸਾਲਾਂ ਤੋਂ ਸਰਗਰਮ ਹਨ। ਬਰਾਕ ਓਬਾਮਾ ਵੇਲੇ ਉਹ ਉਪ-ਰਾਸ਼ਟਰਪਤੀ ਵੀ ਰਹੇ ਸਨ।