ਚੋਰੀ ਦੇ ਕ੍ਰੈਡਿਟ ਨਾਲ ਚਮਕੀ ਚੋਰਾਂ ਦੀ ਕਿਸਮਤ, ਜਿੱਤੇ 4.5 ਕਰੋੜ, ਪਰ ਨਹੀਂ ਮਿਲਿਆ ਇਕ ਵੀ ਪੈਸਾ

ਪੈਰਿਸ (ਏਜੰਸੀ)- ਕੋਈ ਵਿਅਕਤੀ 4.5 ਕਰੋੜ ਰੁਪਏ ਦੀ ਲਾਟਰੀ ਜਿੱਤ ਜਾਵੇ, ਪਰ ਉਸਨੂੰ ਇੱਕ ਪੈਸਾ ਵੀ ਨਾ ਮਿਲੇ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਅਜਿਹਾ ਕਿਵੇਂ ਹੋ ਸਕਦਾ ਹੈ। ਦਰਅਸਲ ਇਹ ਮਾਮਲਾ ਫਰਾਂਸ ਦਾ ਹੈ, ਜਿੱਥੇ ਟੂਲੂਸ ਸ਼ਹਿਰ ਦੀ ਪਾਰਕਿੰਗ ਵਿੱਚ ਇੱਕ ਕਾਰ ਖੜ੍ਹੀ ਸੀ। 2 ਚੋਰਾਂ ਨੇ ਇਸ ਕਾਰ ਵਿੱਚੋਂ ਸਾਮਾਨ ਚੋਰੀ ਕਰ ਲਿਆ। ਇਸ ਵਿੱਚ ਇੱਕ ਕ੍ਰੈਡਿਟ ਕਾਰਡ ਵੀ ਸੀ। ਜਿਵੇਂ ਹੀ ਉਨ੍ਹਾਂ ਨੂੰ ਕ੍ਰੈਡਿਟ ਕਾਰਡ ਮਿਲਿਆ, ਦੋਵੇਂ ਆਪਣੀ ਕਿਸਮਤ ਅਜ਼ਮਾਉਣ ਲਈ ਲਾਟਰੀ ਦੀ ਦੁਕਾਨ 'ਤੇ ਪਹੁੰਚ ਗਏ। ਇੱਥੋਂ ਉਨ੍ਹਾਂ ਨੇ ਲਾਟਰੀ ਟਿਕਟ ਖਰੀਦੀ। ਦੋਵਾਂ ਦੀ ਕਿਸਮਤ ਚਮਕ ਗਈ ਅਤੇ ਉਨ੍ਹਾਂ ਨੇ 5 ਲੱਖ ਯੂਰੋ ਯਾਨੀ ਲਗਭਗ 4.5 ਕਰੋੜ ਰੁਪਏ ਦੀ ਲਾਟਰੀ ਜਿੱਤ ਲਈ।

ਇਹ ਵੀ ਪੜ੍ਹੋ: ਭਰੂਣ ਦੀ ਅਦਲਾ-ਬਦਲੀ; IVF ਰਾਹੀਂ ਮਾਂ ਬਣਨਾ ਚਾਹੁੰਦੀ ਸੀ ਔਰਤ, ਪਰ ਬਣ ਗਈ ਸਰੋਗੇਟ

ਕ੍ਰੈਡਿਟ ਕਾਰਡ ਦਾ ਅਸਲੀ ਮਾਲਕ ਜੀਨ-ਡੇਵਿਡ ਚੁੱਪ ਕਰਕੇ ਨਹੀਂ ਬੈਠਣ ਵਾਲਾ ਸੀ। ਉਸ ਨੇ ਪੁਲਸ ਸਟੇਸ਼ਨ ਵਿਚ ਚੋਰੀ ਦੀ ਰਿਪੋਰਟ ਦਰਜ ਕਰਵਾ ਦਿੱਤੀ। ਬੈਂਕ ਤੋਂ ਕ੍ਰੈਡਿਟ ਕਾਰਡ ਵੀ ਬਲਾਕ ਕਰਵਾ ਦਿੱਤਾ। ਫਿਰ ਉਸਨੇ ਬੈਂਕ ਤੋਂ ਪੁੱਛਿਆ ਕਿ ਕੀ ਉਸਦਾ ਕ੍ਰੈਡਿਟ ਕਾਰਡ ਕਿਤੇ ਵਰਤਿਆ ਗਿਆ ਹੈ। ਬੈਂਕ ਨੇ ਦੱਸਿਆ ਕਿ ਇੱਕ ਲਾਟਰੀ ਦੀ ਦੁਕਾਨ 'ਤੇ ਲਗਭਗ 4,755 ਰੁਪਏ ਦੀ ਖਰੀਦਦਾਰੀ ਕੀਤੀ ਗਈ ਸੀ। ਕ੍ਰੈਡਿਟ ਕਾਰਡ ਦਾ ਅਸਲੀ ਮਾਲਕ ਉਸੇ ਦੁਕਾਨ 'ਤੇ ਪਹੁੰਚ ਗਿਆ। ਉੱਥੇ ਪਤਾ ਲੱਗਾ ਕਿ 30-40 ਸਾਲ ਦੀ ਉਮਰ ਦੇ 2 ਲੋਕ ਆਏ ਸਨ। ਉਨ੍ਹਾਂ ਨੇ ਇੱਥੋਂ ਸਿਗਰਟਾਂ ਅਤੇ ਲਾਟਰੀ ਸਕ੍ਰੈਚ ਕਾਰਡ ਖਰੀਦੇ। ਕਾਰਡ ਸਕ੍ਰੈਚ ਕਰਨ ਤੋਂ ਬਾਅਦ, ਦੋਵਾਂ ਨੂੰ ਪਤਾ ਲੱਗਾ ਕਿ ਉਨ੍ਹਾਂ ਨੇ 4.5 ਕਰੋੜ ਰੁਪਏ ਦੀ ਲਾਟਰੀ ਜਿੱਤ ਲੱ ਹੈ। ਉਹ ਲਾਟਰੀ ਜਿੱਤਣ ਦੀ ਖੁਸ਼ੀ ਵਿੱਚ ਇੰਨਾ ਗੁਆਚ ਗਏ ਕਿ ਦੁਕਾਨ 'ਤੇ ਆਪਣਾ ਹੋਰ ਖਰੀਦਿਆਂ ਸਮਾਨ ਵੀ ਭੁੱਲ ਗਏ।

ਇਹ ਵੀ ਪੜ੍ਹੋ: ਵੱਡਾ ਹਾਦਸਾ: ਸ਼ਾਪਿੰਗ ਮਾਲ ਦੀ ਡਿੱਗੀ ਛੱਤ, 6 ਲੋਕਾਂ ਦੀ ਦਰਦਨਾਕ ਮੌਤ, 78 ਜ਼ਖਮੀ

ਦੁਕਾਨ ਦੇ ਮਾਲਕ ਨੇ ਇਹ ਵੀ ਕਿਹਾ ਕਿ ਲਾਟਰੀ ਜਿੱਤਣ ਤੋਂ ਬਾਅਦ, ਦੋਵਾਂ ਨੂੰ ਕਿਹਾ ਗਿਆ ਸੀ ਕਿ ਉਨ੍ਹਾਂ ਨੂੰ ਲਾਟਰੀ ਦੇ ਪੈਸੇ ਫ੍ਰੈਂਚਾਈਜ਼ ਡੇਸ ਜਿਊਕਸ ਕੰਪਨੀ ਤੋਂ ਮਿਲਣਗੇ। ਲਾਟਰੀ ਫ੍ਰੈਂਚਾਈਜ਼ ਡੇਸ ਜਿਊਕਸ ਉਹ ਕੰਪਨੀ ਹੈ ਜੋ ਫਰਾਂਸ ਦੀ ਰਾਸ਼ਟਰੀ ਲਾਟਰੀ ਚਲਾਉਂਦੀ ਹੈ। ਲਾਟਰੀ ਸਕ੍ਰੈਚ ਕਾਰਡ ਵੀ ਇਸੇ ਕੰਪਨੀ ਦਾ ਸੀ। ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਚੋਰ ਗ੍ਰਿਫ਼ਤਾਰੀ ਦੇ ਡਰੋਂ ਅਜੇ ਤੱਕ ਫ੍ਰਾਂਸੇਜ਼ ਡੇਸ ਜੇਕਸ ਦੇ ਦਫ਼ਤਰ ਨਹੀਂ ਪਹੁੰਚੇ ਹਨ। ਦੂਜੇ ਪਾਸੇ, ਪੁਲਸ ਦੀ ਬੇਨਤੀ 'ਤੇ ਕੰਪਨੀ ਨੇ ਲਾਟਰੀ ਦੀ ਰਕਮ ਵੀ ਜ਼ਬਤ ਕਰ ਲਈ ਹੈ।

ਇਹ ਵੀ ਪੜ੍ਹੋ: ਪਤਨੀ ਦੇ ਸਾਹਮਣੇ BNP ਨੇਤਾ ਦਾ ਬੇਰਹਿਮੀ ਨਾਲ ਕਤਲ

ਕ੍ਰੈਡਿਟ ਕਾਰਡ ਦੇ ਅਸਲੀ ਮਾਲਕ ਨੇ ਮੀਡੀਆ ਰਾਹੀਂ ਦੋਵਾਂ ਚੋਰਾਂ ਨੂੰ ਆਪਣੇ ਵਕੀਲ ਨਾਲ ਸੰਪਰਕ ਕਰਨ ਲਈ ਕਿਹਾ ਹੈ। ਜੀਨ-ਡੇਵਿਡ ਨੇ ਇਹ ਵੀ ਕਿਹਾ ਹੈ ਕਿ ਉਹ ਚੋਰਾਂ ਨਾਲ ਲਾਟਰੀ ਦੇ ਪੈਸੇ ਸਾਂਝੇ ਕਰਨ ਲਈ ਤਿਆਰ ਹਨ ਅਤੇ ਇਸੇ ਲਈ ਉਹ ਚਾਹੁੰਦੇ ਹਨ ਕਿ ਇਹ ਮਾਮਲਾ ਅਦਾਲਤ ਤੋਂ ਬਾਹਰ ਹੱਲ ਹੋ ਜਾਵੇ। ਜੀਨ-ਡੇਵਿਡ ਦੇ ਵਕੀਲ ਦਾ ਇੱਕ ਬਿਆਨ ਵੀ ਆਇਆ ਹੈ। ਉਨ੍ਹਾਂ ਦਾ ਕਹਿਣ ਹੈ ਕਿ ਉਸਦੇ ਮੁਵੱਕਿਲ ਦੇ ਪੈਸਿਆਂ ਤੋਂ ਬਿਨਾਂ, ਦੋਵੇਂ ਚੋਰ ਲਾਟਰੀ ਨਹੀਂ ਜਿੱਤ ਸਕਦੇ ਸਨ ਅਤੇ ਉਨ੍ਹਾਂ ਤੋਂ ਬਿਨਾਂ, ਡੇਵਿਡ ਵੀ ਨਹੀਂ ਜਿੱਤ ਸਕਦਾ ਸੀ। ਇਸ ਲਈ, ਲਾਟਰੀ ਦੀ ਰਕਮ ਨੂੰ ਆਪਸ ਵਿੱਚ ਵੰਡਣਾ ਫਾਇਦੇਮੰਦ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8