ਵਿਵਾਦਾਂ 'ਚ ਘਿਰੀ ਫਿਨਲੈਂਡ ਦੀ PM ਸਨਾ ਦੀਆਂ ਅੱਖਾਂ 'ਚੋਂ ਨਿਕਲੇ ਹੰਝੂ, ਕਿਹਾ- ਮੈਂ ਖੁਸ਼ੀਆਂ ਲਈ ਤਰਸਦੀ ਹਾਂ

ਹੇਲਸਿੰਕੀ: ਫਿਨਲੈਂਡ ਦੀ ਨੌਜਵਾਨ ਪ੍ਰਧਾਨ ਮੰਤਰੀ ਸਨਾ ਮਾਰਿਨ ਇਨ੍ਹੀਂ ਦਿਨੀਂ ਵਿਵਾਦਾਂ ਵਿੱਚ ਘਿਰੀ ਹੋਈ ਹੈ। ਪਹਿਲਾਂ ਪਾਰਟੀ ਦੀ ਆਪਣੀ ਵੀਡੀਓ ਅਤੇ ਹੁਣ ਕੁਝ ਦੋਸਤਾਂ ਕਾਰਨ ਉਸ ਨੂੰ ਲਗਾਤਾਰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਬੁੱਧਵਾਰ ਨੂੰ ਆਪਣੇ ਬਚਾਅ 'ਚ ਭਾਸ਼ਣ ਦਿੰਦੇ ਹੋਏ ਸਨਾ ਮਾਰਿਨ ਭਾਵੁਕ ਹੋ ਗਈ ਅਤੇ ਉਸ ਦੀਆਂ ਅੱਖਾਂ 'ਚੋਂ ਹੰਝੂ ਨਿਕਲ ਆਏ। ਪ੍ਰਧਾਨ ਮੰਤਰੀ ਸਨਾ ਮਾਰਿਨ ਦੀ ਨਿੱਜੀ ਜ਼ਿੰਦਗੀ ਉਨ੍ਹਾਂ ਲਈ ਮੁਸੀਬਤ ਬਣ ਗਈ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਵੀਡੀਓ 'ਚ ਉਹ ਆਪਣੇ ਦੋਸਤਾਂ ਨਾਲ ਪਾਰਟੀ ਕਰਦੀ ਨਜ਼ਰ ਆ ਰਹੀ ਹੈ। ਕੁਝ ਦਿਨਾਂ ਬਾਅਦ, ਇੱਕ ਹੋਰ ਵੀਡੀਓ ਵਿੱਚ ਉਸ ਦੀ ਪ੍ਰਧਾਨ ਮੰਤਰੀ ਰਿਹਾਇਸ਼ 'ਤੇ ਹੋਈ ਪਾਰਟੀ ਵਿੱਚ 2 ਟੌਪਲੈੱਸ ਕੁੜੀਆਂ ਇਕ-ਦੂਜੇ ਨੂੰ 'ਕਿੱਸ' ਕਰਦੀਆਂ ਦਿਖਾਈ ਦਿੱਤੀਆਂ ਸਨ। ਮਾਰਿਨ ਨੇ ਆਪਣੇ ਦੋਸਤਾਂ ਲਈ ਮੁਆਫੀ ਵੀ ਮੰਗੀ ਹੈ।

ਇਹ ਵੀ ਪੜ੍ਹੋ: ਹੁਣ ਫਿਨਲੈਂਡ ਦੀ ਪ੍ਰਧਾਨ ਮੰਤਰੀ ਦੀ ਸਰਕਾਰੀ ਰਿਹਾਇਸ਼ ਤੋਂ ਟੌਪਲੈੱਸ ਔਰਤਾਂ ਦੀ ਫੋਟੋ ਹੋਈ ਵਾਇਰਲ

❝Amid these dark times, I too miss sometimes joy, light and fun. But I haven't missed a single day of work. I haven't missed a single work assignment.❞

Finnish PM Sanna Marin fought back tears as she addressed private videos and a photo that recently appeared in Finnish media. pic.twitter.com/kAElmtZUN0

— NoComment (@nocomment) August 24, 2022

'ਦਿ ਸਨ' ਦੀ ਖ਼ਬਰ ਮੁਤਾਬਕ ਉੱਤਰੀ ਹੇਲਸਿੰਕੀ ਦੇ ਲਾਹਤੀ ਸ਼ਹਿਰ 'ਚ ਆਪਣੀ ਪਾਰਟੀ ਸੋਸ਼ਲ ਡੈਮੋਕ੍ਰੇਟਿਕ ਪਾਰਟੀ ਦੇ ਇਕ ਸਮਾਗਮ 'ਚ ਸਨਾ ਮਾਰਿਨ ਭਾਵੁਕ ਹੋ ਗਈ ਅਤੇ ਕਿਹਾ, 'ਮੈਂ ਵੀ ਇਕ ਇਨਸਾਨ ਹਾਂ ਅਤੇ ਕਈ ਮੁਸੀਬਤਾਂ ਦੇ ਵਿਚਕਾਰ ਮੈਂ ਵੀ ਕਦੇ-ਕਦੇ ਖੁਸ਼ੀ ਲਈ ਤਰਸਦੀ ਹਾਂ। ਇਹ ਨਿੱਜੀ ਹੈ, ਇਹੀ ਖੁਸ਼ੀ ਹੈ ਅਤੇ ਇਹੀ ਜ਼ਿੰਦਗੀ ਹੈ।' ਮਾਰਿਨ ਦਾ ਭਾਸ਼ਣ ਉਸ 'ਤੇ ਲੱਗੇ ਸਾਰੇ ਦੋਸ਼ਾਂ ਦੇ ਬਚਾਅ 'ਚ ਸੀ। ਉਸ ਨੇ ਕਿਹਾ, 'ਮੈਂ ਇੱਕ ਦਿਨ ਵੀ ਕੰਮ ਨਹੀਂ ਛੱਡਿਆ।' 36 ਸਾਲਾ ਸਨਾ ਮਾਰਿਨ ਇੱਕ ਧੀ ਦੀ ਮਾਂ ਹੈ ਅਤੇ ਦੁਨੀਆ ਦੇ ਸਭ ਤੋਂ ਨੌਜਵਾਨ ਨੇਤਾਵਾਂ ਵਿੱਚ ਸ਼ਾਮਲ ਹੈ।

ਇਹ ਵੀ ਪੜ੍ਹੋ: ਜਾਪਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਆਬੇ ਦੇ ਸਰਕਾਰੀ ਅੰਤਿਮ ਸੰਸਕਾਰ 'ਚ ਸ਼ਾਮਲ ਹੋ ਸਕਦੇ ਹਨ PM ਮੋਦੀ

ਆਪਣੇ ਭਾਸ਼ਣ ਵਿੱਚ, ਮਾਰਿਨ ਨੇ ਕਿਹਾ ਕਿ ਪਿਛਲਾ ਹਫ਼ਤਾ "ਬਹੁਤ ਮੁਸ਼ਕਲ" ਸੀ। ਦੋਸਤਾਂ ਨਾਲ ਡਾਂਸ ਦੀ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪ੍ਰੈੱਸ ਕਾਨਫਰੰਸ 'ਚ ਪ੍ਰਧਾਨ ਮੰਤਰੀ ਸਨਾ ਮਾਰਿਨ ਨੇ ਮੰਨਿਆ ਕਿ ਉਨ੍ਹਾਂ ਨੇ ਥੋੜ੍ਹੀ ਸ਼ਰਾਬ ਪੀਤੀ ਸੀ। ਜਦੋਂ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਕੀ ਉਸ ਨੇ ਡਰੱਗਜ਼ ਲਿਆ ਸੀ ਤਾਂ ਉਸ ਨੇ ਇਸ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ। ਉਸ ਨੇ ਡਰੱਗ ਦੀ ਜਾਂਚ ਵੀ ਕਰਵਾਈ, ਜਿਸ ਦੀ ਰਿਪੋਰਟ ਹੁਣ ਨੈਗੇਟਿਵ ਆਈ ਹੈ। 

ਨੋਟ: ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।