ਮਹਿਲਾ ਪੱਤਰਕਾਰ ਨੇ ਕੀਤਾ ਖੁਲਾਸਾ, ਕਿਹਾ-ਤਾਲਿਬਾਨ ਲੜਕੀਆਂ ਦੇ ਘਰ-ਘਰ ਜਾ ਕੇ ਕਰ ਰਿਹੈ ਸਮੂਹਿਕ ਜਬਰ-ਜ਼ਿਨਾਹ

ਕਾਬੁਲ : ਅਫਗਾਨਿਸਤਾਨ ਤੋਂ ਭੱਜ ਕੇ ਆਈ ਇੱਕ ਮਹਿਲਾ ਪੱਤਰਕਾਰ ਨੇ ਆਪਣੀ ਰਿਪੋਰਟ ’ਚ ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਉਥੇ ਔਰਤਾਂ ਦੀ ਸਥਿਤੀ ਬਾਰੇ ਭਿਆਨਕ ਖੁਲਾਸਾ ਕੀਤਾ ਹੈ। ‘ਦਿ ਡੱਲਾਸ ਮਾਰਨਿੰਗ ਨਿਊਜ਼’ ਵਿਚ ਲਿਖੇ ਆਪਣੇ ਲੇਖ ’ਚ ਪੱਤਰਕਾਰ ਹੋਲੀ ਮੈਕੇ ਨੇ ਦੱਸਿਆ ਕਿ ਤਾਲਿਬਾਨ ਹੱਥੋਂ ਅਫਗਾਨਿਸਤਾਨ ਦੇ ਪਤਨ ਤੋਂ ਬਾਅਦ ਅਫਗਾਨ ਔਰਤਾਂ ਦੀ ਜ਼ਿੰਦਗੀ ਨੇ ਇੱਕ ਗੰਭੀਰ ਮੋੜ ਲੈ ਲਿਆ ਹੈ। ਹੋਲੀ ਮੈਕੇ ਨੇ ਕਿਹਾ ਕਿ ਪਿਛਲੇ ਹਫਤੇ ਕਾਬੁਲ ਉੱਤੇ ਕਬਜ਼ਾ ਕਰਨ ਤੋਂ ਬਾਅਦ ਤਾਲਿਬਾਨ ਦੇਸ਼ ’ਚ ਘਰ-ਘਰ ਜਾ ਕੇ ਔਰਤਾਂ ਅਤੇ ਲੜਕੀਆਂ ਨਾਲ ਵਿਆਹ ਕਰ ਰਹੇ ਹਨ। ਮੈਕੇ ਨੇ ਕਿਹਾ ਕਿ ਹਾਲਾਂਕਿ ਉਹ ਮਜ਼ਾਰ-ਏ-ਸ਼ਰੀਫ ਨੂੰ ਛੱਡ ਸਕਦੀ ਸੀ ਪਰ ਆਪਣੇ ਪਿੱਛੇ ਰਹਿਣ ਵਾਲੇ ਉਸ ਦੇ ਅਫਗਾਨ ਦੋਸਤਾਂ ਨੂੰ ਲੈ ਕੇ ਡਰੀ ਹੋਈ ਹੈ, ਜੋ ਉਸ ਦੀ ਉਡੀਕ ਕਰ ਰਹੇ ਹਨ। ਮੈਕੇ ਨੇ ਕਿਹਾ ਕਿ ਇਸ ਦੇਸ਼ ਦੀਆਂ ਔਰਤਾਂ ਨੇ ਆਪਣੀ ਆਜ਼ਾਦੀ ਲਈ ਕਿੰਨੀ ਸਖਤ ਲੜਾਈ ਲੜੀ ਪਰ ਤਾਲਿਬਾਨ ਦੇ ਸੱਤਾ ਵਿੱਚ ਆਉਣ ਨਾਲ ਇੱਕ ਝਟਕੇ ਵਿੱਚ ਉਨ੍ਹਾਂ ਦੇ ਦਹਾਕਿਆਂ ਦੇ ਸੰਘਰਸ਼ ਨੂੰ ਬਰਬਾਦ ਕਰ ਦਿੱਤਾ ਗਿਆ।

ਮੈਕੇ ਨੇ ਇੱਕ 14 ਸਾਲਾ ਲੜਕੀ ਬਾਰੇ ਲਿਖਿਆ, ਜੋ ਉਸ ਹਫਤੇ ਦੇ ਸ਼ੁਰੂ ’ਚ ਕਾਬੁਲ ਦੇ ਘੇਰੇ ’ਚ ਇੱਕ ਵਿਸਥਾਪਨ ਕੇਂਦਰ ’ਚ ਮਿਲੀ ਸੀ। ਲੜਕੀ ਕੁੰਦੁਜ ’ਚ ਲੜਾਈ ਤੋਂ ਬਚਣ ਲਈ ਭੱਜ ਗਈ ਸੀ ਅਤੇ ਇੱਕ ਦਿਨ ਪੜ੍ਹ-ਲਿਖ ਕੇ ਡਾਕਟਰ ਬਣਨਾ ਚਾਹੁੰਦੀ ਸੀ। ਦਿ ਡੱਲਾਸ ਮਾਰਨਿੰਗ ਨਿਊਜ਼ ਦੀ ਰਿਪੋਰਟ ਅਨੁਸਾਰ ਉਸ ਨੇ ਇੱਕ ਹੋਰ ਅਫਗਾਨ ਔਰਤ ਫਰੀਹਾ ਈਸਰ ਬਾਰੇ ਵੀ ਲਿਖਿਆ, ਜਿਸ ਨੂੰ ਉਹ ਕਈ ਸਾਲ ਪਹਿਲਾਂ ਮਿਲੀ ਸੀ। ਫਰੀਹਾ, ਜੋ ਦੱਬੀਆਂ-ਕੁਚਲੀਆਂ ਅਫਗਾਨ ਔਰਤਾਂ ਦੀ ਆਵਾਜ਼ ਸੀ ਅਤੇ ਅਫਗਾਨ ਔਰਤਾਂ ਦੀਆਂ ਕਹਾਣੀਆਂ ਨੂੰ ਰੌਸ਼ਨੀ ’ਚ ਲਿਆਉਣ ਅਤੇ ਪਰਿਵਰਤਨ ਲਈ ਇੱਕ ਸ਼ਕਤੀਸ਼ਾਲੀ ਸ਼ਕਤੀ ਬਣਨ ਲਈ ਅਸਥਿਰ ਦੇਸ਼ ’ਚ ਘੁੰਮਦੀ ਸੀ, ਤਾਲਿਬਾਨ ਦੇ ਕਬਜ਼ੇ ਤੋਂ ਬਾਅਦ ਟੁੱਟ ਗਈ। ਫਰੀਹਾ ਨੇ ਕਿਹਾ, ਬਾਹਰ ਦੇ ਮੇਰੇ ਦੋਸਤ ਮੈਨੂੰ ਆਪਣਾ ਦੇਸ਼ ਛੱਡਣ ਲਈ ਭੀਖ ਮੰਗ ਰਹੇ ਹਨ।” ‘‘ਪਰ ਮੈਂ ਕਿਵੇਂ ਕਰ ਸਕਦੀ ਹਾਂ, ਜਦੋਂ ਮੇਰੀਆਂ ਭੈਣਾਂ ਦੁਖੀ ਹਨ?’’

ਉਸ ਨੇ ਮੈਨੂੰ ਦੱਸਿਆ ਕਿ ਤਾਲਿਬਾਨ ਘਰ-ਘਰ ਜਾ ਰਿਹਾ ਹੈ, ਵਿਆਹ ਲਈ 15 ਤੋਂ ਵੱਧ ਔਰਤਾਂ ਅਤੇ ਲੜਕੀਆਂ ਦੀ ਭਾਲ ਕਰ ਰਿਹਾ ਹੈ। ਇੱਕ ਮਹੀਨਾ ਪਹਿਲਾਂ ਬਾਗੀ ਮੈਂਬਰ ਉਸ ਦੇ ਦਰਵਾਜ਼ੇ ’ਤੇ ਪਹੁੰਚੇ। ਤਾਲਿਬਾਨ ਬਦਖਸ਼ਾਂ ’ਚ ਉਸ ਦੇ ਦੋਸਤ ਦੇ ਘਰ ਵੀ, ਜਿੱਥੇ ਉਹ ਨੌਜਵਾਨ ਲਾੜੀਆਂ ਦੀ ਭਾਲ ’ਚ ਗਏ ਤੇ ਕਿਹਾ ਕਿ ਉਹ ਮੁਕਤੀਦਾਤਾ ਹਨ, ਇਸਲਾਮ ਦੀ ਰੱਖਿਆ ਕਰਨ ਵਾਲੇ, ਪੱਛਮ ਦੇ ਮੁਕਤੀਦਾਤਾ ਹਨ। ਫਰੀਹਾ ਨੇ ਦ੍ਰਿੜ੍ਹ ਆਵਾਜ਼ ’ਚ ਕਿਹਾ ਕਿ ਉਨ੍ਹਾਂ ਨੇ ਇੱਕ ਪਿਤਾ ਤੋਂ ਆਪਣੀਆਂ ਧੀਆਂ ਨੂੰ ਪਤਨੀਆਂ ਦੇ ਰੂਪ ’ਚ ਦੇਣ ਲਈ ਕਿਹਾ। ਉਨ੍ਹਾਂ ਕਿਹਾ ਕਿ ਤਾਲਿਬਾਨ ’ਚੋਂ ਇਕ ਮੁੱਲਾ ਹੈ ਤੇ ਉਨ੍ਹਾਂ ਨੂੰ ਉਸ ਦੇ ਲਈ ਪਤਨੀ ਚਾਹੀਦੀ। ਫਰੀਹਾ ਨੇ ਕਿਹਾ ਕਿ ਉਸ ਕੋਲ ਕੋਈ ਚਾਰਾ ਨਹੀਂ ਸੀ ਅਤੇ ਤਾਲਿਬਾਨੀ ਅੱਤਵਾਦੀਆਂ ਨੇ 21 ਸਾਲਾ ਅਣਵਿਆਹੁਤਾ ਨੂੰ ਰਾਤ ਦੇ ਹਨੇਰੇ ’ਚ ਚੁੱਕ ਲਿਆ। ਫਰੀਹਾ ਨੇ ਕਿਹਾ ਕਿ ਪਿਤਾ ਨੂੰ ਤਿੰਨ ਦਿਨਾਂ ਬਾਅਦ ਪਤਾ ਲੱਗਾ ਕਿ ਉਹ ਇਕੱਲਾ ਤਾਲਿਬਾਨੀ ਨਹੀਂ ਸੀ, ਜਿਸ ਨੇ ਉਸ ਨਾਲ ਵਿਆਹ ਕੀਤਾ ਅਤੇ ਉਸ ਨਾਲ ਸੈਕਸ ਕੀਤਾ, ਬਲਕਿ ਚਾਰ ਹੋਰ ਲੋਕ ਹਰ ਰਾਤ, ਉਸ ਨਾਲ ਜਬਰ-ਜ਼ਿਨਾਹ ਕਰ ਰਹੇ ਸਨ ਪਰ ਉਸ ਨੂੰ ਦੱਸਿਆ ਗਿਆ ਕਿ ਉਹ ਕੁਝ ਨਹੀਂ ਕਰ ਸਕਦੇ।