ਓਸਲੋ ''ਚ ਤਾਲਿਬਾਨ ਦੇ ਵਫ਼ਦ ਨੂੰ ਅਫ਼ਗਾਨਾਂ ਦੇ ਵਿਰੋਧ ਦਾ ਕਰਨਾ ਪੈ ਰਿਹੈ ਸਾਹਮਣਾ

ਨਵੀਂ ਦਿੱਲੀ (ਆਈ.ਏ.ਐੱਨ.ਐੱਸ.)- ਨਾਰਵੇ ਸਥਿਤ ਕਈ ਅਫਗਾਨੀਆਂ ਨੇ ਕਾਰਜਕਾਰੀ ਵਿਦੇਸ਼ ਮੰਤਰੀ ਆਮਿਰ ਖਾਨ ਮੁਤਾਕੀ ਦੀ ਅਗਵਾਈ ਵਾਲੇ ਉੱਚ ਪੱਧਰੀ ਤਾਲਿਬਾਨ ਵਫਦ ਦੇ ਓਸਲੋ (Oslo) ਦੌਰੇ ਦਾ ਵਿਰੋਧ ਕਰਦੇ ਹੋਏ ਕਿਹਾ ਕਿ ਉਹ (ਤਾਲਿਬਾਨ) ਸਾਡੀ ਪ੍ਰਤੀਨਿਧਤਾ ਨਹੀਂ ਕਰਦੇ।ਖਾਮਾ ਪ੍ਰੈਸ ਨੇ ਦੱਸਿਆ ਕਿ ਸ਼ਨੀਵਾਰ ਨੂੰ ਤਾਲਿਬਾਨ ਦੇ ਵਫ਼ਦ ਦੀ ਫੇਰੀ ਅਤੇ ਨਾਰਵੇ ਦੇ ਅਧਿਕਾਰੀਆਂ ਅਤੇ ਅੰਤਰਰਾਸ਼ਟਰੀ ਭਾਈਚਾਰੇ ਦੇ ਮੈਂਬਰਾਂ ਨਾਲ ਉਨ੍ਹਾਂ ਦੀਆਂ ਮੀਟਿੰਗਾਂ ਦਾ ਵਿਰੋਧ ਕਰਨ ਲਈ ਪ੍ਰਦਰਸ਼ਨ ਕੀਤਾ ਗਿਆ ਸੀ।

ਅਫਗਾਨ ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਤਾਲਿਬਾਨ ਅਮਰੀਕਾ ਦੀ "ਅੱਤਵਾਦੀਆਂ" ਲਈ ਕਾਲੀ ਸੂਚੀ ਵਿੱਚ ਹਨ ਅਤੇ ਉਨ੍ਹਾਂ ਨਾਲ ਨਾਰਵੇ ਵਿੱਚ ਗੱਲਬਾਤ ਨਹੀਂ ਕੀਤੀ ਜਾਣੀ ਚਾਹੀਦੀ।ਇਹ ਵਫ਼ਦ ਨਾਰਵੇ ਦੀ ਸਰਕਾਰ ਦੇ ਸੱਦੇ 'ਤੇ ਸ਼ਨੀਵਾਰ ਨੂੰ ਓਸਲੋ ਪਹੁੰਚਿਆ।ਤਾਲਿਬਾਨ ਦੇ ਉਪ ਬੁਲਾਰੇ ਇਨਾਮੁੱਲਾ ਸਮਾਨਗਾਨੀ ਨੇ ਸ਼ੁੱਕਰਵਾਰ ਨੂੰ ਕਿਹਾ ਸੀ ਕਿ ਉਹ ਨਾਰਵੇ ਦੇ ਅਧਿਕਾਰੀਆਂ, ਅਮਰੀਕਾ ਅਤੇ ਯੂਰਪੀਅਨ ਯੂਨੀਅਨ (ਈਯੂ) ਦੇ ਰਾਜਦੂਤਾਂ ਦੇ ਨਾਲ-ਨਾਲ ਕੁਝ ਪ੍ਰਭਾਵਸ਼ਾਲੀ ਅਫਗਾਨ ਸ਼ਖਸੀਅਤਾਂ ਨਾਲ ਮਹੱਤਵਪੂਰਨ ਮੁੱਦਿਆਂ 'ਤੇ ਚਰਚਾ ਕਰਨ ਵਾਲੇ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ- ਕੈਨੇਡਾ : ਸਕੇ ਭਰਾ ਨੂੰ ਕਤਲ ਕਰਨ ਦੇ ਦੋਸ਼ ਹੇਠ ਸੰਦੀਪ ਜੱਸਲ ਨੂੰ ਉਮਰ ਕੈਦ ਦੀ ਸਜ਼ਾ

ਓਸਲੋ ਵਿਚ ਵਿਦੇਸ਼ ਮੰਤਰਾਲੇ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਅਫਗਾਨਿਸਤਾਨ 'ਤੇ ਉੱਚ ਪੱਧਰੀ ਸੰਮੇਲਨ ਵਿਚ ਤਾਲਿਬਾਨ ਦਾ ਵਫ਼ਦ ਹਿੱਸਾ ਲਵੇਗਾ, ਜਿਸ ਵਿਚ ਕੁੜੀਆਂ ਦੀ ਸਿੱਖਿਆ ਅਤੇ ਮਨੁੱਖੀ ਅਧਿਕਾਰਾਂ ਤੱਕ ਪਹੁੰਚ 'ਤੇ ਧਿਆਨ ਦਿੱਤਾ ਜਾਵੇਗਾ ਪਰ ਮੰਤਰਾਲੇ ਨੇ ਦੁਹਰਾਇਆ ਕਿ "ਇਹ ਮੀਟਿੰਗਾਂ ਤਾਲਿਬਾਨ ਦੀ ਜਾਇਜ਼ਤਾ ਜਾਂ ਮਾਨਤਾ ਨੂੰ ਦਰਸਾਉਂਦੀਆਂ ਨਹੀਂ ਹਨ"।ਜਨਵਰੀ ਵਿੱਚ ਤਾਲਿਬਾਨ ਦੇ ਵਫ਼ਦ ਦੀ ਇਹ ਦੂਜੀ ਵਿਦੇਸ਼ ਯਾਤਰਾ ਹੈ।ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਮੁਤਾਕੀ ਦੀ ਅਗਵਾਈ ਵਿੱਚ ਇੱਕ ਵਫ਼ਦ ਨੇ ਈਰਾਨ ਦਾ ਦੌਰਾ ਕੀਤਾ, ਜਿੱਥੇ ਉਸ ਨੇ ਹੇਰਾਤ ਸੂਬੇ ਦੇ ਸਾਬਕਾ ਗਵਰਨਰ ਇਸਮਾਈਲ ਖਾਨ ਅਤੇ ਵਿਰੋਧ ਮੋਰਚੇ ਦੇ ਨੇਤਾ ਅਹਿਮਦ ਮਸੂਦ ਨਾਲ ਗੱਲਬਾਤ ਕੀਤੀ।ਹਾਲਾਂਕਿ ਵਿਰੋਧ ਫਰੰਟ ਨੇ ਕਿਹਾ ਕਿ ਗੱਲਬਾਤ ਕਿਸੇ ਸਕਾਰਾਤਮਕ ਨਤੀਜੇ 'ਤੇ ਨਹੀਂ ਪਹੁੰਚੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਇਟਲੀ ਨੇ ਯੂਨੇਸਕੋ ਨੂੰ ਕੀਤੀ 'ਐਸਪ੍ਰੇਸੋ' ਨੂੰ ਵਿਰਾਸਤ ਸੂਚੀ 'ਚ ਸ਼ਾਮਲ ਕਰਨ ਦੀ ਅਪੀਲ