ਦੱਖਣੀ ਅਫ਼ਰੀਕਾ ਦੀ ਪੰਡਿਤ ਨੇ ਹਿੰਦੂ ਦੇਵਤਾ ਵਿਸ਼ਨੂੰ 'ਤੇ ਲਿਖੀ 'ਕਿਤਾਬ'

ਜੋਹਾਨਸਬਰਗ (ਭਾਸ਼ਾ): ਦੱਖਣੀ ਅਫ਼ਰੀਕਾ ਦੀ ਪੰਡਿਤ ਲੂਸੀ ਸਿਗਬਾਨ ਵੱਲੋਂ ਹਿੰਦੂ ਦੇਵਤਾ ਵਿਸ਼ਨੂੰ 'ਤੇ ਇਕ ਕਿਤਾਬ ਲਿਖੀ ਗਈ ਹੈ। ਇਸ ਕਿਤਾਬ ਨੂੰ ਨਾ ਸਿਰਫ਼ ਹਿੰਦੂਆਂ ਵੱਲੋਂ ਸਗੋਂ ਹੋਰ ਧਾਰਮਿਕ ਭਾਈਚਾਰਿਆਂ ਦੇ ਆਗੂਆਂ ਵੱਲੋਂ ਵੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਕਿਤਾਬ ਵਿਚ ਵਿਸ਼ਨੂੰ ਦੇ 1,000 ਨਾਵਾਂ ਦਾ ਅੰਗਰੇਜ਼ੀ ਵਿੱਚ ਅਨੁਵਾਦ ਕੀਤਾ ਗਿਆ ਹੈ ਤਾਂ ਜੋ ਇਸਨੂੰ ਦੱਖਣੀ ਅਫ਼ਰੀਕਾ ਦੇ ਲੋਕਾਂ ਅਤੇ ਖਾਸ ਕਰਕੇ ਹਿੰਦੂ ਨੌਜਵਾਨਾਂ ਲਈ ਆਸਾਨ ਬਣਾਇਆ ਜਾ ਸਕੇ, ਜਿਨ੍ਹਾਂ ਵਿੱਚੋਂ ਬਹੁਤ ਸਾਰੇ ਹਿੰਦੀ ਜਾਂ ਸੰਸਕ੍ਰਿਤ ਨਹੀਂ ਪੜ੍ਹ ਸਕਦੇ ਹਨ। 

ਸਿਗਬਾਨ ਨੇ ਆਪਣੇ ਜੀਵਨ ਦੀ ਇੱਕ ਘਟਨਾ ਤੋਂ ਪ੍ਰੇਰਿਤ ਹੋ ਕੇ 'ਵਿਸ਼ਨੂੰ - 1,000 ਨਾਮ' ਨਾਮੀ ਕਿਤਾਬ ਲਿਖੀ ਹੈ। ਉਸਨੇ ਸੱਤ ਸਾਲਾਂ ਤੱਕ ਵਿਸ਼ਨੂੰ ਸਹਸ੍ਰਨਾਮ ਦਾ ਅਧਿਐਨ ਕੀਤਾ ਅਤੇ ਫਿਰ ਆਪਣੇ ਵਿਚਾਰ ਦੂਜਿਆਂ ਨਾਲ ਸਾਂਝੇ ਕਰਨ ਦਾ ਫੈ਼ਸਲਾ ਕੀਤਾ। ਸਿਗਬਾਨ ਨੇ ਕਿਹਾ ਕਿ 2005 'ਚ ਮੇਰੀ ਹਾਲਤ ਬਹੁਤ ਖਰਾਬ ਸੀ। ਉਸ ਸਮੇਂ ਮੈਂ ਇੱਕ ਸਾਲ ਤੋਂ ਵੱਧ ਸਮੇਂ ਲਈ ਨੌਕਰੀ ਤੋਂ ਬਿਨਾਂ ਸੀ ਅਤੇ ਮੇਰੀ ਕਾਰ ਬੈਂਕ ਨੇ ਵਾਪਸ ਲੈ ਲਈ ਸੀ। ਮੇਰੇ ਪੁੱਤਰ ਨਿਤਾਈ ਅਤੇ ਗੌਰਾ ਛੋਟੇ ਸਨ ਅਤੇ ਇਹ ਬਹੁਤ ਔਖਾ ਸਮਾਂ ਸੀ। ਜਿਵੇਂ ਕਿ ਸਿਆਣਿਆਂ ਨੇ ਕਿਹਾ ਹੈ- ਔਖੇ ਸਮੇਂ ਵਿੱਚ ਉੱਪਰ ਵਾਲੇ ਵਿੱਚ ਵਿਸ਼ਵਾਸ ਰੱਖਣਾ ਚਾਹੀਦਾ ਹੈ। ਸੱਤਿਆਨਾਰਾਇਣ ਵ੍ਰਤ ਕਥਾ ਨਾਲ ਜੀਵਨ ਦੀਆਂ ਚੁਣੌਤੀਆਂ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ- 19ਵੀਂ ਮੰਜ਼ਿਲ ਤੋਂ ਡਿੱਗ ਕੇ ਔਰਤ ਹਵਾ 'ਚ ਉਲਟੀ ਲਟਕੀ, ਇੰਝ ਬਚੀ ਜਾਨ (ਵੀਡੀਓ ਤੇ ਤਸਵੀਰਾਂ)

ਭਾਰਤ ਵਿੱਚ ਸਿਖਲਾਈ ਪ੍ਰਾਪਤ ਕਰਨ ਵਾਲੀ ਸਿਗਬਾਨ ਜੋਹਾਨਸਬਰਗ ਦੇ ਵੱਡੇ ਖੇਤਰ ਵਿੱਚ ਹਿੰਦੂ ਭਾਈਚਾਰੇ, ਖਾਸ ਤੌਰ 'ਤੇ ਹੇਠਲੇ ਸਮਾਜਿਕ-ਆਰਥਿਕ ਸਮੂਹ ਦੇ ਲੋਕਾਂ ਦੀ ਬਹੁਤ ਮਦਦ ਕਰਦੀ ਹੈ। ਉਹ ਹਿੰਦੂ ਰੀਤੀ ਰਿਵਾਜ਼ਾਂ ਅਨੁਸਾਰ ਵਿਆਹਾਂ ਅਤੇ ਅੰਤਿਮ ਸੰਸਕਾਰ ਲਈ ਵੱਖ-ਵੱਖ ਪੂਜਾ ਵੀ ਕਰਾਉਂਦੀ ਹੈ। ਹਿੰਦੂ, ਮੁਸਲਿਮ, ਈਸਾਈ ਅਤੇ ਪਰੰਪਰਾਗਤ ਅਫਰੀਕੀ ਧਰਮ ਭਾਈਚਾਰਿਆਂ ਦੇ ਮੈਂਬਰਾਂ ਨੇ ਹਫ਼ਤੇ ਦੇ ਅੰਤ ਵਿੱਚ ਜੋਹਾਨਸਬਰਗ ਦੇ ਦੱਖਣ ਵਿੱਚ ਮੁੱਖ ਤੌਰ 'ਤੇ ਭਾਰਤੀ ਬਸਤੀ, ਲੇਸੀਆ ਵਿੱਚ ਦੁਰਗਾ ਮੰਦਰ ਦੇ ਅੰਦਰ ਕਿਤਾਬ ਲਾਂਚ ਕਰਨ ਵਿੱਚ ਸ਼ਿਰਕਤ ਕੀਤੀ। ਜੋਹਾਨਸਬਰਗ ਸ਼ਹਿਰ ਵਿੱਚ ‘ਇੰਟਰਫੇਥ ਡੈਸਕ’ ਦੇ ਮੁਖੀ ਕੇ. ਮੇਸ਼ੇਕ ਟੈਂਬੇ ਨੇ ਆਪਣੇ ਕੰਮ ਰਾਹੀਂ ਸਮਾਜਿਕ ਅਤੇ ਧਾਰਮਿਕ ਏਕਤਾ ਲਿਆਉਣ ਲਈ ਸਿਗਬਾਨ ਦੇ ਪ੍ਰਗਤੀਸ਼ੀਲ ਦ੍ਰਿਸ਼ਟੀਕੋਣ ਪਹੁੰਚ ਦੀ ਸ਼ਲਾਘਾ ਕੀਤੀ।