ਹੈਰਾਨੀਜਨਕ! ਸੋਫਾ, ਸ਼ੀਸ਼ਾ, ਗੱਦਾ, ਰਜਾਈ, ਫਰਨੀਚਰ....ਕੁਝ ਵੀ ਖਾ ਲੈਂਦੀ ਹੈ ਇਹ ਬੱਚੀ

ਇੰਟਰਨੈਸ਼ਨਲ ਡੈਸਕ- ਮਾਪੇ ਅਕਸਰ ਆਪਣੇ ਬੱਚਿਆਂ ਨੂੰ ਸਿਹਤਮੰਦ ਅਤੇ ਸਵਾਦਿਸ਼ਟ ਚੀਜ਼ਾਂ ਖੁਆਉਣ ਦੀ ਕੋਸ਼ਿਸ਼ ਕਰਦੇ ਹਨ। ਇਸ ਦੇ ਲਈ ਤਾਜ਼ਾ ਸਬਜ਼ੀਆਂ, ਫਲ ਅਤੇ ਸਿਹਤਮੰਦ ਚੀਜ਼ਾਂ ਖਰੀਦਦੇ ਹਨ। ਜ਼ਰਾ ਸੋਚੋ, ਇਸ ਸਭ ਦੇ ਬਾਵਜੂਦ ਜੇਕਰ ਬੱਚਾ ਖਾਣਾ ਛੱਡ ਕੇ ਕੰਧਾਂ ਦਾ ਪਲਾਸਟਰ, ਗੱਦੇ, ਰਜਾਈ ਅਤੇ ਪਲਾਸਟਿਕ ਨੂੰ ਖਾਣਾ ਸ਼ੁਰੂ ਕਰ ਦੇਵੇ ਤਾਂ ਕਿੰਨਾ ਅਜੀਬ ਲੱਗੇਗਾ।

ਡੇਲੀ ਸਟਾਰ ਦੀ ਰਿਪੋਰਟ ਮੁਤਾਬਕ 3 ਸਾਲ ਦੀ ਬੱਚੀ ਨੂੰ ਅਜੀਬ ਬੀਮਾਰੀ ਹੈ, ਉਹ ਘਰ 'ਚ ਮੌਜੂਦ ਕਿਸੇ ਵੀ ਚੀਜ਼ ਨੂੰ ਖਾ ਲੈਂਦੀ ਹੈ। ਇਹ ਸੋਫਾ, ਚਟਾਈ, ਰਜਾਈ ਅਤੇ ਸ਼ੀਸ਼ਾ ਵੀ ਹੋ ਸਕਦਾ ਹੈ। ਇਹ ਗੱਲ ਤੁਹਾਨੂੰ ਸੁਣਨ ਵਿਚ ਅਜੀਬ ਲੱਗ ਸਕਦੀ ਹੈ ਪਰ ਅਸਲ 'ਚ ਵਿੰਟਰ ਨਾਂ ਦੀ ਬੱਚੀ ਆਪਣੇ ਆਪ ਨੂੰ ਕੁਝ ਵੀ ਖਾਣ ਤੋਂ ਰੋਕ ਨਹੀਂ ਪਾਉਂਦੀ, ਕਈ ਵਾਰ ਤਾਂ ਉਹ ਅਜਿਹੀਆਂ ਖ਼ਤਰਨਾਕ ਚੀਜ਼ਾਂ ਖਾਣ ਦੀ ਹੱਦ ਤੱਕ ਵੀ ਚਲੀ ਜਾਂਦੀ ਹੈ ਜੋ ਉਸ ਦੀ ਜਾਨ ਲਈ ਖਤਰਾ ਬਣ ਸਕਦੀਆਂ ਹਨ।

ਘਰ 'ਚ ਪਏ ਹਰ ਤਰ੍ਹਾਂ ਦਾ ਸਾਮਾਨ ਖਾ ਲੈਂਦੀ ਹੈ ਬੱਚੀ

ਸਟੈਸੀ ਏਹਰਨੇ ਨਾਂ ਦੀ 25 ਸਾਲਾ ਔਰਤ ਦੀ ਸਮੱਸਿਆ ਇਹ ਹੈ ਕਿ ਉਸ ਦੀ 3 ਸਾਲ ਦੀ ਧੀ ਘਰ ਵਿੱਚ ਉਪਲਬਧ ਕੋਈ ਵੀ ਚੀਜ਼ ਖਾ ਲੈਂਦੀ ਹੈ। ਵਿੰਟਰ ਨਾਂ ਦੀ ਬੱਚੀ ਘਰ ਦੀਆਂ ਕੰਧਾਂ ਤੋਂ ਪਲਾਸਟਰ ਖੁਰਚ ਕੇ ਖਾਂਦੀ ਹੈ, ਸੋਫੇ ਦਾ ਫੈਬਰਿਕ ਅਤੇ ਅੰਦਰਲੇ ਸਪੰਜ ਨੂੰ ਵੀ ਖਾਂਦੀ ਹੈ। ਇੰਨਾ ਹੀ ਨਹੀਂ ਉਹ ਲੱਕੜ ਦੇ ਫਰਨੀਚਰ ਅਤੇ ਕੱਚ ਨੂੰ ਵੀ ਖਾਣ ਦੀ ਕੋਸ਼ਿਸ਼ ਕਰਨ ਲੱਗਦੀ ਹੈ। ਜੇ ਰਾਤ ਨੂੰ ਉਸ ਦੀ ਅੱਖ ਖੁੱਲ੍ਹਦੀ ਹੈ, ਤਾਂ ਉਹ ਆਪਣਾ ਕੰਬਲ ਜਾਂ ਬਿਸਤਰਾ ਵੀ ਚਬਾਉਣ ਲੱਗ ਪੈਂਦੀ ਹੈ। ਚੰਗੀ ਗੱਲ ਇਹ ਹੈ ਕਿ ਇਸ ਕੋਸ਼ਿਸ਼ ਵਿੱਚ ਬੱਚੀ ਨੂੰ ਕਦੇ ਵੀ ਕੋਈ ਗੰਭੀਰ ਨੁਕਸਾਨ ਨਹੀਂ ਹੋਇਆ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ, ਨਾਟੋ ਰੂਸ 'ਤੇ ਹਮਲਾ ਕਰਦੈ ਤਾਂ ਚੀਨ 'ਦਖ਼ਲ ਦੇਣ ਲਈ ਤਿਆਰ'

ਡਾਕਟਰਾਂ ਨੇ ਕਹੀ ਇਹ ਗੱਲ

ਦਰਅਸਲ ਬੱਚੀ ਦਾ ਇਹ ਵਿਵਹਾਰ ਹੋਣ ਦਾ ਕਾਰਨ ਇੱਕ ਖਾਸ ਕਿਸਮ ਦੀ ਬਿਮਾਰੀ ਹੈ। ਤੁਸੀਂ ਔਟਿਜ਼ਮ ਬਾਰੇ ਤਾਂ ਜਾਣਦੇ ਹੀ ਹੋਵੋਗੇ, ਪਰ ਇਸ ਨਾਲ ਜੁੜਿਆ ਇੱਕ ਦੁਰਲੱਭ ਖਾਣ-ਪੀਣ ਦਾ ਡਿਸਆਰਡਰ ਹੈ, ਜਿਸ ਨੂੰ 'ਪਿਕਾ ਕਿਹਾ ਜਾਂਦਾ ਹੈ। ਇਸ ਬੀਮਾਰੀ ਤੋਂ ਪੀੜਤ ਵਿਅਕਤੀ ਨੂੰ ਅਜਿਹੀਆਂ ਚੀਜ਼ਾਂ ਖਾਣ ਦੀ ਇੱਛਾ ਹੁੰਦੀ ਹੈ ਜੋ ਖਾਣ ਯੋਗ ਨਹੀਂ ਹੁੰਦੀਆਂ। ਇਹੀ ਕਾਰਨ ਹੈ ਕਿ ਬੱਚਾ ਕੁਝ ਵੀ ਖਾਣ ਲਈ ਤਿਆਰ ਰਹਿੰਦਾ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਹ ਇਸ ਬਾਰੇ ਜ਼ਿਆਦਾ ਕੁਝ ਨਹੀਂ ਕਰ ਸਕਦੇ, ਅਜਿਹੇ ਵਿਚ ਉਸ ਦੀ ਮਾਂ ਨੂੰ ਹਰ ਸਮੇਂ ਉਸ 'ਤੇ ਨਜ਼ਰ ਰੱਖਣੀ ਪੈਂਦੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।