ਕੈਨੇਡਾ 'ਚ ਡੈਸਕ ਜਾਬ ਕਰਨ 'ਤੇ ਮਜ਼ਬੂਰ ਹੋਏ ਸਿੱਖ ਪੁਲਸ ਕਰਮੀ, PM ਟਰੂਡੋ ਨੇ ਜਤਾਈ ਨਰਾਜ਼ਗੀ

ਟੋਰਾਂਟੋ - ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਮੈਡੀਕਲ ਗ੍ਰੇਡ ਰੈਸਪੀਰੇਟਰ ਮਾਸਕ ਪਾਉਣ ਦੀ ਨੀਤੀ ਲਈ ਦੇਸ਼ ਦੀ ਪ੍ਰਮੁੱਖ ਕਾਨੂੰਨ ਲਾਗੂ ਕਰਨ ਵਾਲੀ ਏਜੰਸੀ ਦੀ ਨਿੰਦਾ ਕੀਤੀ ਹੈ। ਇਹ ਸਿੱਖ ਪੁਲਸ ਕਰਮੀਆਂ ਖਿਲਾਫ ਭੇਦਭਾਵ ਕਰਦਾ ਦਿਖਾਈ ਦਿੰਦਾ ਹੈ, ਜਿਨ੍ਹਾਂ ਨੂੰ ਕੋਰੋਨਾਵਾਇਰਸ ਸੰਕਟ ਦੀ ਮਿਆਦ ਦੌਰਾਨ ਮੋਰਚੇ ਤੋਂ ਹਟਾ ਦਿੱਤਾ ਗਿਆ ਹੈ। ਰਾਇਲ ਕੈਨੇਡੀਅਨ ਮਾਉਂਟੇਡ ਪੁਲਸ ਜਾਂ ਆਰ. ਸੀ. ਐੱਮ. ਪੀ. ਨੇ ਇਕ ਅਜਿਹੀ ਨੀਤੀ ਬਣਾਈ ਜੋ ਫਰੰਟਲਾਈਨ ਅਧਿਕਾਰੀਆਂ ਨੂੰ 'ਫੀਟਿੰਗ ਮਾਸਕ' ਪਾਉਣ ਲਈ ਮਜ਼ਬੂਰ ਕਰਦੀ ਹੈ। ਜਿਸ ਦੇ ਨਤੀਜੇ ਵੱਜੋਂ ਜ਼ਾਹਿਰ ਤੌਰ 'ਤੇ ਕਈ ਸਿੱਖਾਂ ਨੂੰ ਡੈਸਕ ਜਾਬ ਸੌਂਪੀ ਗਈ ਹੈ ਕਿਉਂਕਿ ਉਨਾਂ ਦੀ ਦਾੜੀ ਅਜਿਹੇ ਮਖੌਟੇ ਨੂੰ ਪਾਉਣ ਤੋਂ ਰੋਕਦੀ ਹੈ।

ਮੀਡੀਆ ਨਾਲ ਗੱਲਬਾਤ ਦੌਰਾਨ ਨੀਤੀ ਖਿਲਾਫ ਆਉਂਦੇ ਹੋਏ ਟਰੂਡੋ ਨੇ ਆਖਿਆ ਕਿ ਇਹ ਅਜਿਹੀ ਚੀਜ਼ ਹੈ ਜਿਸ ਤੋਂ ਮੈਨੂੰ ਉਮੀਦ ਹੈ ਕਿ ਆਰ. ਸੀ. ਐੱਮ. ਪੀ. ਜਲਦੀ ਠੀਕ ਕਰੇਗਾ। ਉਨ੍ਹਾਂ ਨੇ ਆਖਿਆ ਕਿ ਉਹ ਇਸ ਮਾਮਲੇ 'ਤੇ ਬਹੁਤ ਨਿਰਾਸ਼ ਹਨ ਕਿਉਂਕਿ ਕਈ ਹੋਰ ਪੁਲਸ ਬਲਾਂ ਅਤੇ ਹੋਰ ਸੰਗਠਨਾਂ ਨੇ ਧਰਮ ਦੇ ਕਾਰਨ ਕੁਝ ਵਿਅਕਤੀਆਂ ਖਿਲਾਫ ਭੇਦਭਾਵ ਪੈਦਾ ਕਰਨ ਵਾਲੇ ਸਿਹਤਮੰਦ ਅਤੇ ਸੁਰੱਖਿਆ ਮਾਨਕਾਂ ਨੂੰ ਬਣਾਏ ਰੱਖਣ ਦੇ ਤਰੀਕਿਆਂ ਨੂੰ ਅਪਣਾਇਆ ਹੈ।

ਵਿਸ਼ਵ ਸਿੱਖ ਸੰਗਠਨ ਨੇ ਚੁੱਕਿਆ ਮੁੱਦਾ
ਇਸ ਮੁੱਦੇ ਨੂੰ ਵਿਸ਼ਵ ਸਿੱਖ ਸੰਗਠਨ (ਡਬਲਯੂ. ਐੱਸ. ਓ.) ਨੇ ਚੁੱਕਿਆ, ਜਿਸ ਵਿਚ ਆਖਿਆ ਗਿਆ ਸੀ ਕਿ ਇਸ ਨੀਤੀ ਕਾਰਣ 31 ਮਾਰਚ ਤੋਂ ਬਾਅਦ ਕਰੀਬ 30 ਸਿੱਖ ਅਧਿਕਾਰੀਆਂ ਨੂੰ ਫਿਰ ਤੋਂ ਨਿਯੁਕਤ ਕੀਤਾ ਗਿਆ ਸੀ। ਇਹ ਕਿਹਾ ਹੈ ਕਿ ਅਪ੍ਰੈਲ ਵਿਚ ਕੁਝ ਅਧਿਕਾਰੀਆਂ ਵੱਲੋਂ ਸੰਪਰਕ ਕੀਤਾ ਗਿਆ ਸੀ ਅਤੇ ਉਨਾਂ ਆਖਿਆ ਕਿ ਉਹ ਫਿਰ ਤੋਂ ਆ ਸਕਦੇ ਹਨ।