UAE ਦੀ ਰਾਹ 'ਤੇ ਸਾਊਦੀ ਅਰਬ, ਔਰਤਾਂ ਨੂੰ ਮਿਲਿਆ ਇਹ 'ਅਧਿਕਾਰ'

ਰਿਆਦ (ਬਿਊਰੋ): ਸੰਯੁਕਤ ਅਰਬ ਅਮੀਰਾਤ ਦੇ ਰਾਹ 'ਤੇ ਚੱਲਦਿਆਂ ਸਾਊਦੀ ਅਰਬ ਨੇ ਵੀ ਔਰਤਾਂ ਨੂੰ ਅਧਿਕਾਰ ਦੇਣੇ ਸ਼ੁਰੂ ਕਰ ਦਿੱਤੇ ਹਨ। ਸਾਊਦੀ ਔਰਤਾਂ ਨੇ ਪਹਿਲੀ ਵਾਰ ਆਪਣੇ ਊਠਾਂ ਨਾਲ ਸੁੰਦਰਤਾ ਮੁਕਾਬਲੇ ''Ships of the desert' ਵਿੱਚ ਹਿੱਸਾ ਲਿਆ। ਇਹ ਮੁਕਾਬਲਾ ਦੇਸ਼ ਵਿੱਚ ਆਯੋਜਿਤ ਹੋਣ ਵਾਲੇ ਵੱਕਾਰੀ ਕਿੰਗ ਅਬਦੁਲ ਅਜ਼ੀਜ਼ ਫੈਸਟੀਵਲ ਦਾ ਇੱਕ ਹਿੱਸਾ ਹੈ। ਇਸ ਮੁਕਾਬਲੇ ਵਿੱਚ ਹੁਣ ਤੱਕ ਸਿਰਫ਼ ਮਰਦ ਹੀ ਹਿੱਸਾ ਲੈਂਦੇ ਸਨ। ਔਰਤਾਂ ਆਪਣੇ ਊਠਾਂ ਨਾਲ ਮੁਕਾਬਲੇ ਵਿੱਚ ਹਿੱਸਾ ਲੈ ਕੇ ਬਹੁਤ ਖੁਸ਼ ਹਨ।

27 ਸਾਲਾ ਲਾਮੀਆ ਅਲ-ਰਸ਼ੀਦੀ ਨੇ ਕਿਹਾ ਕਿ ਅੱਜ ਮੈਂ ਕੁਝ ਸਮਾਜਿਕ ਮਾਣ ਮਹਿਸੂਸ ਕੀਤਾ। ਇਹ ਮੁਕਾਬਲਾ ਦੇਸ਼ ਦੇ ਰੁਮਾਹ ਮਾਰੂਥਲ ਵਿੱਚ ਹਫ਼ਤੇ ਦੇ ਅੰਤ ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਰਸ਼ੀਦੀ ਨੇ ਕਿਹਾ ਕਿ ਮੈਂ ਬਚਪਨ ਤੋਂ ਹੀ ਊਠਾਂ ਵਿਚ ਬਹੁਤ ਦਿਲਚਸਪੀ ਰੱਖਦੀ ਹਾਂ। ਮੇਰੇ ਪਰਿਵਾਰ ਵਿੱਚ 40 ਊਠ ਹਨ। ਇੱਕ ਵਾਰ ਜਦੋਂ ਪ੍ਰੋਗਰਾਮ ਔਰਤਾਂ ਲਈ ਖੁੱਲ੍ਹਾ ਸੀ ਤਾਂ ਮੈਂ ਇਸ ਵਿੱਚ ਹਿੱਸਾ ਲੈਣ ਦਾ ਫ਼ੈਸਲਾ ਕੀਤਾ। ਉਸ ਨੇ ਆਪਣਾ ਮੂੰਹ ਢੱਕਿਆ ਹੋਇਆ ਸੀ ਅਤੇ ਉਸਦੇ ਮੋਢਿਆਂ 'ਤੇ ਸ਼ਾਲ ਸੀ।

2017 ਤੋਂ ਬਾਅਦ ਔਰਤਾਂ ਨੂੰ ਮਿਲੇ ਕਈ ਅਧਿਕਾਰ
ਇਸ ਮੁਕਾਬਲੇ ਵਿਚ 40 ਲੋਕਾਂ ਨੇ ਭਾਗ ਲਿਆ ਅਤੇ ਚੋਟੀ ਦੇ 5 ਪ੍ਰਤੀਯੋਗੀਆਂ ਨੂੰ ਕੁੱਲ 2,60,000 ਡਾਲਰ ਦਾ ਇਨਾਮ ਦਿੱਤਾ ਜਾਵੇਗਾ। ਇੱਕ ਊਠ ਦੀ ਸੁੰਦਰਤਾ ਕਈ ਕਾਰਕਾਂ ਦੁਆਰਾ ਨਿਰਧਾਰਤ ਕੀਤੀ ਜਾਂਦੀ ਹੈ ਪਰ ਬੁੱਲ੍ਹਾਂ, ਗਰਦਨ ਅਤੇ ਕੂਬੜ ਦੀ ਸ਼ਕਲ ਨਿਰਣਾਇਕ ਕਾਰਕ ਹਨ। ਪਰੇਡ ਦੌਰਾਨ ਔਰਤਾਂ ਲਾਲ ਰੇਤ 'ਤੇ ਆਪਣੇ ਘੋੜਿਆਂ 'ਤੇ ਸਵਾਰ ਸਨ। ਇਸ ਦੌਰਾਨ ਪੁਰਸ਼ ਪ੍ਰਤੀਯੋਗੀ ਵੀ ਮੌਜੂਦ ਸਨ। 

ਪੜ੍ਹੋ ਇਹ ਅਹਿਮ ਖ਼ਬਰ- ਭਾਰਤ, ਅਮਰੀਕਾ 2022 'ਚ ਵੀ ਕਈ ਪਹਿਲਕਦਮੀਆਂ 'ਤੇ ਕਰਨਗੇ ਇਕੱਠੇ ਕੰਮ

ਤੇਲ ਨਾਲ ਭਰਪੂਰ ਸਾਊਦੀ ਅਰਬ ਸ਼ਰੀਆ ਕਾਨੂੰਨ ਦੁਆਰਾ ਨਿਯੰਤਰਿਤ ਹੈ ਪਰ 2017 ਵਿੱਚ ਕ੍ਰਾਊਨ ਪ੍ਰਿੰਸ ਮੁਹੰਮਦ ਸਲਮਾਨ ਦੇ ਆਉਣ ਤੋਂ ਬਾਅਦ ਔਰਤਾਂ 'ਤੇ ਕਈ ਪਾਬੰਦੀਆਂ ਹਟਾ ਦਿੱਤੀਆਂ ਗਈਆਂ ਹਨ। ਔਰਤਾਂ ਨੂੰ ਹੁਣ ਗੱਡੀ ਚਲਾਉਣ ਦਾ ਅਧਿਕਾਰ ਦਿੱਤਾ ਗਿਆ ਹੈ। ਤਿਉਹਾਰ ਦੇ ਪ੍ਰਬੰਧਕ ਮੁਹੰਮਦ ਅਲ ਹਾਰਬੀ ਨੇ ਕਿਹਾ ਕਿ ਔਰਤਾਂ ਹਮੇਸ਼ਾ ਸਾਡੇ ਸਮਾਜ ਦਾ ਅਨਿੱਖੜਵਾਂ ਅੰਗ ਰਹੀਆਂ ਹਨ। ਔਰਤਾਂ ਊਠ ਰੱਖ ਕੇ ਉਨ੍ਹਾਂ ਦੀ ਦੇਖ-ਭਾਲ ਕਰਦੀਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਾਡੇ ਇਤਿਹਾਸਕ ਵਿਰਸੇ ਨੂੰ ਮੁੱਖ ਰੱਖਦਿਆਂ ਔਰਤਾਂ ਨੂੰ ਭਾਗ ਲੈਣ ਦਾ ਮੌਕਾ ਦਿੱਤਾ ਗਿਆ ਹੈ। ਇਸ ਮੁਕਾਬਲੇ ਵਿੱਚ ਹਿੱਸਾ ਲੈਣ ਵਾਲੀ ਮਲਾਥ ਬਿੰਤ ਇਨਾਦ ਸਿਰਫ਼ 7 ਸਾਲ ਦੀ ਹੈ ਅਤੇ ਸਭ ਤੋਂ ਛੋਟੀ ਪ੍ਰਤੀਯੋਗੀ ਹੈ। ਉਸ ਦੇ ਊਠ ਨੂੰ ਤੀਜਾ ਇਨਾਮ ਮਿਲਿਆ ਹੈ।