ਅਮਰੀਕੀ ਬੁੱਲ ਡੌਗ 'ਤੇ ਪਾਬੰਦੀ ਲਾਉਣ ਜਾ ਰਿਹੈ ਯੂ.ਕੇ., PM ਰਿਸ਼ੀ ਸੁਨਕ ਨੇ ਕੀਤਾ ਐਲਾਨ

ਲੰਡਨ, (ਸਰਬਜੀਤ ਸਿੰਘ ਬਨੂੜ)- ਬੀਤੇ ਦਿਨੀਂ ਕੁੱਤੇ ਦੇ ਹਮਲੇ ਕਾਰਨ ਵਿਅਕਤੀ ਦੀ ਮੌਤ ਤੋਂ ਬਾਅਦ ਯੂ.ਕੇ. ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਅਮਰੀਕੀ ਬੂਲੀ XL ਨਸਲ ਦੇ ਕੁੱਤੇ 'ਤੇ ਬਰਤਾਨੀਆ ਵਿਚ ਰੱਖਣ ਤੇ ਮੁਕਮੰਲ ਪਾਬੰਦੀ ਲਾਉਣ ਦਾ ਐਲਾਨ ਕੀਤਾ ਹੈ। 

ਰਿਸ਼ੀ ਸੁਨਕ ਨੇ ਕਿਹਾ ਕਿ ਕੁੱਤਾ ਸਾਡੇ ਭਾਈਚਾਰਿਆਂ, ਖਾਸ ਤੌਰ 'ਤੇ ਸਾਡੇ ਬੱਚਿਆਂ ਲਈ ਖ਼ਤਰਾ ਹੈ ਅਤੇ ਸਾਲ ਦੇ ਅੰਤ ਤੱਕ ਇਸ 'ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਵੀਰਵਾਰ ਨੂੰ ਵਾਲਸਾਲ ਵਿਚ ਦੋ ਕੁੱਤਿਆਂ ਦੁਆਰਾ ਹਮਲਾ ਕਰਨ ਵਾਲੇ ਇਕ ਵਿਅਕਤੀ ਦੀ ਸ਼ੁੱਕਰਵਾਰ ਸਵੇਰੇ ਮੌਤ ਤੋਂ ਬਾਅਦ ਇਹ ਐਲਾਨ ਕੀਤਾ ਗਿਆ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਹ ਹਾਲ ਹੀ ਦੇ ਹਮਲਿਆਂ ਦੇ ਪਿੱਛੇ  XL ਨਸਲ ਨੂੰ ਕਾਨੂੰਨੀ ਤੌਰ 'ਤੇ ਲਾਗੂ ਕਰਨ ਲਈ ਪੁਲਿਸ ਅਤੇ ਮਾਹਰਾਂ ਤੋਂ ਇੰਗਲੈਂਡ ਵਿਚ ਖਤਰਨਾਕ ਕੁੱਤਿਆਂ ਦੇ ਕਾਨੂੰਨ ਦੇ ਤਹਿਤ ਪਾਬੰਦੀ ਲਗਾਈ ਜਾ ਸਕੇ ਬਾਰੇ ਆਦੇਸ਼ ਦਿੱਤੇ ਗਏ ਹਨ।

It’s clear the American XL Bully dog is a danger to our communities.

I’ve ordered urgent work to define and ban this breed so we can end these violent attacks and keep people safe. pic.twitter.com/Qlxwme2UPQ

— Rishi Sunak (@RishiSunak) September 15, 2023

ਪ੍ਰਧਾਨ ਮੰਤਰੀ ਸੁਨਕ ਵੱਲੋਂ ਕੀਤੇ ਗਏ ਇਸ ਐਲਾਨ ਦਾ 10 ਸਾਲਾ ਜੈਕ ਲਿਸ ਦੀ ਮਾਂ ਦੁਆਰਾ ਸਵਾਗਤ ਕੀਤਾ ਗਿਆ, ਜਿਸ ਨੂੰ 2021 ਵਿਚ ਇਕ ਅਮਰੀਕੀ ਧੱਕੜ XL ਨਸਲ ਦੇ ਕੁੱਤੇ ਦੁਆਰਾ ਮਾਰਿਆ ਗਿਆ ਸੀ। ਇਕ ਸਰਕਾਰੀ ਸਰੋਤ ਨੇ ਮੀਡੀਆ ਨੂੰ ਦੱਸਿਆ ਕਿ ਵਿਭਾਗ ਕੁੱਤੇ ਦੀ ਕਿਸਮ ਨੂੰ ਗੈਰ-ਕਾਨੂੰਨੀ ਬਣਾਉਣ ਦੀਆਂ ਯੋਜਨਾਵਾਂ 'ਤੇ ਕੰਮ ਕਰ ਰਿਹਾ ਹੈ, ਵਾਤਾਵਰਣ ਸਕੱਤਰ ਥੇਰੇਸ ਕੌਫੀ ਨਸਲ ਤੇ ਪਾਬੰਧੀ ਲਾਉਣ ਲਈ ਮਾਹਰਾਂ ਨਾਲ ਗੱਲਬਾਤ ਕਰ ਰਹੇ ਹਨ। 

ਯੂ.ਕੇ. ਵਿਚ ਪਿਛਲੇ 15 ਸਾਲਾਂ ਵਿਚ ਕੁੱਤੇ ਦੇ ਵੱਢਣ ਨਾਲ ਜ਼ਖ਼ਮੀ ਹੋਏ ਮਰੀਜ਼ਾਂ ਦਾ ਹਸਪਤਾਲ ਵਿਚ ਦਾਖਲਾ ਹੌਲੀ-ਹੌਲੀ ਵਧਿਆ ਹੈ। ਇਕ ਰਿਪੋਰਟ ਮੁਤਾਬਕ 2022 ਵਿਚ ਇੰਗਲੈਂਡ 'ਚ ਕੁੱਤੇ ਦੇ ਵੱਢਣ ਨਾਲ ਹਸਪਤਾਲ ਵਿਚ 8,819 ਲੋਕ ਦਾਖਲ ਹੋਏ, ਜਦੋਂ ਕਿ 2007 ਵਿਚ ਇਹ ਗਿਣਤੀ ਸਿਰਫ਼ 4,699 ਸੀ।

2022 ਵਿਚ ਇੰਗਲੈਂਡ ਅਤੇ ਵੇਲਜ਼ ਵਿਚ 10 ਲੋਕਾਂ ਦੀ ਕੁੱਤੇ ਦੇ ਵੱਢਣ ਕਾਰਨ ਮੌਤ ਹੋ ਗਈ ਸੀ। ਯੂ.ਕੇ. ਵਿਚ ਕੁੱਤਿਆਂ ਦੀਆਂ ਚਾਰ ਨਸਲਾਂ 'ਤੇ ਪਾਬੰਦੀ ਹੈ ਪਿਟ ਬੁੱਲ ਟੈਰੀਅਰਜ਼, ਜਾਪਾਨੀ ਟੋਸਾਸ, ਡੋਗੋ ਅਰਜਨਟੀਨੋਸ ਅਤੇ ਫਿਲਾ ਬ੍ਰਾਸੀਲੀਰੋਸ। ਕੁੱਤੇ ਜੋ ਪਾਬੰਦੀਸ਼ੁਦਾ ਨਸਲਾਂ - ਜਿਵੇਂ ਕਿ ਕਰਾਸ ਨਸਲਾਂ ਨਾਲ ਸਰੀਰਕ ਵਿਸ਼ੇਸ਼ਤਾਵਾਂ ਨੂੰ ਸਾਂਝਾ ਕਰਦੇ ਹਨ 'ਤੇ ਵੀ ਪਾਬੰਦੀ ਲਗਾਈ ਗਈ ਹੈ। ਪਾਬੰਦੀਸ਼ੁਦਾ ਕੁੱਤੇ ਦੇ ਮਾਲਕ ਹੋਣ ਦੇ ਨਤੀਜੇ ਵਜੋਂ ਜੁਰਮਾਨਾ ਅਤੇ ਛੇ ਮਹੀਨਿਆਂ ਤਕ ਦੀ ਕੈਦ ਹੋ ਸਕਦੀ ਹੈ। 2022 ਵਿਚ ਖ਼ਤਰਨਾਕ ਤੌਰ 'ਤੇ ਕੰਟਰੋਲ ਤੋਂ ਬਾਹਰ ਕੁੱਤਿਆਂ ਦੇ ਮਾਲਕਾਂ ਨੂੰ 482 ਸਜ਼ਾਵਾਂ ਦਿੱਤੀਆਂ ਗਈਆਂ ਸਨ।