ਯੂਰਪ 'ਚ ਵਿਕੇਗਾ ਭਾਰਤੀ ਅੰਬ, ਪੀਯੂਸ਼ ਗੋਇਲ ਨੇ ਬੈਲਜੀਅਮ 'ਚ ਕੀਤਾ 'ਮੈਂਗੋ ਫੈਸਟੀਵਲ' ਦਾ ਉਦਘਾਟਨ

ਨਵੀਂ ਦਿੱਲੀ - ਭਾਰਤ ਤੋਂ ਅੰਬ ਮੱਧ ਪੂਰਬ ਅਤੇ ਅਰਬ ਦੇਸ਼ਾਂ ਨੂੰ ਵੱਡੇ ਪੱਧਰ 'ਤੇ ਨਿਰਯਾਤ ਕੀਤਾ ਜਾਂਦਾ ਹੈ। ਪਰ ਹੁਣ ਭਾਰਤ ਦੇ ਰਸਦਾਰ ਅੰਬਾਂ ਨੂੰ ਵੱਡੇ ਪੱਧਰ 'ਤੇ ਯੂਰਪੀ ਬਾਜ਼ਾਰਾਂ 'ਚ ਪਹੁੰਚਾਉਣ ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ ਚੱਲ ਰਹੀਆਂ ਹਨ। ਇਸੇ ਲੜੀ ਤਹਿਤ ਬੈਲਜੀਅਮ ਦੀ ਰਾਜਧਾਨੀ ਬਰਸਲਜ਼ 'ਚ 'ਮੈਂਗੋ ਫੈਸਟੀਵਲ' ਦਾ ਆਯੋਜਨ ਕੀਤਾ ਗਿਆ, ਜਿਸ ਦਾ ਉਦਘਾਟਨ ਸ਼ੁੱਕਰਵਾਰ ਨੂੰ ਕੇਂਦਰੀ ਵਣਜ ਮੰਤਰੀ ਪਿਊਸ਼ ਗੋਇਲ ਨੇ ਕੀਤਾ। ਬੈਲਜੀਅਮ ਵਿੱਚ ਅੰਬ ਲਾਤੀਨੀ ਅਮਰੀਕੀ ਦੇਸ਼ਾਂ ਤੋਂ ਆਉਂਦੇ ਹਨ।

ਇਹ ਵੀ ਪੜ੍ਹੋ : 150 ਦੇਸ਼ਾਂ ਵਿਚ ਆਪਣੇ ਉਤਪਾਦ ਵੇਚਣ ਵਾਲੀ Revlon ਹੋਈ ਕਰਜ਼ਦਾਰ,  ਖ਼ਰੀਦ ਸਕਦੇ ਹਨ ਮੁਕੇਸ਼ ਅੰਬਾਨੀ

ਇਸ ਮੌਕੇ ਪੀਯੂਸ਼ ਗੋਇਲ ਨੇ ਯੂਰਪੀਅਨ ਯੂਨੀਅਨ ਅਤੇ ਭਾਰਤ ਦਰਮਿਆਨ ਮੁਕਤ ਵਪਾਰ ਸੰਵਾਦ (ਐਫਟੀਏ) ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਇਸ ਦੀ ਸ਼ੁਰੂਆਤ 'ਮੈਂਗੋ ਮੇਨੀਆ' ਨਾਲ ਹੋਈ ਹੈ। ਹਾਲਾਂਕਿ, FTA ਨੂੰ 2013 ਵਿੱਚ ਰੋਕ ਦਿੱਤਾ ਗਿਆ ਸੀ, ਅਸੀਂ ਹੁਣ ਇਹ ਪਹਿਲ ਦੁਬਾਰਾ ਕੀਤੀ ਹੈ। ਗੱਲਬਾਤ ਰਸਮੀ ਤੌਰ 'ਤੇ ਮੁੜ ਸ਼ੁਰੂ ਹੋਵੇਗੀ। ਬੈਲਜੀਅਮ, ਲਕਸਮਬਰਗ ਅਤੇ ਯੂਰਪੀਅਨ ਯੂਨੀਅਨ ਵਿੱਚ ਭਾਰਤੀ ਅੰਬੈਸਡਰ ਸੰਤੋਸ਼ ਝਾਅ ਦਾ ਕਹਿਣਾ ਹੈ ਕਿ ਇੱਥੋਂ ਦੇ ਬਾਜ਼ਾਰ ਵਿੱਚ ਭਾਰਤੀ ਅੰਬਾਂ ਦੀ ਕਾਫੀ ਸੰਭਾਵਨਾ ਹੈ।

ਝਾਅ ਨੇ ਕਿਹਾ ਕਿ ਬੈਲਜੀਅਮ ਵਿੱਚ ਪਹਿਲਾ ਮੈਂਗੋ ਫੈਸਟੀਵਲ ਕਰਵਾਉਣ ਦਾ ਮਕਸਦ ਲੋਕਾਂ ਨੂੰ ਇਸ ਦਾ ਸਵਾਦ ਚਖਾਉਣਾ ਹੈ। ਬੈਲਜੀਅਮ ਨੂੰ ਯੂਰਪ ਦੀ ਰਾਜਧਾਨੀ ਮੰਨਿਆ ਜਾਂਦਾ ਹੈ। ਇੱਥੇ ਸਾਰੀਆਂ ਈਯੂ ਸੰਸਥਾਵਾਂ ਦੇ ਦਫ਼ਤਰ ਹਨ। ਇਹ ਇੱਕ ਸੁਹਾਵਣਾ ਇਤਫ਼ਾਕ ਹੈ ਕਿ ਇਸ ਦੇ ਲਾਂਚ ਮੌਕੇ ਕੇਂਦਰੀ ਵਣਜ ਮੰਤਰੀ ਪੀਯੂਸ਼ ਗੋਇਲ ਮੌਜੂਦ ਸਨ। ਮੈਨੂੰ ਖਾਸ ਤੌਰ 'ਤੇ ਖੁਸ਼ੀ ਹੈ ਕਿ ਮੈਂਗੋ ਫੈਸਟੀਵਲ ਵਿੱਚ ਪ੍ਰਦਰਸ਼ਿਤ ਕੀਤੇ ਗਏ ਜ਼ਿਆਦਾਤਰ ਅੰਬ ਮੇਰੇ ਗ੍ਰਹਿ ਰਾਜ ਬਿਹਾਰ ਦੇ ਹਨ। ਮੈਂ ਵੀ ਕਈ ਸਾਲਾਂ ਬਾਅਦ ਉਨ੍ਹਾਂ ਨੂੰ ਸੁਆਦ ਚਖਿਆ ਹੈ।

ਇਹ ਵੀ ਪੜ੍ਹੋ : Dogecoin ਨਿਵੇਸ਼ਕ ਨੇ Elon Musk 'ਤੇ ਠੋਕਿਆ 20 ਲੱਖ ਕਰੋੜ ਦਾ ਮੁਕੱਦਮਾ, ਲਗਾਏ ਇਹ ਦੋਸ਼

ਭਾਰਤੀ ਦੂਤਾਵਾਸ ਵਿੱਚ ਖੇਤੀ ਅਤੇ ਸਮੁੰਦਰੀ ਉਤਪਾਦਾਂ ਦੀ ਸਲਾਹਕਾਰ ਡਾ: ਸਮਿਤਾ ਸਿਰੋਹੀ ਨੇ ਦੱਸਿਆ ਕਿ ਯੂਰਪ, ਬਰਤਾਨੀਆ ਅਤੇ ਜਰਮਨੀ ਵਿੱਚ ਭਾਰਤੀ ਬਾਜ਼ਾਰ ਹਨ। ਬੈਲਜੀਅਮ ਵਿੱਚ ਮੈਂਗੋ ਫੈਸਟੀਵਲ ਆਯੋਜਿਤ ਕਰਨ ਦਾ ਵਿਚਾਰ ਭਾਰਤੀ ਅੰਬਾਂ ਨੂੰ ਯੂਰਪੀਅਨ ਬਾਜ਼ਾਰਾਂ ਵਿੱਚ ਪ੍ਰਦਰਸ਼ਿਤ ਕਰਨਾ ਹੈ। ਬੈਲਜੀਅਮ ਵਿੱਚ ਜ਼ਿਆਦਾਤਰ ਅੰਬ ਲਾਤੀਨੀ ਅਮਰੀਕੀ ਦੇਸ਼ਾਂ ਤੋਂ ਆ ਰਹੇ ਹਨ। ਅੰਬਾਂ ਦੀਆਂ ਸੱਤ ਕਿਸਮਾਂ ਪ੍ਰਦਰਸ਼ਿਤ ਬਰੱਸਲਜ਼ ਵਿੱਚ ਆਯੋਜਿਤ ਅੰਬਾਂ ਦੀ ਪ੍ਰਦਰਸ਼ਨੀ ਵਿੱਚ ਭਾਰਤੀ ਅੰਬਾਂ ਦੀਆਂ ਸੱਤ ਕਿਸਮਾਂ ਪ੍ਰਦਰਸ਼ਿਤ ਕੀਤੀਆਂ ਗਈਆਂ ਹਨ। ਆਂਧਰਾ ਪ੍ਰਦੇਸ਼ ਦੇ ਬੰਗਨਪੱਲੀ, ਉੱਤਰ ਪ੍ਰਦੇਸ਼ ਵਿੱਚ ਮਲੀਹਾਬਾਦ ਦੁਸਹਿਰੀ, ਓਡੀਸ਼ਾ ਵਿੱਚ ਆਮਰਪਾਲੀ ਤੋਂ ਇਲਾਵਾ ਲਕਸ਼ਮਨ ਭੋਗ ,ਹਿਮਸਾਗਰ, ਜਰਦਾਲੂ ਅੰਬ, ਲੰਗੜਾ ਅੰਬ ਅਤੇ 12 ਜੀਆਈ-ਟੈਗ ਉਤਪਾਦ ਪੇਸ਼ ਕੀਤੇ ਗਏ ਹਨ।

ਇਹ ਵੀ ਪੜ੍ਹੋ : ਕੇਂਦਰ ਸਰਕਾਰ ਦਾ ਵੱਡਾ ਫ਼ੈਸਲਾ, 300 ਦਵਾਈਆਂ 'ਤੇ QR ਕੋਡ  ਹੋਵੇਗਾ ਲਾਜ਼ਮੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।