UK ਦੇ ਹਸਪਤਾਲ ''ਚ ਮਰੀਜ਼ ਨੇ ਭਾਰਤੀ ਮੂਲ ਦੀ ਨਰਸ ''ਤੇ ਕੈਂਚੀ ਨਾਲ ਕੀਤਾ ਹਮਲਾ, ਹਾਲਤ ਗੰਭੀਰ

ਇੰਟਰਨੈਸ਼ਨਲ ਡੈਸਕ- ਭਾਰਤੀ ਮੂਲ ਦੀ ਨਰਸ ਅਚੰਮਾ ਚੈਰੀਅਨ 'ਤੇ ਇੰਗਲੈਂਡ ਦੇ ਮਾਨਚੈਸਟਰ ਦੇ ਇੱਕ ਹਸਪਤਾਲ ਵਿੱਚ ਕੈਂਚੀ ਨਾਲ ਹਮਲਾ ਕੀਤਾ ਗਿਆ। 57 ਸਾਲਾ ਨਰਸ 'ਤੇ 30 ਸਾਲ ਦੇ ਇੱਕ ਮਰੀਜ਼ ਨੇ ਹਮਲਾ ਕੀਤਾ ਜਦੋਂ ਉਹ ਗ੍ਰੇਟਰ ਮਾਨਚੈਸਟਰ ਦੇ ਓਲਡਹੈਮ ਰਾਇਲ ਹਸਪਤਾਲ ਦੇ ਐਕਿਊਟ ਮੈਡੀਕਲ ਯੂਨਿਟ ਵਿੱਚ ਡਿਊਟੀ 'ਤੇ ਸੀ। ਅਚੰਮਾ ਚੈਰੀਅਨ ਦੀ ਹਾਲਤ ਗੰਭੀਰ ਹੈ ਜਦੋਂ ਕਿ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।

ਇਹ ਵੀ ਪੜ੍ਹੋ: ਵਿਆਹ ਤੋਂ 3 ਮਿੰਟ ਬਾਅਦ ਹੀ ਤਲਾਕ, ਲਾੜੀ ਦੇ ਇਸ ਫੈਸਲੇ ਦੀ ਦੁਨੀਆ ਕਰ ਰਹੀ ਪ੍ਰਸ਼ੰਸਾ

ਦਿ ਸਨ ਦੀ ਰਿਪੋਰਟ ਅਨੁਸਾਰ ਅਚੰਮਾ ਚੈਰੀਅਨ ਲਗਭਗ 10 ਸਾਲਾਂ ਤੋਂ ਹਸਪਤਾਲ ਵਿੱਚ ਕੰਮ ਕਰ ਰਹੀ ਹੈ। ਉਹ ਹਸਪਤਾਲ ਦੇ ਨੇੜੇ ਹੀ ਰਹਿੰਦੀ ਹੈ ਅਤੇ ਗੁਆਂਢੀਆਂ ਨੇ ਆਊਟਲੇਟ ਨੂੰ ਦੱਸਿਆ ਕਿ ਨਰਸ ਨਿਯਮਿਤ ਤੌਰ 'ਤੇ ਰਾਤ ਦੀਆਂ ਸ਼ਿਫਟਾਂ ਵਿੱਚ ਕੰਮ ਕਰਦੀ ਸੀ। ਦੋਸ਼ੀ ਦੀ ਪਛਾਣ ਮੁਹੰਮਦ ਰੋਮਨ ਹੱਕ ਵਜੋਂ ਹੋਈ ਹੈ, ਜਿਸ ਨੂੰ ਮੈਨਚੈਸਟਰ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਉਸ 'ਤੇ ਕਤਲ ਦੀ ਕੋਸ਼ਿਸ਼ ਅਤੇ ਬਲੇਡ ਵਾਲੀ ਚੀਜ਼ ਰੱਖਣ ਦਾ ਦੋਸ਼ ਲਗਾਇਆ ਗਿਆ। ਰਿਪੋਰਟ ਅਨੁਸਾਰ ਦੋਸ਼ੀ ਨੇ ਅਚੰਮਾ ਚੈਰੀਅਨ 'ਤੇ ਇਸ ਲਈ ਹਮਲਾ ਕੀਤਾ ਕਿਉਂਕਿ ਉਹ ਡਾਕਟਰੀ ਜਾਂਚ ਦੀ ਉਡੀਕ ਕਰਨ 'ਤੇ "ਗੁੱਸੇ" ਵਿੱਚ ਸੀ। ਹੁਣ ਦੋਸ਼ੀ ਨੂੰ 18 ਫਰਵਰੀ ਨੂੰ ਮਿਨਸ਼ੁਲ ਸਟ੍ਰੀਟ ਕਰਾਊਨ ਕੋਰਟ ਵਿੱਚ ਪੇਸ਼ ਕੀਤਾ ਜਾਵੇਗਾ। ਫਿਲਹਾਲ, ਉਸਨੂੰ ਹਿਰਾਸਤ ਵਿੱਚ ਭੇਜ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ: ਭਾਰਤੀਆਂ ਲਈ ਇਸ ਦੇਸ਼ 'ਚ ਜਾਣਾ ਹੋਵੇਗਾ ਆਸਾਨ, ਵੀਜ਼ਾ ਸੇਵਾਵਾਂ ਨੂੰ ਲੈ ਕੇ ਬਣਾਈ ਗਈ ਇਹ ਯੋਜਨਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8