ਵੱਡੀ ਖ਼ਬਰ : ਯਾਤਰੀ ਰੇਲਗੱਡੀ ਪਟੜੀ ਤੋਂ ਉਤਰੀ, ਕਈ ਜ਼ਖਮੀ

ਬੈਂਕਾਕ (ਏ.ਐੱਨ.ਆਈ.)- ਇਕ ਯਾਤਰੀ ਰੇਲਗੱਡੀ ਦੇ ਤੜਕਸਾਰ ਪਟੜੀ ਤੋਂ ਉਤਰਨ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਥਾਈਲੈਂਡ ਵਿੱਚ ਵਾਪਰੇ ਇਸ ਰੇਲ ਹਾਦਸੇ ਵਿੱਚ ਕਈ ਲੋਕਾਂ ਦੇ ਜ਼ਖਮੀ ਹੋਣ ਦੀ ਸੂਚਨਾ ਹੈ। ਬੈਂਕਾਕ ਪੋਸਟ ਦੀ ਰਿਪੋਰਟ ਅਨੁਸਾਰ ਸ਼ਨੀਵਾਰ ਸਵੇਰੇ ਥਾਈਲੈਂਡ ਦੇ ਕੁਈ ਬੁਰੀ ਜ਼ਿਲ੍ਹੇ ਵਿੱਚ ਇੱਕ ਐਕਸਪ੍ਰੈਸ ਰੇਲਗੱਡੀ ਪਟੜੀ ਤੋਂ ਉਤਰ ਗਈ। ਤੜਕਸਾਰ  ਵਾਪਰੇ ਇਸ ਹਾਦਸੇ ਵਿੱਚ ਨੌਂ ਯਾਤਰੀ ਜ਼ਖਮੀ ਹੋ ਗਏ। 

12 ਡੱਬਿਆਂ ਵਾਲੀ ਰੇਲਗੱਡੀ ਨੰਬਰ 38/46 ਨਾਰਾਥੀਵਾਤ ਪ੍ਰਾਂਤ ਦੇ ਸੁ-ਨਗਾਈ ਕੋਲੋਕ ਜ਼ਿਲ੍ਹੇ ਤੋਂ ਬੈਂਕਾਕ ਦੇ ਕ੍ਰੰਗਥੇਪ ਅਪੀਵਾਤ (ਬੈਂਗ ਸੂ) ਸਟੇਸ਼ਨ ਜਾ ਰਹੀ ਸੀ। ਰੇਲਗੱਡੀ ਦੇ ਪਿਛਲੇ ਹਿੱਸੇ ਨਾਲ ਜੁੜੇ ਤਿੰਨ ਡੱਬੇ ਨੰਬਰ 10, 11 ਅਤੇ 12, ਪਟੜੀ ਤੋਂ ਉਤਰ ਗਏ ਪਰ ਪਲਟ ਨਹੀਂ ਸਕੇ। ਜ਼ਖਮੀਆਂ ਵਿੱਚ ਇੱਕ ਬੋਧੀ ਭਿਕਸ਼ੂ, ਇੱਕ ਛੋਟੀ ਕੁੜੀ ਅਤੇ ਸੱਤ ਔਰਤਾਂ ਸ਼ਾਮਲ ਹਨ। ਸਾਰੇ ਪੀੜਤਾਂ ਨੂੰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। 

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ 'ਚ ਬੱਚਿਆਂ ਲਈ ਬਦਲੇ Green card ਦੇ ਨਿਯਮ

ਬਾਕੀ ਨੌਂ ਡੱਬਿਆਂ ਵਿੱਚ ਸਵਾਰ ਯਾਤਰੀਆਂ ਨੂੰ ਸਟੇਟ ਰੇਲਵੇ ਆਫ਼ ਥਾਈਲੈਂਡ (SRT) ਦੁਆਰਾ ਪ੍ਰਬੰਧ ਕੀਤੇ ਗਏ ਵਿਕਲਪਿਕ ਆਵਾਜਾਈ ਦੁਆਰਾ ਆਪਣੀ ਯਾਤਰਾ ਜਾਰੀ ਰੱਖਣ ਵਿੱਚ ਸਹਾਇਤਾ ਕੀਤੀ ਗਈ। ਬੈਂਕਾਕ ਪੋਸਟ ਦੇ ਹਵਾਲੇ ਨਾਲ SRT ਅਨੁਸਾਰ ਪਟੜੀ ਤੋਂ ਉਤਰੀ ਰੇਲਗੱਡੀ ਨੂੰ ਠੀਕ ਕਰਨ ਲਈ ਭਾਰੀ ਮਸ਼ੀਨਰੀ ਤਾਇਨਾਤ ਕੀਤੀ ਗਈ ਹੈ ਅਤੇ ਦੱਖਣੀ ਰੇਲ ਸੇਵਾਵਾਂ ਉਦੋਂ ਤੋਂ ਮੁੜ ਸ਼ੁਰੂ ਹੋ ਗਈਆਂ ਹਨ।  ਰੇਲਵੇ ਅਧਿਕਾਰੀ ਪਟੜੀ ਤੋਂ ਉਤਰਨ ਦੇ ਕਾਰਨ ਦੀ ਜਾਂਚ ਕਰ ਰਹੇ ਹਨ। 

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।