ਪਾਕਿ ਪੱਤਰਕਾਰ ਦਾ ਦੋਸ਼: ਇਮਰਾਨ ਖਾਨ ਦੀ ''ਐਸ਼ ਪ੍ਰਸਤੀ'' ਲਈ ਗ਼ਰੀਬਾਂ ਤੋਂ ਪੈਸੇ ਲੈ ਰਹੀ ਹੈ PTI
Monday, Apr 18, 2022 - 03:06 PM (IST)
ਇਸਲਾਮਾਬਾਦ - ਪਾਕਿਸਤਾਨ ਦੇ ਇਕ ਮਸ਼ਹੂਰ ਪੱਤਰਕਾਰ ਨੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਪੀ.ਟੀ.ਆਈ. ਪਾਰਟੀ 'ਤੇ ਦੇਸ਼ ਦੇ ਗਰੀਬ ਲੋਕਾਂ ਤੋਂ ਪੈਸੇ ਲੈਣ ਦਾ ਦੋਸ਼ ਲਗਾਇਆ ਹੈ ਤਾਂਕਿ ਇਮਰਾਨ ਉੱਚ ਅਹੁਦੇ ਤੋਂ ਹਟਾਏ ਜਾਣ ਤੋਂ ਬਾਅਦ ਵੀ ਸ਼ਾਨਦਾਰ ਜੀਵਨ ਜੀਅ ਸਕੇ। ਇਹ ਦੋਸ਼ ਇਮਰਾਨ ਖ਼ਾਨ ਦੀ ਵਿਦੇਸ਼ੀ ਪਾਕਿਸਤਾਨੀ ਤੋਂ ਸ਼ਾਹਬਾਜ਼ ਸ਼ਰੀਫ਼ ਦੀ 'ਵਿਦੇਸ਼ੀ ਹਮਾਇਤ ਵਾਲੀ' ਸਰਕਾਰ ਨੂੰ ਹੇਠਾਂ ਸੁੱਟਣ ਲਈ ਆਪਣੀ ਪਾਰਟੀ ਨੂੰ ਪੈਸਾ ਦਾਨ ਕਰਨ ਦੀ ਅਪੀਲ ਤੋਂ ਬਾਅਦ ਲੱਗਾ ਹੈ।
ਦ ਪਾਕਿਸਤਾਨ ਡੇਲੀ ਆਉਟਲੈਟ ਦੇ ਸੰਸਥਾਪਕ ਅਤੇ ਸੰਪਾਦਕ ਹਮਜ਼ਾ ਅਜ਼ਹਰ ਸਲਾਮ ਨੇ ਟਵਿੱਟਰ 'ਤੇ ਲਿਖਿਆ, "ਪੀ.ਟੀ.ਆਈ. ਐੱਮ.ਐੱਨ.ਏ. @ਸ਼ਫਕਤ_ਮਹਮੂਦ ਪਾਕਿਸਤਾਨ ਦੇ ਗਰੀਬ ਲੋਕਾਂ ਤੋਂ ਪੈਸੇ ਇਕੱਠੇ ਕਰਦੇ ਹਨ ਤਾਂ ਜੋ ਉਨ੍ਹਾਂ ਦੇ ਨੇਤਾ @ImranKhanPTI ਸੱਤਾ ਗੁਆਉਣ ਤੋਂ ਬਾਅਦ ਵੀ ਆਲੀਸ਼ਾਨ ਪ੍ਰਾਈਵੇਟ ਜੈੱਟ ਵਿੱਚ ਉਡਾਣ ਜਾਰੀ ਰੱਖ ਸਕਣ। ਇਹ ਸੱਚ ਹੈ... ਕ੍ਰਾਂਤੀਕਾਰੀ ਸਿਰਫ਼ ਨਿੱਜੀ ਉਡਾਣ ਭਰਦੇ ਹਨ।"
ਇਸ ਸਿਲਸਿਲੇ 'ਚ ਉਨ੍ਹਾਂ ਨੇ ਪੀ.ਟੀ.ਆਈ. ਮੰਤਰੀ ਸ਼ਫਕਤ ਮਹਿਮੂਦ ਦੀ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਆਪਣੇ ਦੋਸਤ ਦੇ ਘਰ ਮੁਲਾਜ਼ਮਾਂ ਤੋਂ ਪੈਸੇ ਲੈਂਦੇ ਨਜ਼ਰ ਆ ਰਹੇ ਹਨ। ਫੋਟੋ ਸਾਂਝਾ ਕਰਦੇ ਹੋਏ ਪੀ.ਟੀ.ਆਈ. ਐੱਮ.ਐੱਨ.ਏ. ਨੇ ਟਵੀਟ ਕੀਤਾ, ‘‘ਬੀਤੇ ਦਿਨ ਇੱਕ ਦੋਸਤ ਦੇ ਘਰ ਗਿਆ ਸੀ। ਮੈਨੂੰ ਹੈਰਾਨੀ ਅਤੇ ਖੁਸ਼ੀ ਹੋਈ, ਜਦੋਂ ਉਨ੍ਹਾਂ ਦੇ ਕਰਮਚਾਰੀ ਆਏ ਅਤੇ ਪੀ.ਟੀ.ਆਈ. ਨੂੰ ਲਾਹੌਰ ਜਲਸੇ ਲਈ 500 ਅਤੇ 100 ਰੁਪਏ ਦਾ ਯੋਗਦਾਨ ਦਿੱਤਾ। ਮੈਂ ਉਨ੍ਹਾਂ ਦਾ ਇਕ ਰਸੀਦ ਨਾਲ ਧੰਨਵਾਦ ਕੀਤਾ। ਇਹ ਲੋਕਾਂ ਵਿੱਚ ਇਮਰਾਨ ਖਾਨ ਅਤੇ ਪੀ.ਟੀ.ਆਈ. ਦੇ ਸਵੈ-ਪ੍ਰਸਤ ਸਮਰਥਨ ਦਾ ਪ੍ਰਤੀਬਿੰਬ ਹੈ।"
ਖਾਨ ਨੇ ਵਿਦੇਸ਼ੀ ਪਾਕਿਸਤਾਨੀਆਂ ਨੂੰ ਉਸ ਪਾਰਟੀ ਨੂੰ ਚੰਦਾ ਦੇਣ ਲਈ ਕਿਹਾ, ਜੋ ਅਮਰੀਕਾ 'ਤੇ ਪਾਕਿਸਤਾਨ ਦੀ ਸਰਕਾਰ ਦਾ ਤਖਤਾ ਪਲਟਣ ਦਾ ਦੋਸ਼ ਲਗਾ ਰਹੀ ਹੈ। ਇਸ ਤੋਂ ਪਹਿਲਾਂ, ਇੱਕ ਟਵਿੱਟਰ ਵੀਡੀਓ ਵਿੱਚ, ਉਨ੍ਹਾਂ ਨੇ ਵਿਦੇਸ਼ੀ ਪਾਕਿਸਤਾਨੀਆਂ ਨੂੰ ਵੈਬਸਾਈਟ namanzoor.com ਬਾਰੇ ਜਾਣਕਾਰੀ ਦਿੱਤੀ, ਜੋ ਸ਼ਾਹਬਾਜ਼ ਸ਼ਰੀਫ ਦੀ ਸਰਕਾਰ ਨੂੰ ਡਿੱਗਾਉਣ ਅਤੇ ਨਵੀਆਂ ਚੋਣਾਂ ਕਰਵਾਉਣ ਲਈ ਉਨ੍ਹਾਂ ਤੋਂ ਚੰਦਾ ਇਕੱਠਾ ਕਰ ਰਹੀ ਹੈ। ਉਨ੍ਹਾਂ ਨੇ ਮੁਹਿੰਮ ਨੂੰ "ਹੱਕੀ-ਆਜ਼ਾਦੀ" ਦਾ ਨਾਂ ਦਿੱਤਾ ਅਤੇ ਕਿਹਾ ਕਿ ਪਾਕਿਸਤਾਨ ਦੀ 22 ਕਰੋੜ ਆਬਾਦੀ 'ਤੇ "ਭ੍ਰਿਸ਼ਟ ਸਰਕਾਰ" ਮਜ਼ਬੂਰ ਕੀਤੀ ਗਈ ਸੀ।
