ਪਾਕਿਸਤਾਨ 'ਚ ਜਨਤਾ ਬੇਹਾਲ, ਖਾਣ-ਪੀਣ ਦੀਆਂ ਵਸਤਾਂ ਦੀਆਂ ਕੀਮਤਾਂ 'ਚ 100 ਫ਼ੀਸਦੀ ਵਾਧਾ

ਇਸਲਾਮਾਬਾਦ (ਏ.ਐਨ.ਆਈ.): ਆਰਥਿਕ ਮੰਦੀ ਨਾਲ ਜੂਝ ਰਹੇ ਪਾਕਿਸਤਾਨ ਵਿਚ ਆਮ ਜਨਤਾ ਲਈ ਗੁਜ਼ਾਰਾ ਕਰਨਾ ਮੁਸ਼ਕਲ ਹੁੰਦਾ ਜਾ ਰਿਹਾ ਹੈ। ਪਾਕਿਸਤਾਨ ਬਿਊਰੋ ਆਫ਼ ਸਟੈਟਿਸਟਿਕਸ ਅਨੁਸਾਰ ਪਾਕਿਸਤਾਨ ਵਿਚ ਖਾਣ-ਪੀਣ ਦੀਆਂ ਵਸਤੂਆਂ ਦੀਆਂ ਕੀਮਤਾਂ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ 100 ਫ਼ੀਸਦੀ ਦਾ ਵਾਧਾ ਹੋਇਆ ਹੈ। ਡੇਲੀ ਦੁਨੀਆ ਨੇ ਇਹ ਜਾਣਕਾਰੀ ਦਿੱਤੀ। ਡੇਲੀ ਦੁਨੀਆ ਪਾਕਿਸਤਾਨ ਦਾ ਇੱਕ ਉਰਦੂ ਰੋਜ਼ਾਨਾ ਅਖਬਾਰ ਹੈ।

ਕੀਮਤਾਂ 'ਚ 100 ਫ਼ੀਸਦੀ ਵਾਧਾ

1922 ਵਿੱਚ 20 ਕਿਲੋ ਆਟੇ ਦਾ ਇੱਕ ਥੈਲਾ 1400 ਰੁਪਏ ਦਾ ਸੀ, ਜੋ ਹੁਣ 2300 ਰੁਪਏ ਤੋਂ ਵੱਧ ਗਿਆ ਹੈ, ਜਦੋਂ ਕਿ ਇੱਕ ਸਾਲ ਵਿੱਚ ਰੋਟੀ ਦੀ ਕੀਮਤ 10 ਰੁਪਏ ਤੋਂ ਵਧ ਕੇ 20 ਰੁਪਏ ਹੋ ਗਈ ਹੈ। ਬ੍ਰਾਂਡਿਡ ਰਸੋਈ ਦਾ ਤੇਲ 300 ਰੁਪਏ ਪ੍ਰਤੀ ਲੀਟਰ ਸੀ ਅਤੇ ਹੁਣ ਲਗਭਗ 600 ਰੁਪਏ ਪ੍ਰਤੀ ਲੀਟਰ ਵਿੱਚ ਉਪਲਬਧ ਹੈ। ਖੰਡ 90 ਤੋਂ 125 ਰੁਪਏ ਪ੍ਰਤੀ ਕਿਲੋ ਤੱਕ ਪਹੁੰਚ ਗਈ ਹੈ। ਸਬਜ਼ੀਆਂ ਅਤੇ ਫਲਾਂ ਦੀਆਂ ਕੀਮਤਾਂ ਵੀ ਇਸੇ ਅਨੁਪਾਤ ਵਿੱਚ ਵਧੀਆਂ ਹਨ। ਡੇਲੀ ਦੁਨੀਆ ਮੁਤਾਬਕ ਸਰਕਾਰੀ ਪੱਧਰ 'ਤੇ ਵੀ ਮਹਿੰਗਾਈ ਨੂੰ ਕਾਬੂ ਕਰਨ ਲਈ ਕੋਈ ਤਸੱਲੀਬਖਸ਼ ਕਦਮ ਨਹੀਂ ਚੁੱਕੇ ਜਾ ਰਹੇ ਹਨ। ਸਰਕਾਰੀ ਨਿਗਰਾਨੀ ਮੁਨਾਫਾਖੋਰਾਂ ਨੂੰ ਵਧੇਰੇ ਛੋਟ ਦੇ ਰਹੀ ਹੈ।

ਉੱਚ ਪੱਧਰ 'ਤੇ ਪਹੁੰਚੀ ਮਹਿੰਗਾਈ

ਇੱਕ ਪਾਸੇ ਜਿੱਥੇ ਮਹਿੰਗਾਈ ਵਧ ਰਹੀ ਹੈ, ਉੱਥੇ ਬੇਰੁਜ਼ਗਾਰੀ ਵੀ ਵਧ ਰਹੀ ਹੈ ਅਤੇ ਆਮ ਆਦਮੀ ਦੀ ਖਰੀਦ ਸ਼ਕਤੀ ਲਗਾਤਾਰ ਘਟ ਰਹੀ ਹੈ। ਇਨ੍ਹਾਂ ਕਾਰਕਾਂ ਨੇ ਮਿਲ ਕੇ ਲੋਕਾਂ ਦੀ ਕਮਰ ਤੋੜ ਦਿੱਤੀ ਹੈ। ਡੇਲੀ ਦੁਨੀਆ ਅਨੁਸਾਰ ਲੋਕ ਸਥਾਨਕ ਅਨਾਜ ਨੂੰ ਉੱਚੇ ਭਾਅ 'ਤੇ ਖਰੀਦਣ ਲਈ ਵੀ ਮਜਬੂਰ ਹਨ। ਪਾਕਿਸਤਾਨ ਦੇ ਸਥਾਨਕ ਮੀਡੀਆ ਨੇ ਰਿਪੋਰਟ ਦਿੱਤੀ ਕਿ ਦੇਸ਼ ਦੀ ਸਰਕਾਰ ਨੂੰ ਸਥਿਤੀ ਨੂੰ ਸੁਧਾਰਨਾ ਚਾਹੀਦਾ ਹੈ, ਰੁਜ਼ਗਾਰ ਦੇ ਭਰਪੂਰ ਮੌਕੇ ਪ੍ਰਦਾਨ ਕਰਨੇ ਚਾਹੀਦੇ ਹਨ ਅਤੇ ਲਗਾਤਾਰ ਵਧਦੀ ਮਹਿੰਗਾਈ ਨੂੰ ਕਾਬੂ ਕਰਨ ਲਈ ਗੰਭੀਰ ਕਦਮ ਚੁੱਕ ਕੇ ਮੁਨਾਫਾਖੋਰਾਂ 'ਤੇ ਸ਼ਿਕੰਜਾ ਕੱਸਣਾ ਚਾਹੀਦਾ ਹੈ। ਦਿ ਨਿਊਜ਼ ਇੰਟਰਨੈਸ਼ਨਲ ਅਨੁਸਾਰ ਮਈ ਵਿੱਚ ਮਹਿੰਗਾਈ ਦਰ ਪਾਕਿਸਤਾਨ ਵਿੱਚ 38 ਪ੍ਰਤੀਸ਼ਤ ਦੇ ਨਵੇਂ ਸਰਵਕਾਲੀ ਉੱਚ ਪੱਧਰ 'ਤੇ ਪਹੁੰਚ ਗਈ, ਜਿਸ ਨਾਲ ਇਹ ਇਸ ਖੇਤਰ ਵਿੱਚ ਸਭ ਤੋਂ ਉੱਚੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-ਅਮਰੀਕਾ: ਬੀਚ ਪਾਰਕ 'ਚ ਡਿੱਗਿਆ ਵਾਕਵੇਅ, ਕਰੀਬ ਦੋ ਦਰਜਨ ਸਕੂਲੀ ਬੱਚੇ ਜ਼ਖ਼ਮੀ (ਤਸਵੀਰਾਂ)

ਜ਼ਿਕਰਯੋਗ ਹੈ ਕਿ ਇਹ ਰਿਕਾਰਡ 1957 ਵਿੱਚ ਤੁਲਨਾਤਮਕ ਰਿਕਾਰਡਾਂ ਦੀ ਸ਼ੁਰੂਆਤ ਤੋਂ ਬਾਅਦ ਦੇਸ਼ ਵਿੱਚ ਬੇਮਿਸਾਲ ਹੈ। ਮਹਿੰਗਾਈ ਵਿੱਚ ਵਾਧਾ, ਜੋ ਕਿ ਪਿਛਲੇ ਮਹੀਨੇ ਦੀ 36.4 ਪ੍ਰਤੀਸ਼ਤ ਦੀ ਦਰ ਤੋਂ ਵਧਿਆ ਹੈ, ਨੂੰ ਮੁੱਖ ਤੌਰ 'ਤੇ ਭੋਜਨ ਦੀਆਂ ਕੀਮਤਾਂ ਵਿੱਚ ਬੇਮਿਸਾਲ ਵਾਧੇ ਦਾ ਕਾਰਨ ਮੰਨਿਆ ਜਾ ਸਕਦਾ ਹੈ।ਪਿਛਲੇ ਸਾਲ ਮਈ 'ਚ ਮਹਿੰਗਾਈ ਦਰ 13.76 ਫੀਸਦੀ ਸੀ। ਅਧਿਕਾਰਤ ਮਾਸਿਕ ਮਹਿੰਗਾਈ ਬੁਲੇਟਿਨ ਵਿੱਚ ਕਿਹਾ ਗਿਆ ਕਿ ਪਿਛਲੇ ਮਹੀਨੇ ਦੇ ਮੁਕਾਬਲੇ ਖਪਤਕਾਰ ਮੁੱਲ ਸੂਚਕ ਅੰਕ (ਸੀਪੀਆਈ) ਵਿੱਚ 1.6 ਫੀਸਦੀ ਵਾਧਾ ਹੋਇਆ ਹੈ। 

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।