ਵੱਡੀ ਮੁਸ਼ਕਿਲ ਹੈ ਕਿ ਸ਼ਾਂਤੀ ਪੁਰਸਕਾਰ ਜੇਤੂ ਚੁੱਪ ਹਨ : ਨੋਬੇਲ ਸੰਸਥਾਨ

ਕੋਪੇਨਹੇਗਨ - ਨਾਰਵੇ ਨੋਬੇਲ ਸੰਸਥਾਨ ਦੇ ਡਾਇਰੈਕਟਰ ਨੇ ਆਖਿਆ ਹੈ ਕਿ ਵੱਡੀ ਮੁਸ਼ਕਿਲ ਹੈ ਕਿ 2019 ਦੇ ਨੋਬੇਲ ਸ਼ਾਂਤੀ ਪੁਰਸਕਾਰ ਜੇਤੂ ਇਥੋਪੀਆ ਦੇ ਪ੍ਰਧਾਨ ਮੰਤਰੀ ਅਬੀ ਅਹਿਮਦ ਉਂਝ ਕਿਸੇ ਪ੍ਰੋਗਰਾਮ 'ਚ ਹਿੱਸਾ ਨਹੀਂ ਲੈ ਰਹੇ ਹਨ, ਜਿਥੇ ਉਨ੍ਹਾਂ ਤੋਂ ਜਨਤਕ ਰੂਪ ਤੋਂ ਸਵਾਲ ਪੁੱਛਿਆ ਜਾ ਸਕੇ। ਨੋਬੇਲ ਸੰਸਥਾਨ ਦੇ ਨਿਦੇਸ਼ਕ ਓਲਾਵ ਜੋਲਸਟਾਡ ਨੇ ਆਖਿਆ ਕਿ ਵਕੀਲਾਂ ਦੀ ਇੱਛਾ ਸੀ ਕਿ ਅਬੀ ਅਹਿਮਦ ਨਾਰਵੇ ਅਤੇ ਅੰਤਰਰਾਸ਼ਟਰੀ ਪ੍ਰੈਸ ਨਾਲ ਮੁਲਾਕਾਤ 'ਤੇ ਰਾਜ਼ੀ ਹੋਵੇ।

ਉਨ੍ਹਾਂ ਨੇ ਨਾਰਵੇ ਦੇ ਪ੍ਰਸਾਰਕ ਨਿਕਾਅ ਐੱਨ. ਆਰ. ਕੇ. ਤੋਂ ਬੁੱਧਵਾਰ ਨੂੰ ਆਖਿਆ ਕਿ ਜ਼ਿਆਦਾਤਰ ਨੋਬੇਲ ਸ਼ਾਂਤੀ ਪੁਰਸਕਾਰ ਜੇਤੂਆਂ ਨੂੰ ਪਾਰੰਪਰਿਕ ਨੋਬੇਲ ਪ੍ਰੋਗਰਾਮਾਂ 'ਚ ਸ਼ਾਮਲ ਹੋਣ ਲਈ 3-4 ਦਿਨ ਕੱਢਣ 'ਚ ਦਿੱਕਤ ਨਹੀਂ ਰਹੀ ਹੈ। ਅਬੀ ਨੇ ਪਿਛਲੇ ਸਾਲ ਅਹੁਦਾ ਸੰਭਾਲਣ ਤੋਂ ਬਾਅਦ ਘੱਟ ਹੀ ਇੰਟਰਵਿਊ ਦਿੱਤੇ ਹਨ। ਉਮੀਦ ਹੈ ਕਿ ਮੰਗਲਵਾਰ ਨੂੰ ਜਦ ਉਹ 9,45,000 ਅਮਰੀਕੀ ਡਾਲਰ ਦਾ ਪੁਰਸਕਾਰ ਹਾਸਲ ਕਰਨਗੇ ਤਾਂ ਉਦੋਂ ਭਾਸ਼ਣ ਦੇਣਗੇ। ਉਨ੍ਹਾਂ ਨੂੰ ਗੁਆਂਢੀ ਦੇਸ਼ ਇਰੀਟ੍ਰਿਆ ਦੇ ਨਾਲ ਸ਼ਾਂਤੀ ਕਾਇਮ ਕਰਨ ਅਤੇ ਕਈ ਸਿਆਸੀ ਬਦਲਾਅ ਕਰਨ ਲਈ ਇਹ ਪੁਰਸਕਾਰ ਦਿੱਤਾ ਜਾ ਰਿਹਾ ਹੈ ਪਰ ਉਹ ਪਹਿਲਾਂ ਤੋਂ ਹੀ ਘਰੇਲੂ ਮੋਰਚੇ 'ਤੇ ਪਰੇਸ਼ਾਨੀ 'ਚ ਘਿਰ ਗਏ ਹਨ।