ਨੇਪਾਲੀ ਪਰਬਤਾਰੋਹੀ ਨੇ 190 ਦਿਨਾਂ 'ਚ ਫਤਹਿ ਕੀਤੀਆਂ 14 ਚੋਟੀਆਂ

ਕਾਠਮੰਡੂ (ਭਾਸ਼ਾ) : ਨੇਪਾਲ ਦੇ ਇਕ ਪਰਬਤਾਰੋਹੀ ਨੇ ਮੰਗਲਵਾਰ ਨੂੰ ਇਤਿਹਾਸ ਰੱਚ ਦਿੱਤਾ। 36 ਸਾਲ ਦੇ ਪਰਬਤਾਰੋਹੀ ਨੇ ਚੀਨ ਵਿਚ ਮਾਊਂਟ ਸ਼ੀਸ਼ਪੰਗਮਾ 'ਤੇ ਚੜ੍ਹਾਈ ਕਰਨ ਦੇ ਬਾਅਦ 190 ਦਿਨਾਂ ਵਿਚ ਦੁਨੀਆ ਦੀਆਂ 14 ਸਭ ਤੋਂ ਉੱਚੀਆਂ ਚੋਟੀਆਂ ਨੂੰ ਫਤਹਿ ਕਰਨ ਦਾ ਰਿਕਾਰਡ ਬਣਾਇਆ ਹੈ। 36 ਸਾਲ ਦੇ ਨਿਰਮਲ ਪੁਰਜਾ ਜਿਸ ਨੂੰ ਨਿੰਮ ਦੇ ਨਾਲ ਵੀ ਜਾਣਿਆ ਜਾਂਦਾ ਹੈ, ਨੇ ਮੰਗਲਵਾਰ ਨੂੰ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਇਕ ਪੋਸਟ ਵਿਚ ਦਾਅਵਾ ਕੀਤਾ ਕਿ ਉਸ ਨੇ 7 ਮਹੀਨਿਆਂ ਵਿਚ 8,000 ਮੀਟਰ (26,250 ਫੁੱਟ) ਤੋਂ ਵੱਧ 14 ਪਹਾੜਾਂ ਦੀ ਚੜ੍ਹਾਈ ਪੂਰੀ ਕੀਤੀ। ਨਿਰਮਲ ਨੇ ਦੱਖਣੀ ਕੋਰੀਆਈ ਪਰਬਤਾਰੋਹੀ ਕਿਮ ਚਾਂਗ-ਹੋ ਦੇ ਪਿਛਲੇ ਰਿਕਾਰਡ ਨੂੰ ਤੋੜ ਦਿੱਤਾ, ਜਿਨ੍ਹਾਂ ਨੇ 2003 ਵਿਚ 7 ਸਾਲ, 10 ਮਹੀਨੇ ਅਤੇ 6 ਦਿਨਾਂ ਵਿਚ ਸਾਰੀਆਂ ਚੋਟੀਆਂ ਨੂੰ 8,000 ਮੀਟਰ ਤੋਂ ਵੱਧ ਦੇ ਪੱਧਰ 'ਤੇ ਫਤਹਿ ਕੀਤਾ ਸੀ। 

ਨਿਰਮਲ ਦੀ ਚੜ੍ਹਾਈ ਦੀ ਨਿਗਰਾਨੀ ਕਰਨ ਵਾਲੀ ਏਜੰਸੀ ਸੱਤ ਸੰਮੇਲਨ ਟ੍ਰਰੈਕਜ਼ ਦੇ ਪ੍ਰਧਾਨ ਮਿੰਗਮਾ ਸ਼ੇਰਪਾ ਨੇ ਇਕ ਸਮਚਾਰ ਏਜੰਸੀ ਨੂੰ ਦੱਸਿਆ ਕਿ ਨੇਪਾਲੀ ਪਰਬਤਾਰੋਹੀ ਸਵੇਰੇ 8:58 'ਤੇ ਮਾਊਂਟ ਸ਼ੀਸ਼ਪੰਗਮਾ ਸਿਖਰ (8,027 ਮੀਟਰ) 'ਤੇ ਪਹੁੰਚੇ। ਉਨ੍ਹਾਂ ਨੇ ਦੱਸਿਆ ਕਿ ਨਿਰਮਲ ਨਾਲ ਤਿੰਨ ਹੋਰ ਪਰਬਤਾਰੋਹੀ ਹਨ, ਜੋ ਮਾਊਂਟ ਐਵਰੈਸਟ ਦੇ ਸਿਖਰ 'ਤੇ ਜਾਣ ਵਾਲੇ ਪਰਬਤਾਰੋਹੀਆਂ ਦੇ  ਟ੍ਰੈਫਿਕ ਜਾਮ ਦੀ 25 ਮਈ ਦੀ ਵਾਇਰਲ ਤਸਵੀਰ ਲਈ ਜਾਣੇ ਜਾਂਦੇ ਹਨ।

ਮਿੰਗਪਾ ਸ਼ੇਰਪਾ ਨੇ ਕਿਹਾ,''ਪੁਰਜਾ ਅਤੇ ਉਨ੍ਹਾਂ ਦੀ ਟੀਮ ਮਿਸ਼ਨ 'ਪ੍ਰਾਜੈਕਟ ਪੌਸੀਬਲ 14/7' ਲਈ 23 ਅਪ੍ਰੈਲ ਨੂੰ 8,000 ਦੇ ਸਾਰੇ 14 ਨੂੰ ਸਿਖਰ 'ਤੇ ਜਾਣ ਲਈ ਤਿਆਰ ਹੋਈ ਅਤੇ ਅੰਨਪੂਰਨਾ (8,091 ਮੀਟਰ) ਤੋਂ ਪਹਾੜਾਂ ਦੀ ਚੜ੍ਹਾਈ ਸ਼ੁਰੂ ਕੀਤੀ। ਉਨ੍ਹਾਂ ਨੇ ਅੱਜ 190 ਦਿਨਾਂ ਵਿਚ ਆਪਣਾ ਮਿਸ਼ਨ ਪੂਰਾ ਕੀਤਾ।'' ਪੋਲੈਂਡ ਦੇ ਪਰਬਤਾਰੋਹੀ ਜੇਰੇਜ਼ੀ ਕੁਕੁਜ਼ਕਾ ਨੇ 1987 ਵਿਚ 7 ਸਾਲ 11 ਮਹੀਨੇ ਅਤੇ 14 ਦਿਨਾਂ ਦੇ ਬਾਅਦ ਇਸ ਉਪਲਬਧੀ ਨੂੰ ਆਪਣੇ ਨਾਮ ਕੀਤਾ ਸੀ। ਇਸ ਤੋਂ ਇਕ ਸਾਲ ਪਹਿਲਾਂ ਇਟਲੀ ਦੇ ਰੇਨਹੋਲਡ ਮੇਸਨਰ 14 ਚੋਟੀਆਂ ਨੂੰ ਫਤਹਿ ਕਰਨ ਵਾਲੇ ਪਹਿਲੇ ਪਰਬਤਾਰੋਹੀ ਬਣੇ ਸਨ। ਭਾਵੇਂਕਿ ਕਿਮ ਚਾਂਗ ਆਪਣੇ ਨਾਲ ਆਕਸੀਜਨ ਦਾ ਸਿਲੰਡਰ ਲੈ ਕੇ ਨਹੀਂ ਗਏ ਸਨ। ਇੱਥੇ ਦੱਸ ਦਈਏ ਕਿ ਕੁਕੁਜ਼ਕਾ ਦੀ ਸਾਲ 1989 ਵਿਚ ਇਕ ਪਰਬਤ ਦੀ ਚੜ੍ਹਾਈ ਕਰਨ ਦੌਰਾਨ ਵਾਪਰੇ ਹਾਦਸੇ ਵਿਚ ਮੌਤ ਹੋ ਗਈ ਸੀ। 

ਗੋਰਖਾ (ਨੇਪਾਲੀਆਂ ਦੀ ਇਕ ਇਕਾਈ, ਜੋ ਬ੍ਰਿਟਿਸ਼ ਫੌਜ ਵਿਚ ਭਰਤੀ ਹੋਈ ਸੀ) ਦੇ ਇਕ ਸਾਬਕਾ ਮੈਂਬਰ 36 ਸਾਲਾ ਨਿਰਮਲ ਨੇ ਅਪ੍ਰੈਲ ਵਿਚ ਆਪਣੇ ਅਭਿਲਾਸ਼ੀ 'ਪ੍ਰਾਜੈਕਟ ਪੌਸੀਬਲ' ਨੂੰ ਸ਼ੁਰੂ ਕੀਤਾ ਸੀ। ਆਪਣੇ ਰਿਕਾਰਡ ਦੀ ਕੋਸ਼ਿਸ਼ ਦੇ ਪਹਿਲੇ ਹਿੱਸੇ ਵਿਚ ਨਿਰਮਲ ਨੇ ਅੰਨਪੂਰਨਾ, ਧੌਲਗਿਰੀ, ਕੰਚਨਜੰਗਾ, ਐਵਰੈਸਟ, ਲਹੋਤਸੇ ਅਤੇ ਮਕਾਲੂ 'ਤੇ ਚੜ੍ਹਾਈ ਕੀਤੀ। ਇਕ ਮਹੀਨੇ ਬਾਅਦ ਉਹ ਆਪਣੇ ਪ੍ਰਾਜੈਕਟ ਦੇ ਦੂਜੇ ਹਿੱਸੇ ਨੂੰ ਪੂਰਾ ਕਰਨ ਦੇ ਲਈ ਪਾਕਿਸਤਾਨ ਚਲੇ ਗਏ, ਜਿੱਥੇ ਉਨ੍ਹਾਂ ਨੇ 8,125 ਮੀਟਰ ਉੱਚੇ ਨਵੇਂ ਪਰਬਤ ਦੀ ਚੜ੍ਹਾਈ ਕੀਤੀ। ਨਿਰਮਲ ਨੇ ਸਤੰਬਰ ਵਿਚ ਆਪਣੀ ਆਖਰੀ ਕੋਸ਼ਿਸ਼ ਸ਼ੁਰੂ ਕਰਦਿਆਂ ਚੋ ਓਯੂ ਅਤੇ ਮਨਾਸਲੁ ਨੂੰ ਇਕ ਹਫਤੇ ਦੇ ਅੰਦਰ ਫਤਹਿ ਕੀਤਾ। 

ਨਿਰਮਲ ਨੇ ਇਕ ਇੰਟਰਵਿਊ ਵਿਚ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਪਹਿਲੀ ਵਾਰ ਆਪਣੀ ਯੋਜਨਾ ਦੇ ਬਾਰੇ ਵਿਚ ਦੂਜਿਆਂ ਨੂੰ ਦੱਸਿਆ ਤਾਂ ਹਰ ਕੋਈ ਮੇਰੇ 'ਤੇ ਹੱਸ ਰਿਹਾ ਸੀ ਅਤੇ ਕਹਿ ਰਿਹਾ ਸੀ ਕਿ ਇਹ ਕਿਵੇਂ ਸੰਭਵ ਹੋਵੇਗਾ? ਉਨ੍ਹਾਂ ਨੇ ਕਿਹਾ,''ਇਹ ਆਪਣੀ ਸਮਰੱਥਾ ਦੇ ਭਰੋਸਾ ਕਰਨ ਦੇ ਬਾਰੇ ਵਿਚ ਹੈ। ਤੁਹਾਨੂੰ ਹਮੇਸ਼ਾ ਸਕਰਾਤਮਕ ਮਾਨਸਿਕਤਾ ਰੱਖਣ ਦੀ ਲੋੜ ਹੈ।'' ਚੀਨੀ ਅਧਿਕਾਰੀਆਂ ਨੇ ਨਿਰਮਲ ਅਤੇ ਉਸ ਦੀ ਟੀਮ ਨੂੰ ਨੇਪਾਲੀ ਸਰਕਾਰ ਦੀ ਅਪੀਲ 'ਤੇ ਸ਼ੀਸਪੰਗਮਾ ਨੂੰ ਫਤਹਿ ਕਰਨ ਦੀ ਵਿਸ਼ੇਸ਼ ਇਜਾਜ਼ਤ ਦਿੱਤੀ ਸੀ।