ਨਰਗਿਸ ਫ਼ਾਖ਼ਰੀ ਦੀ ਭੈਣ ਹੋਈ Arrest, Ex-Boyfriend ਤੇ ਉਸ ਦੀ Girlfriend ਦੇ ਕਤਲ ਦਾ ਲੱਗਾ ਇਲਜ਼ਾਮ

ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਨਰਗਿਸ ਫਾਖ਼ਰੀ ਦੇ ਸਿਰ ਇਕ ਨਵੀਂ ਮੁਸੀਬਤ ਆ ਪਈ ਹੈ। ਹਾਲਾਂਕਿ ਇਹ ਮੁਸੀਬਤ ਉਸ ਦੇ ਫਿਲਮੀ ਕਰੀਅਰ ਤੋਂ ਵੱਖ ਹੈ, ਜਿੱਥੇ ਉਸ ਦੀ ਭੈਣ ਆਲਿਆ ਫਾਖ਼ਰੀ (43) ਨੂੰ ਕੁਈਨਜ਼ (ਨਿਊਯਾਰਕ) ਪੁਲਸ ਵੱਲੋਂ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। 

ਆਲਿਆ 'ਤੇ ਦੋ ਲੋਕਾਂ ਦੇ ਕਤਲ ਦਾ ਦੋਸ਼ ਹੈ, ਜਿਸ ਤਹਿਤ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ। ਇਨ੍ਹਾਂ ਮ੍ਰਿਤਕਾਂ 'ਚੋਂ ਇਕ ਉਸ ਦਾ ਸਾਬਕਾ ਬੁਆਏਫ੍ਰੈਂਡ ਸੀ, ਜਦਕਿ ਦੂਜੀ ਉਸ ਦੇ ਬੁਆਏਫ੍ਰੈਂਡ ਦੀ ਨਵੀਂ ਗਰਲਫ੍ਰੈਂਡ ਸੀ। 

ਜਾਣਕਾਰੀ ਮੁਤਾਬਕ ਉਸ ਨੇ ਆਪਣੇ ਸਾਬਕਾ ਬੁਆਏਫ੍ਰੈਂਡ ਐਡਵਰਡਜ਼ ਜੈਕਬ (35) ਦੇ ਗੈਰਾਜ ਨੂੰ ਅੱਗ ਲਗਾ ਦਿੱਤੀ ਸੀ, ਕਿਉਂਕਿ ਉਸ ਨੇ ਉਸ ਨਾਲੋਂ ਰਿਸ਼ਤਾ ਤੋੜ ਕੇ ਨਵੀਂ ਗਰਲਫ੍ਰੈਂਡ ਬਣਾ ਲਈ ਸੀ। 

ਇਹ ਵੀ ਪੜ੍ਹੋ- ਬੈਡਮਿੰਟਨ ਸਟਾਰ PV ਸਿੰਧੂ ਦੇ ਘਰ ਵੱਜਣਗੀਆਂ ਸ਼ਹਿਨਾਈਆਂ, ਖਿਡਾਰਨ ਦਾ 22 ਨੂੰ ਹੋਣ ਜਾ ਰਿਹੈ 'ਵਿਆਹ'

ਇਸੇ ਈਰਖ਼ਾ ਕਾਰਨ ਉਸ ਨੇ ਇਹ ਕਦਮ ਚੁੱਕਿਆ ਸੀ। ਅੱਗ ਲੱਗਣ ਸਮੇਂ ਐਡਵਰਡਜ਼ ਦੀ ਨਵੀਂ ਗਰਲਫ੍ਰੈਂਡ ਅਨਾਸਤਾਸੀਆ (33) ਵੀ ਉਸ ਦੇ ਨਾਲ ਮੌਜੂਦ ਸੀ ਤੇ ਉਹ ਦੋਵੇਂ ਗੈਰਾਜ ਅੰਦਰ ਫ਼ਸ ਗਏ। ਅੱਗ ਨਾਲ ਉਹ ਬੁਰੀ ਤਰ੍ਹਾਂ ਸੜ ਗਏ ਤੇ ਧੂੰਏਂ ਨਾਲ ਦਮ ਘੁਟਣ ਕਾਰਨ ਉਨ੍ਹਾਂ ਦੀ ਦਰਦਨਾਕ ਮੌਤ ਹੋ ਗਈ। 

ਇਸ ਮਾਮਲੇ ਦੇ ਸਾਹਮਣੇ ਆਉਣ ਤੋਂ ਬਾਅਦ ਹਾਲੇ ਨਰਗਿਸ ਫਾਖ਼ਰੀ ਦਾ ਤਾਂ ਕੋਈ ਬਿਆਨ ਸਾਹਮਣੇ ਨਹੀਂ ਆਇਆ ਹੈ, ਪਰ ਉਸ ਦੀ ਮਾਂ ਨੇ ਆਪਣੀ ਧੀ ਦੇ ਪੱਖ 'ਚ ਬਿਆਨ ਦਿੰਦੇ ਹੋਏ ਕਿਹਾ, ''ਮੈਨੂੰ ਨਹੀਂ ਲੱਗਦਾ ਕਿ ਆਲਿਆ ਅਜਿਹਾ ਕੁਝ ਕਰ ਸਕਦੀ ਹੈ। ਉਹ ਕਿਸੇ ਦਾ ਕਤਲ ਨਹੀਂ ਕਰ ਸਕਦੀ। ਉਹ ਕਰ ਕਿਸੇ ਦੀ ਮਦਦ ਕਰਦੀ ਹੈ ਤੇ ਸਭ ਦਾ ਖ਼ਿਆਲ ਰੱਖਦੀ ਹੈ। 

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e