ਮੋਸਾਦ ਨੇ ਸਾਈਪ੍ਰਸ 'ਚ ਅੱਤਵਾਦੀ ਹਮਲਾ ਕੀਤਾ ਨਾਕਾਮ, ਈਰਾਨੀ ਅੱਤਵਾਦੀ ਕਾਬੂ
Friday, Jun 30, 2023 - 09:39 AM (IST)
ਯੇਰੂਸ਼ਲਮ (ਏਜੰਸੀ) - ਇਜ਼ਰਾਈਲ ਦੀ ਮੋਸਾਦ ਜਾਸੂਸੀ ਏਜੰਸੀ ਨੇ ਵੀਰਵਾਰ ਨੂੰ ਘੋਸ਼ਣਾ ਕੀਤੀ ਕਿ ਈਰਾਨੀ ਖੇਤਰ ਵਿੱਚ ਇੱਕ ਵਿਸ਼ੇਸ਼ ਮੁਹਿੰਮ ਵਿੱਚ, ਉਸਨੇ ਸਾਈਪ੍ਰਸ ਵਿੱਚ ਇਜ਼ਰਾਈਲੀ ਠਿਕਾਣਿਆਂ ਦੇ ਵਿਰੁੱਧ ਯੋਜਨਾਬੱਧ ਅੱਤਵਾਦੀ ਹਮਲੇ ਦੀ ਅਗਵਾਈ ਕਰਨ ਲਈ ਭੇਜੇ ਗਏ ਈਰਾਨੀ ਅੱਤਵਾਦੀ ਨੂੰ ਫੜ ਲਿਆ ਹੈ। ਮੋਸਾਦ ਨੇ ਇਸ ਵਿਅਕਤੀ ਦਾ ਨਾਂ ਯੂਸਫ ਸ਼ਾਹਬਾਜ਼ੀ ਅੱਬਾਸਾਲੀਲੋ ਦੱਸਿਆ ਹੈ ਅਤੇ ਆਪਣੇ ਏਜੰਟਾਂ ਵੱਲੋਂ ਕੀਤੀ ਗਈ ਪੁੱਛਗਿੱਛ ਦੀ ਇੱਕ ਵੀਡੀਓ ਪ੍ਰਕਾਸ਼ਿਤ ਕੀਤੀ ਹੈ, ਜਿਸ ਵਿੱਚ ਉਸਨੇ ਸਾਜ਼ਿਸ਼ ਦੀ ਗੱਲ ਮੰਨੀ ਹੈ ਅਤੇ ਇਸ ਬਾਰੇ ਵੇਰਵੇ ਦਿੱਤੇ ਹਨ।
ਇਸ ਵਿਚ ਕਿਹਾ ਗਿਆ ਹੈ ਕਿ ਅਬਾਸਾਲੀਲੋ ਨੂੰ ਇਸਲਾਮਿਕ ਰੈਵੋਲਿਊਸ਼ਨਰੀ ਗਾਰਡ ਕਾਰਪਸ (IRGC) ਦੇ ਸੀਨੀਅਰ ਅਧਿਕਾਰੀਆਂ ਤੋਂ ਹਮਲੇ ਲਈ ਹਥਿਆਰ ਦਿੱਤੇ ਗਏ ਸਨ ਅਤੇ ਇਸ ਨੂੰ ਲਾਗੂ ਕਰਨ ਲਈ ਨਿਰਦੇਸ਼ ਦਿੱਤੇ ਗਏ ਸਨ। ਜਾਸੂਸੀ ਏਜੰਸੀ ਨੇ ਕਿਹਾ ਕਿ ਯੋਜਨਾ ਛੋਟੇ ਟਾਪੂ ਦੇਸ਼ ਵਿੱਚ ਇਜ਼ਰਾਈਲੀ ਕਾਰੋਬਾਰੀਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਸੀ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ।
