ਚੀਨ ਮੁੜ ਫੈਲਾ ਰਿਹਾ ਕੋਰੋਨਾ! ਇਟਲੀ ਪਹੁੰਚੀਆਂ ਫਲਾਈਟਾਂ 'ਚ 50 ਫ਼ੀਸਦੀ ਤੋਂ ਵਧੇਰੇ ਯਾਤਰੀ ਸੰਕਰਮਿਤ

ਰੋਮ (ਬਿਊਰੋ): ਇਟਲੀ ਦੁਨੀਆ ਦਾ ਉਹ ਦੇਸ਼ ਹੈ ਜਿੱਥੇ ਸਾਲ 2020 ਵਿੱਚ ਚੀਨ ਤੋਂ ਸ਼ੁਰੂ ਹੋਇਆ ਕੋਰੋਨਾ ਵਾਇਰਸ ਸਭ ਤੋਂ ਪਹਿਲਾਂ ਦਾਖਲ ਹੋਇਆ ਸੀ। ਹੁਣ ਜਦੋਂ ਚੀਨ ਵਿੱਚ ਕੋਵਿਡ ਦੇ ਮਾਮਲੇ ਇੱਕ ਵਾਰ ਫਿਰ ਵੱਧ ਰਹੇ ਹਨ ਤਾਂ ਇਸ ਦੇਸ਼ ਤੋਂ ਇੱਕ ਵਾਰ ਫਿਰ ਤੋਂ ਡਰਾਉਣੀ ਖ਼ਬਰ ਆ ਰਹੀ ਹੈ। ਚੀਨ ਤੋਂ ਇਟਲੀ ਪਹੁੰਚੀਆਂ ਦੋ ਉਡਾਣਾਂ ਵਿੱਚ ਅੱਧੇ ਤੋਂ ਵੱਧ ਯਾਤਰੀ ਕੋਵਿਡ ਪਾਜ਼ੇਟਿਵ ਆਏ ਹਨ। ਇਸ ਤੋਂ ਬਾਅਦ ਇਟਲੀ ਨੇ ਚੀਨ ਤੋਂ ਆਉਣ ਵਾਲੇ ਯਾਤਰੀਆਂ ਲਈ ਆਰਟੀਪੀਸੀਆਰ ਟੈਸਟ ਲਾਜ਼ਮੀ ਕਰ ਦਿੱਤਾ ਹੈ। ਚੀਨ ਵਿੱਚ ਕੋਵਿਡ-19 ਦੇ BF7 ਵੇਰੀਐਂਟ ਦੀ ਸੁਨਾਮੀ ਆਈ ਹੈ। ਹਸਪਤਾਲਾਂ ਵਿੱਚ ਮਰੀਜ਼ਾਂ ਦੀ ਭੀੜ ਹੈ ਅਤੇ ਸ਼ਮਸ਼ਾਨਘਾਟ ਦੇ ਬਾਹਰ ਲਾਸ਼ਾਂ ਦੇ ਢੇਰ ਲੱਗੇ ਹੋਏ ਹਨ। ਪਰ ਇਸ ਸਥਿਤੀ ਤੋਂ ਬਾਅਦ ਵੀ ਉਸ ਦਾ ਇਹ ਫ਼ੈਸਲਾ ਦੁਨੀਆ 'ਤੇ ਅਜਿਹੇ ਸਮੇਂ ਭਾਰੀ ਪੈ ਸਕਦਾ ਹੈ ਜਦੋਂ ਕਈ ਦੇਸ਼ਾਂ 'ਚ ਸਥਿਤੀ ਕੰਟਰੋਲ 'ਚ ਹੈ ਅਤੇ ਜਨਜੀਵਨ ਆਮ ਵਾਂਗ ਨਜ਼ਰ ਆ ਰਿਹਾ ਹੈ।

ਚੀਨ ਨੇ ਖੋਲ੍ਹੀਆਂ ਸਰਹੱਦਾਂ 

ਚੀਨ ਨੇ ਮਾਰਚ 2020 ਤੋਂ ਆਪਣੀਆਂ ਸਰਹੱਦਾਂ ਬੰਦ ਕਰ ਦਿੱਤੀਆਂ ਸਨ। ਹੁਣ ਚੀਨ ਨੇ ਸਰਹੱਦਾਂ ਖੋਲ੍ਹ ਦਿੱਤੀਆਂ ਹਨ। ਇਸ ਫ਼ੈਸਲੇ ਦੇ ਵਿਚਕਾਰ ਚੀਨ ਤੋਂ ਦੋ ਉਡਾਣਾਂ ਮਿਲਾਨ ਪਹੁੰਚੀਆਂ। ਇਨ੍ਹਾਂ ਵਿੱਚੋਂ ਅੱਧੇ ਤੋਂ ਵੱਧ ਇੱਕ ਉਡਾਣ ਵਿੱਚ ਸੰਕਰਮਿਤ ਪਾਏ ਗਏ। ਲੋਂਬਾਰਡੀ ਦੀ ਖੇਤਰੀ ਕੌਂਸਲ ਗੁਇਡੋ ਬਰਟੋਲਾਸੋ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਦੱਸਿਆ ਕਿ ਪਹਿਲੀ ਉਡਾਣ ਵਿੱਚ 92 ਵਿੱਚੋਂ 35 ਯਾਤਰੀ ਅਤੇ ਦੂਜੀ ਉਡਾਣ ਵਿੱਚ 120 ਵਿੱਚੋਂ 62 ਯਾਤਰੀ ਕੋਵਿਡ ਪਾਜ਼ੇਟਿਵ ਸਨ। ਇਸ ਖ਼ਬਰ ਦੇ ਵਿਚਕਾਰ ਅਮਰੀਕਾ ਪੰਜਵਾਂ ਦੇਸ਼ ਹੈ ਜਿਸ ਨੇ ਚੀਨ ਤੋਂ ਆਉਣ ਵਾਲੇ ਯਾਤਰੀਆਂ 'ਤੇ ਪਾਬੰਦੀਆਂ ਲਗਾਈਆਂ ਹਨ। 

ਚੀਨੀ ਨਾਗਰਿਕਾਂ ਦੀ ਨਵੇਂ ਸਾਲ ਦੀ ਯੋਜਨਾ

ਚੀਨ ਨੇ ਇੱਕ ਵਾਰ ਫਿਰ ਆਮ ਪਾਸਪੋਰਟ ਅਤੇ ਵੀਜ਼ਾ ਜਾਰੀ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਜਦੋਂ ਕੋਵਿਡ ਤਿੰਨ ਸਾਲ ਪਹਿਲਾਂ ਸ਼ੁਰੂ ਹੋਇਆ ਸੀ, ਇਸ ਨੇ ਇਸ ਪ੍ਰਕਿਰਿਆ ਨੂੰ ਸੀਮਤ ਕਰ ਦਿੱਤਾ ਸੀ।ਚੀਨੀ-ਪ੍ਰਸ਼ਾਸਿਤ ਹਾਂਗਕਾਂਗ ਨੇ ਵੀ ਪਿਛਲੇ ਸਮੇਂ ਵਿੱਚ ਕੋਵਿਡ ਸਕਾਰਾਤਮਕ ਲੋਕਾਂ ਲਈ ਕੁਆਰੰਟੀਨ ਨਿਯਮਾਂ ਨੂੰ ਖ਼ਤਮ ਕਰ ਦਿੱਤਾ ਹੈ। ਚੀਨ ਨੇ ਐਲਾਨ ਕੀਤਾ ਹੈ ਕਿ 8 ਜਨਵਰੀ ਤੋਂ ਉਸ ਦੇ ਨਾਗਰਿਕ ਚੰਦਰ ਨਵੇਂ ਸਾਲ ਦੀਆਂ ਛੁੱਟੀਆਂ ਦੇ ਮੌਕੇ 'ਤੇ ਵਿਦੇਸ਼ ਜਾ ਸਕਦੇ ਹਨ। ਸਾਲ 2020 ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਚੀਨੀ ਨਾਗਰਿਕ ਵਿਦੇਸ਼ ਜਾ ਸਕਣਗੇ।ਚੀਨੀ ਨਾਗਰਿਕ ਇਨ੍ਹਾਂ ਛੁੱਟੀਆਂ 'ਤੇ ਜਾਪਾਨ, ਥਾਈਲੈਂਡ, ਦੱਖਣੀ ਕੋਰੀਆ, ਅਮਰੀਕਾ, ਬ੍ਰਿਟੇਨ ਅਤੇ ਆਸਟ੍ਰੇਲੀਆ ਜਾਣ ਦੀ ਤਿਆਰੀ ਕਰ ਰਹੇ ਹਨ।

ਪੜ੍ਹੋ ਇਹ ਅਹਿਮ ਖ਼ਬਰ-ਫਿਲੀਪੀਨਜ਼ 'ਚ ਭਾਰੀ ਮੀਂਹ ਅਤੇ ਹੜ੍ਹ, ਹੁਣ ਤੱਕ 32 ਲੋਕਾਂ ਦੀ ਮੌਤ 

ਪੰਜ ਦੇਸ਼ਾਂ ਨੇ ਟੈਸਟ ਨੂੰ ਕੀਤਾ ਲਾਜ਼ਮੀ 

ਇਹ ਡਰ ਹੈ ਕਿ ਸਾਲ 2020 ਵਿੱਚ ਕੋਵਿਡ ਦੀ ਪਹਿਲੀ ਲਹਿਰ ਦੌਰਾਨ ਜੋ ਸਥਿਤੀ ਬਣੀ ਸੀ, ਉਹ ਮੁੜ ਨਾ ਵਾਪਰ ਜਾਵੇ। ਕਈ ਲੋਕਾਂ ਨੂੰ ਡਰ ਹੈ ਕਿ ਚੀਨੀ ਸੈਲਾਨੀ ਇਟਲੀ ਵਿਚ ਫਿਰ ਤੋਂ ਕੋਰੋਨਾ ਫੈਲਣ ਦਾ ਕਾਰਨ ਬਣ ਸਕਦੇ ਹਨ। ਅਮਰੀਕਾ, ਇਟਲੀ, ਜਾਪਾਨ, ਭਾਰਤ ਅਤੇ ਤਾਈਵਾਨ ਨੇ ਚੀਨੀ ਸੈਲਾਨੀਆਂ ਲਈ ਟੈਸਟ ਲਾਜ਼ਮੀ ਕਰ ਦਿੱਤਾ ਹੈ। ਅਮਰੀਕੀ ਸਿਹਤ ਅਧਿਕਾਰੀਆਂ ਮੁਤਾਬਕ ਚੀਨ ਤੋਂ ਆਉਣ ਵਾਲੇ ਸੈਲਾਨੀ ਬਿਨਾਂ ਟੈਸਟ ਦੇ ਅੱਗੇ ਨਹੀਂ ਵਧ ਸਕਦੇ। 5 ਜਨਵਰੀ ਤੋਂ ਦੋ ਸਾਲ ਦੇ ਬੱਚੇ ਤੋਂ ਲੈ ਕੇ ਹਰ ਹਵਾਈ ਯਾਤਰੀ ਲਈ ਕੋਵਿਡ ਟੈਸਟ ਲਾਜ਼ਮੀ ਹੋ ਜਾਵੇਗਾ। ਚੀਨ, ਹਾਂਗਕਾਂਗ ਅਤੇ ਮਕਾਓ ਤੋਂ ਆਉਣ ਵਾਲੇ ਯਾਤਰੀਆਂ ਨੂੰ ਇਸ ਟੈਸਟ ਤੋਂ ਗੁਜ਼ਰਨਾ ਹੋਵੇਗਾ।

ਚੀਨ ਤੋਂ ਯਾਤਰੀ ਟਿਕਟਾਂ ਦੀ ਬੁਕਿੰਗ ਵਧੀ

ਦੂਜੇ ਪਾਸੇ ਟਰੈਵਲ ਕੰਪਨੀਆਂ ਟ੍ਰਿਪ ਡਾਟ ਕਾਮ ਅਤੇ ਕੁਨਾਰ ਦੇ ਅਨੁਸਾਰ ਚੀਨ ਦੁਆਰਾ ਕੀਤੀ ਗਈ ਢਿੱਲ ਤੋਂ ਬਾਅਦ ਅੰਤਰਰਾਸ਼ਟਰੀ ਟਿਕਟ ਬੁਕਿੰਗ ਅਤੇ ਚੀਨੀ ਯਾਤਰੀਆਂ ਦੁਆਰਾ ਸਬੰਧਤ ਖੋਜਾਂ ਵਿੱਚ ਪੰਜ ਤੋਂ ਅੱਠ ਗੁਣਾ ਵਾਧਾ ਹੋਇਆ ਹੈ। ਚੀਨੀ ਲੋਕਾਂ ਨੇ ਜਾਪਾਨ, ਥਾਈਲੈਂਡ, ਦੱਖਣੀ ਕੋਰੀਆ, ਅਮਰੀਕਾ, ਯੂਕੇ ਅਤੇ ਆਸਟ੍ਰੇਲੀਆ ਦੀ ਯਾਤਰਾ ਕਰਨ ਵਿੱਚ ਦਿਲਚਸਪੀ ਦਿਖਾਈ।

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।