ਦਿਮਾਗ ਲਈ ਕਿੰਨਾ ਸਹੀ ਹੈ ਕੰਮ ਵਿਚਾਲੇ ਮੋਬਾਇਲ ਬ੍ਰੇਕ, ਸਟੱਡੀ 'ਚ ਹੋਇਆ ਖੁਲਾਸਾ
08/20/2019 3:00:59 PM
ਨਿਊਯਾਰਕ (ਏਜੰਸੀ)- ਆਮ ਤੌਰ 'ਤੇ ਲੋਕ ਕੰਮ ਵਿਚ ਖੂਬ ਰੁੱਝੇ ਹੋਣ 'ਤੇ ਵੀ ਮੋਬਾਇਲ ਫੋਨ ਦੀ ਵਰਤੋਂ ਕਰਨ ਲਈ ਬ੍ਰੇਕ ਲੈਂਦੇ ਹਨ। ਉਹ ਇਹ ਸੋਚ ਕੇ ਮੋਬਾਇਲ ਬ੍ਰੇਕ ਲੈਂਦੇ ਹਨ ਕਿ ਇਸ ਨਾਲ ਉਹ ਥੋੜ੍ਹਾ ਰਿਲੈਕਸ ਮਹਿਸੂਸ ਕਰ ਸਕਣਗੇ। ਪਰ ਅਜਿਹਾ ਨਹੀਂ ਹੈ। ਮਾਨਸਿਕ ਤੌਰ 'ਤੇ ਚੁਣੌਤੀਪੂਰਨ ਕੰਮਾਂ ਦੌਰਾਨ ਬ੍ਰੇਕ ਲੈਣ ਲਈ ਫੋਨ ਦੀ ਵਰਤੋਂ ਕਰਨ ਨਾਲ ਦਿਮਾਗ ਪ੍ਰਭਾਵੀ ਢੰਗ ਨਾਲ ਰੀਚਾਰਜ ਕਰਨ ਦੀ ਇਜਾਜ਼ਤ ਨਹੀਂ ਦਿੰਦਾ ਹੈ ਅਤੇ ਇਸ ਦੇ ਨਤੀਜੇ ਵਜੋਂ ਤੁਹਾਡਾ ਪੁਅਰ ਪਰਫਾਰਮੈਂਸ ਨਜ਼ਰ ਆਉਂਦਾ ਹੈ। ਇਹ ਖੁਲਾਸਾ ਇਕ ਨਵੀਂ ਖੋਜ ਵਿਚ ਹੋਇਆ ਹੈ।
ਅਮਰੀਕਾ ਵਿਚ ਰਟਗਰਸ ਯੂਨੀਵਰਸਿਟੀ ਵਿਚ ਐਸੋਸੀਏਟ ਪ੍ਰੋਫੈਸਰ ਟੇਰੀ ਕਰਟਜ਼ਬਰਗ ਨੇ ਕਿਹਾ ਕਿ ਫੋਨ ਦਾ ਅਜਿਹਾ ਪ੍ਰਭਾਵ ਹੋ ਸਕਦਾ ਹੈ ਕਿਉਂਕਿ ਸਿਰਫ ਤੁਹਾਡੇ ਫੋਨ ਨੂੰ ਦੇਖਣ ਨਾਲ ਹੀ ਮੈਸੇਜਿਸ ਚੈਕ ਕਰਨ ਲੋਕਾਂ ਦੇ ਨਾਲ ਜੁੜਣ, ਕਦੇ-ਕਦੇ ਸੂਚਨਾਵਾਂ ਤੱਕ ਪਹੁੰਚਣ ਲਈ ਤੁਹਾਡਾ ਦਿਮਾਗ ਸਰਗਰਮ ਹੋ ਜਾਂਦਾ ਹੈ ਅਤੇ ਇਸ ਤਰੀਕੇ ਨਾਲ ਕੰਪਿਊਟਰ ਅਤੇ ਲੈਪਟਾਪ ਵਰਗੇ ਹੋਰ ਸਕ੍ਰੀਨ ਦੀ ਵਰਤੋਂ ਕਰਨ ਦੇ ਤਰੀਕੇ ਵੱਖ ਹੁੰਦੇ ਹਨ।
ਜਰਨਲ ਆਫ ਬਿਹੇਵੀਅਰਲ ਐਡੀਕਸ਼ਨਸ ਵਿਚ ਪ੍ਰਕਾਸ਼ਿਤ, ਖੋਜਕਰਤਾਵਾਂ ਨੇ 414 ਕਾਲਜ ਦੇ ਅੰਡਰਗ੍ਰੈਜੂਏਟਸ ਦਾ ਵਿਸ਼ਲੇਸ਼ਣ ਕੀਤਾ, ਜਿਨ੍ਹਾਂ ਨੂੰ 20 ਫੀਸਦੀ ਪਜ਼ਲਸ ਦੇ ਸੈੱਟ ਨੂੰ ਹੱਲ ਕਰਨ ਲਈ ਕਿਹਾ ਗਿਆ ਸੀ। ਕੁਝ ਨੂੰ ਬ੍ਰੇਕ ਹਾਫ ਦਿੱਤਾ ਗਿਆ ਸੀ, ਜਿਸ ਦੌਰਾਨ ਉਨ੍ਹਾਂ ਨੂੰ ਇਕ ਵਿਸ਼ੇਸ਼ ਬਜਟ ਦੇ ਅੰਦਰ ਖਰੀਦਣ ਲਈ ਤਿੰਨ ਆਈਟਮ ਚੁਣਨ ਲਈ ਕਿਹਾ ਗਿਆ ਸੀ, ਜਾਂ ਤਾਂ ਆਪਣੇ ਫੋਨ, ਇਕ ਪੇਪਰ ਸਰਕੂਲਰ ਜਾਂ ਕੰਪਿਊਟਰ ਦੀ ਵਰਤੋਂ ਕਰਕੇ ਇਹ ਕੰਮ ਕੀਤਾ। ਜਿਨ੍ਹਾਂ ਮੁਕਾਬਲੇਬਾਜ਼ਾਂ ਨੇ ਫੋਨ ਬ੍ਰੇਕ ਲਿਆ, ਉਨ੍ਹਾਂ ਵਿਚ ਮਾਨਸਿਕ ਗਿਰਾਵਟ ਦੇ ਉੱਚਤਮ ਪੱਧਰ ਦਾ ਤਜ਼ਰਬਾ ਹੋਇਆ ਅਤੇ ਉਹ ਬਾਅਦ ਵਿਚ ਪਜ਼ਰਲਸ ਨੂੰ ਸੁਲਝਾਉਣ ਵਿਚ ਸਭ ਤੋਂ ਘੱਟ ਸਮਰੱਥ ਸਨ।
ਜਿਨ੍ਹਾਂ ਲੋਕਾਂ ਨੇ ਆਪਣੇ ਫੋਨ 'ਤੇ ਇਕ ਬ੍ਰੇਕ ਲਿਆ, ਉਨ੍ਹਾਂ ਨੂੰ ਬਾਕੀ ਕੰਮ ਕਰਨ ਵਿਚ 19 ਫੀਸਦੀ ਜ਼ਿਆਦਾ ਸਮਾਂ ਲੱਗਾ ਅਤੇ ਬ੍ਰੇਕ ਦੀ ਸਥਿਤੀ ਵਿਚ ਉਨ੍ਹਾਂ ਲੋਕਾਂ ਦੇ ਮੁਕਾਬਲੇ 22 ਫੀਸਦੀ ਘੱਟ ਸਮੱਸਿਆਵਾਂ ਨੂੰ ਹੱਲ ਕੀਤਾ। ਬ੍ਰੇਕ ਤੋਂ ਬਾਅਦ ਕੁਸ਼ਲਤਾ ਉਨ੍ਹਾਂ ਲੋਕਾਂ ਲਈ ਤੁਲਨਾਤਮਕ ਸੀ, ਜਿਨ੍ਹਾਂ ਨੇ ਕੋਈ ਬ੍ਰੇਕ ਨਹੀਂ ਲਈ। ਬ੍ਰੇਕ ਤੋਂ ਬਾਅਦ ਹਲ ਕੀਤੀ ਗਈ ਉਨ੍ਹਾਂ ਦੀ ਸ਼ਬਦ ਸਮੱਸਿਆਵਾਂ ਦੀ ਗਿਣਤੀ ਉਨ੍ਹਾਂ ਲੋਕਾਂ ਦੇ ਮੁਕਾਬਲੇ ਵਿਚ ਥੋੜ੍ਹੀ ਬਿਹਤਰ ਸੀ ਜਿਨ੍ਹਾਂ ਨੇ ਕੋਈ ਬ੍ਰੇਕ ਨਹੀਂ ਲਿਆ, ਪਰ ਹੋਰ ਬਾਕੀ ਮੁਕਾਬਲੇਬਾਜ਼ਾਂ ਦਾ ਮੁਕਾਬਲਾ ਬਦਤਰ ਸੀ।