ਮੈਲਬੌਰਨ : ਘਰ ''ਚ ਲੱਗੀ ਅੱਗ, ਮਾਂ ਸਮੇਤ ਤਿੰਨ ਬੱਚਿਆਂ ਦੀ ਦਰਦਨਾਕ ਮੌਤ

ਮੈਲਬੌਰਨ (ਬਿਊਰੋ): ਆਸਟ੍ਰੇਲੀਆ ਦੇ ਮੈਲਬੌਰਨ ਸ਼ਹਿਰ ਦੇ ਦੱਖਣ-ਪੂਰਬੀ ਹਿੱਸੇ ਵਿਚ ਗਲੈਨ ਵੈਵਰਲੇਅ ਦੇ ਟੋਲਕ ਗਰੋਵ ਵਿਚ ਸਥਿਤ ਇੱਕ ਘਰ ਨੂੰ ਸਵੇਰੇ ਅਚਾਨਕ ਅੱਗ ਲੱਗ ਗਈ। ਗੁਆਂਢੀਆਂ ਨੂੰ ਜਦੋਂ ਤੱਕ ਇਸ ਬਾਰੇ ਪਤਾ ਲੱਗਾ ਉਦੋਂ ਤੱਕ ਅੱਗ ਬਹੁਤ ਹੀ ਭਿਆਨਕ ਰੂਪ ਧਾਰ ਚੁੱਕੀ ਸੀ। ਉਨ੍ਹਾਂ ਨੇ ਤੁਰੰਤ ਫਾਇਰ ਬ੍ਰਿਗੇਡ ਨੂੰ ਬੁਲਾਇਆ ਅਤੇ ਆਪਣੇ ਤੌਰ 'ਤੇ ਵੀ ਪਾਣੀ ਦੀਆਂ ਪਾਈਪਾਂ ਨਾਲ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਬਹੁਤ ਦੇਰ ਹੋ ਚੁਕੀ ਸੀ। 

The beautiful little girls killed in a house fire in Glen Waverley last night. Aged three, five and seven. Their mum also died. Man connected to family under police guard. ⁦@9NewsMelb⁩ pic.twitter.com/DxGZ0kg64y

— Reid Butler (@reid_butler9) January 10, 2021

ਘਰ ਅੰਦਰ ਮੌਜੂਦ ਇੱਕ ਬੀਬੀ ਅਤੇ ਤਿੰਨ ਬੱਚਿਆਂ ਦੀ ਅੱਗ ਵਿਚ ਝੁਲਸ ਜਾਣ ਕਾਰਨ ਮੌਤ ਹੋ ਗਈ। ਘਰ ਦੇ ਬਾਹਰ ਇੱਕ ਵਿਅਕਤੀ ਵੀ ਦੇਖਿਆ ਗਿਆ ਜੋ ਕਿ ਲਗਾਤਾਰ ਲੋਕਾਂ ਤੋਂ ਮਦਦ ਲਈ ਗੁਹਾਰ ਲਗਾ ਰਿਹਾ ਸੀ।

ਪੜ੍ਹੋ ਇਹ ਅਹਿਮ ਖਬਰ- ਨਿਊਜ਼ੀਲੈਂਡ 'ਚ ਕੋਵਿਡ-19 ਦੇ 31 ਨਵੇਂ ਕੇਸ ਦਰਜ

ਵਿਅਕਤੀ ਇੱਕ ਬਾਲਟੀ ਨਾਲ ਬਾਹਰ ਲੱਗੀ ਟੂਟੀ ਤੋਂ ਪਾਣੀ ਭਰ ਕੇ ਅੱਗ ਬੁਝਾਉਣ ਦੋ ਕੋਸ਼ਿਸ਼ ਕਰ ਰਿਹਾ ਸੀ। ਮੌਕੇ 'ਤੇ ਪਹੁੰਚੇ 30 ਤੋਂ ਵੀ ਜ਼ਿਆਦਾ ਅੱਗ ਬੁਝਾਊ ਕਰਮਚਾਰੀਆਂ ਨੇ ਪਾਇਆ ਕਿ ਘਟਨਾ ਸਥਲ 'ਤੇ ਘਰ ਦੇ ਗੈਰਾਜ ਨੂੰ ਪੂਰੀ ਤਰ੍ਹਾਂ ਸੜ ਚੁੱਕਾ ਸੀ ਅਤੇ ਆਲੇ-ਦੁਆਲੇ ਦੇ ਘਰਾਂ ਅੰਦਰ ਵੀ ਧੂੰਆਂ ਭਰ ਚੁਕਿਆ ਸੀ। 

ਪੁਲਸ ਮਾਮਲੇ ਦੀ ਪੜਤਾਲ ਕਰ ਰਹੀ ਹੈ। ਜਾਣਕਾਰੀ ਮੁਤਾਬਕ ਅੱਗ ਘਰ ਦੇ ਗੈਰਾਜ ਤੋਂ ਹੀ ਫੈਲੀ ਸੀ ਜਿੱਥੇ ਕਿ ਬਹੁਤ ਸਾਰਾ ਕਬਾੜ ਅਤੇ ਕਈ ਜਲਨਸ਼ੀਲ ਤੇਲ ਰੱਖੇ ਹੋਏ ਸਨ। ਘਟਨਾ ਕਾਰਨ ਸਮੁੱਚੇ ਇਲਾਕੇ ਅੰਦਰ ਵਿਚ ਡਰ ਅਤੇ ਸੋਗ ਦੀ ਲਹਿਰ ਹੈ। ਹਰ ਕੋਈ ਇਸ ਘਟਨਾ ਬਾਰੇ ਚਿੰਤਾ ਅਤੇ ਦੁਖ ਜ਼ਾਹਰ ਕਰ ਰਿਹਾ ਹੈ।

ਨੋਟ- ਉਕਤ ਖ਼ਬਰ ਬਾਰੇ ਦੱਸੋ ਆਪਣੀ ਰਾਏ।