20 ਸਾਲ ਅਮਰੀਕੀ ਨੇ ਸਾਂਭੀ ਰੱਖਿਆ ਮੈਕਡਾਨਲਡਸ ਦਾ ਬਰਗਰ, ਤਸਵੀਰਾਂ ਹੋਈਆਂ ਵਾਇਰਲ
1/7/2020 6:05:42 PM
ਵਾਸ਼ਿੰਗਟਨ- ਅਮਰੀਕਾ ਦੇ ਇਕ ਵਿਅਕਤੀ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ 1999 ਵਿਚ ਮੈਕਡਾਨਲਡਸ ਤੋਂ ਖਰੀਦਿਆ ਹੈਮਬਰਗਰ ਹਾਲੇ ਵੀ ਸਾਂਭ ਰੱਖਿਆ ਹੈ, ਜੋ ਅਜੇ ਵੀ ਤਾਜ਼ਾ ਦਿਖਦਾ ਹੈ। ਤਸਵੀਰਾਂ ਦੇਖਣ 'ਤੇ ਵੀ ਅਜਿਹਾ ਹੀ ਲੱਗ ਰਿਹਾ ਹੈ ਜਿਵੇਂ ਇਸ ਨੂੰ ਬਿਲਕੁੱਲ ਹੁਣੇ ਹੀ ਬਣਾਇਆ ਗਿਆ ਹੋਵੇ। ਹਾਲਾਂਕਿ ਇਸ ਵਿਚੋਂ ਕਾਰਡਬੋਰਡ ਜਿਹੀ ਮਹਿਕ ਆ ਰਹੀ ਹੈ। ਡੇਵਿਡ ਵ੍ਹਿਪਲ ਨੇ ਦੱਸਿਆ ਕਿ ਉਹਨਾਂ ਨੇ ਲਾਗਾਨ ਆਊਟਲੈਟ ਤੋਂ ਠੀਕ 20 ਸਾਲ ਪਹਿਲਾਂ ਬਰਗਰ ਖਰੀਦਿਆ ਸੀ। ਉਹਨਾਂ ਨੇ ਇਸ ਦੇ ਨਾਲ ਪ੍ਰਯੋਗ ਕਰਨ ਦੀ ਯੋਜਨਾ ਬਣਾਈ ਸੀ।
ਵ੍ਹਿਪਲ ਨੇ ਕਿਹਾ ਕਿ ਬਰਗਰ ਇਕ ਕੋਟ ਦੀ ਜੇਬ ਵਿਚ ਰਹਿ ਗਿਆ ਸੀ। ਇਸ ਤੋਂ ਬਾਅਦ ਕੋਟ ਨੂੰ ਉਹਨਾਂ ਨੇ ਆਪਣੀ ਵੈਨ ਦੇ ਪਿੱਛੇ ਡਿੱਗੀ ਵਿਚ ਸੁੱਟ ਦਿੱਤਾ ਤੇ ਬਾਅਦ ਵਿਚ ਇਹ ਕੋਟ ਉਹਨਾਂ ਦੀ ਕੋਠੜੀ ਵਿਚ ਪਹੁੰਚ ਗਿਆ। ਉਹਨਾਂ ਨੇ ਦਾਅਵਾ ਕੀਤਾ ਕਿ ਅਸੀਂ ਲੋਗਨ ਤੋਂ ਸੇਂਟ ਚਲੇ ਗਏ ਤੇ ਕੁਝ ਸਾਲ ਉਥੇ ਹੀ ਰਹੇ ਤੇ ਮੈਨੂੰ ਲੱਗਦਾ ਹੈ ਕਿ ਮੇਰੀ ਪਤਨੀ ਨੇ ਕੋਟ ਨੂੰ ਕਿਤੇ ਰੱਖ ਦਿੱਤਾ ਸੀ, ਜਿਸ ਵਿਚੋਂ ਬਾਅਦ ਵਿਚ ਬਰਗਰ ਮਿਲਿਆ।
ਵ੍ਹਿਪਲ ਨੇ ਇਸ ਦੇ ਨਾਲ ਹੀ ਕਿਹਾ ਕਿ ਬਰਗਰ ਨਾਲ ਮਿਲਿਆ ਆਚਾਰ ਨਹੀਂ ਮਿਲ ਰਿਹਾ ਹੈ ਪਰ ਇੰਨੇ ਸਾਲ ਬਾਅਦ ਵੀ ਬਰਗਰ ਅਜਿਹਾ ਦਿਖ ਰਿਹਾ ਹੈ ਜਿਵੇਂ ਉਹ ਪੈਕ ਕਰਨ ਦੌਰਾਨ ਸੀ। ਇਸ ਬਰਗਰ ਨੂੰ ਕਈ ਸਾਲਾਂ ਬਾਅਦ ਪਹਿਲੀ ਵਾਰ ਸਾਲ 2013 ਵਿਚ ਕੱਢਿਆ ਗਿਆ ਸੀ ਤੇ ਉਦੋਂ ਵੀ ਇਹ ਸਟੋਰੀ ਵਾਇਰਲ ਹੋਈ ਸੀ। ਇਸ ਤੋਂ ਬਾਅਦ ਇਸ ਨੂੰ ਟਿਨ ਵਿਚ ਬੰਦ ਕਰਦੇ ਰੱਖਿਆ ਗਿਆ। ਇਸ ਤੋਂ 6 ਸਾਲ ਬਾਅਦ ਹੁਣ ਇਸ ਨੂੰ ਕੱਢਿਆ ਗਿਆ ਹੈ ਤਾਂ ਵੀ ਇਹ ਤਰੋ-ਤਾਜ਼ਾ ਦਿਖ ਰਿਹਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
