ਜੁਲਾਈ ਲਗਾਤਾਰ ਤੀਜੇ ਸਾਲ ਰਿਹਾ ਸਭ ਤੋਂ ਗਰਮ ਮਹੀਨਾ!

ਟੋਕੀਓ (ਵਾਰਤਾ)- ਗਲੋਬਲ ਪੱਧਰ 'ਤੇ ਜਲਵਾਯੂ ਤਬਦੀਲੀ ਦਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ ਜਾਪਾਨ ਵਿੱਚ ਲਗਾਤਾਰ ਤੀਜੇ ਸਾਲ ਜੁਲਾਈ ਸਭ ਤੋਂ ਗਰਮ ਮਹੀਨਾ ਰਿਹਾ, ਜਿਸ ਵਿੱਚ ਤਾਪਮਾਨ ਆਮ ਨਾਲੋਂ 2.89 ਡਿਗਰੀ ਸੈਲਸੀਅਸ ਵੱਧ ਦਰਜ ਕੀਤਾ ਗਿਆ। ਜਾਪਾਨ ਮੌਸਮ ਵਿਗਿਆਨ ਏਜੰਸੀ (ਜੇ.ਐਮ.ਏ) ਨੇ ਕਿਹਾ ਕਿ ਦੇਸ਼ ਭਰ ਵਿੱਚ ਜੁਲਾਈ ਦਾ ਔਸਤ ਤਾਪਮਾਨ 1898 ਵਿੱਚ ਤੁਲਨਾਤਮਕ ਰਿਕਾਰਡ ਸ਼ੁਰੂ ਹੋਣ ਤੋਂ ਬਾਅਦ ਸਭ ਤੋਂ ਵੱਧ ਸੀ, ਜਿਸਨੇ 2024 ਵਿੱਚ ਸਥਾਪਤ ਕੀਤੇ ਪਿਛਲੇ ਰਿਕਾਰਡ ਨੂੰ 2.16 ਡਿਗਰੀ ਸੈਲਸੀਅਸ ਨਾਲ ਤੋੜ ਦਿੱਤਾ। 

ਪੜ੍ਹੋ ਇਹ ਅਹਿਮ ਖ਼ਬਰ-ਫਟਿਆ ਜਵਾਲਾਮੁਖੀ, ਆਸਮਾਨ ਤੱਕ ਉੱਠਿਆ ਧੂੰਏਂ ਦਾ ਗੁਬਾਰ (ਤਸਵੀਰਾਂ)

ਮੌਸਮ ਵਿਗਿਆਨ ਅਧਿਕਾਰੀਆਂ ਅਨੁਸਾਰ ਇਸ ਸਾਲ ਆਮ ਨਾਲੋਂ ਵੱਧ ਤਾਪਮਾਨ ਦਾ ਰਿਕਾਰਡ ਪਿਛਲੇ ਅੰਕੜਿਆਂ ਨਾਲੋਂ ਬਹੁਤ ਜ਼ਿਆਦਾ ਹੈ, ਜਿਸ ਕਾਰਨ ਦੇਸ਼ ਨੂੰ ਅਸਧਾਰਨ ਤੌਰ 'ਤੇ ਉੱਚ ਤਾਪਮਾਨ ਦਾ ਸਾਹਮਣਾ ਕਰਨਾ ਪਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ 30 ਜੁਲਾਈ ਨੂੰ ਪੱਛਮੀ ਹਯੋਗੋ ਪ੍ਰੀਫੈਕਚਰ ਦੇ ਟਾਂਬਾ ਸ਼ਹਿਰ ਵਿੱਚ 41.2 ਡਿਗਰੀ ਤਾਪਮਾਨ ਦਰਜ ਕੀਤਾ ਗਿਆ ਸੀ, ਜੋ ਕਿ ਦੇਸ਼ ਵਿੱਚ ਹੁਣ ਤੱਕ ਦਾ ਸਭ ਤੋਂ ਵੱਧ ਤਾਪਮਾਨ ਸੀ। ਇਸੇ ਤਰ੍ਹਾਂ 24 ਜੁਲਾਈ ਨੂੰ ਉੱਤਰੀ ਹੋਕਾਈਡੋ ਪ੍ਰੀਫੈਕਚਰ ਦੇ ਕੁਝ ਹਿੱਸਿਆਂ ਵਿੱਚ ਪਾਰਾ ਲਗਭਗ 40 ਡਿਗਰੀ ਤੱਕ ਪਹੁੰਚ ਗਿਆ। ਇਸ ਦੌਰਾਨ ਜੇ.ਐਮ.ਏ ਨੇ ਕਿਹਾ ਕਿ ਜੁਲਾਈ ਵਿੱਚ ਜਾਪਾਨ ਸਾਗਰ ਦੇ ਉੱਤਰ-ਪੂਰਬੀ ਤੋਹੋਕੂ ਖੇਤਰ ਅਤੇ ਕੇਂਦਰੀ ਹੋਕੁਰੀਕੂ ਖੇਤਰ ਵਿੱਚ 1946 ਤੋਂ ਬਾਅਦ ਸਭ ਤੋਂ ਘੱਟ ਮੀਂਹ ਪਿਆ। ਦੇਸ਼ ਵਿੱਚ ਮੀਂਹ ਦੇ ਰਿਕਾਰਡ 1946 ਤੋਂ ਦਰਜ ਕੀਤੇ ਜਾਣੇ ਸ਼ੁਰੂ ਹੋ ਗਏ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।