ਜਾਪਾਨ: ਓਸਾਕਾ ''ਚ ਲਕੜੀ ਦੀ ਬਣੀ ਇਮਾਰਤ ''ਚ ਅੱਗ ਲੱਗਣ ਨਾਲ 2 ਲੋਕਾਂ ਦੀ ਮੌਤ

ਟੋਕੀਓ (ਏਜੰਸੀ)- ਜਾਪਾਨ ਦੇ ਓਸਾਕਾ ਦੇ ਨਿਸ਼ੀਨਾਰੀ ਵਾਰਡ ਵਿੱਚ ਐਤਵਾਰ ਤੜਕੇ ਇੱਕ ਲੱਕੜੀ ਦੇ 2 ਮੰਜ਼ਿਲਾ ਅਪਾਰਟਮੈਂਟ ਦੀ ਇਮਾਰਤ ਵਿੱਚ ਅੱਗ ਲੱਗ ਗਈ, ਜਿਸ ਵਿੱਚ 2 ਲੋਕਾਂ ਦੀ ਮੌਤ ਹੋ ਗਈ। ਸਥਾਨਕ ਮੀਡੀਆ ਨੇ ਇਹ ਰਿਪੋਰਟ ਦਿੱਤੀ। ਰਾਸ਼ਟਰੀ ਪ੍ਰਸਾਰਕ ਐੱਨ.ਐੱਚ.ਕੇ. ਅਨੁਸਾਰ ਇੱਕ ਨਿਵਾਸੀ ਨੇ ਸਥਾਨਕ ਸਮੇਂ ਅਨੁਸਾਰ ਸਵੇਰੇ 5 ਵਜੇ ਤੋਂ ਠੀਕ ਪਹਿਲਾਂ ਫਾਇਰ ਵਿਭਾਗ ਨੂੰ ਸੂਚਿਤ ਕੀਤਾ, ਜਿਸ ਵਿੱਚ ਦੱਸਿਆ ਗਿਆ ਕਿ ਪਹਿਲੀ ਮੰਜ਼ਿਲ ਵਿਚ ਧੂੰਆਂ ਭਰ ਰਿਹਾ ਹੈ।

ਅੱਗ ਬੁਝਾਊ ਦਸਤੇ ਲਗਭਗ ਇੱਕ ਘੰਟੇ ਵਿੱਚ ਅੱਗ 'ਤੇ ਕਾਬੂ ਪਾਉਣ ਵਿੱਚ ਕਾਮਯਾਬ ਰਹੇ, ਪਰ ਲਗਭਗ 400 ਵਰਗ ਮੀਟਰ ਦੇ ਕੁੱਲ ਖੇਤਰ ਨੂੰ ਵਿਚ ਫੈਲੀਆਂ 2 ਅਪਾਰਟਮੈਂਟ ਇਮਾਰਤਾਂ ਸੜ ਗਈਆਂ। ਪੁਲਸ ਅਤੇ ਫਾਇਰ ਅਧਿਕਾਰੀਆਂ ਦੇ ਅਨੁਸਾਰ, 3 ਲੋਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ। ਇੱਕ ਆਦਮੀ ਅਤੇ ਇੱਕ ਔਰਤ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ, ਜਦੋਂ ਕਿ ਇੱਕ ਹੋਰ ਆਦਮੀ ਨੂੰ ਮਾਮੂਲੀ ਸੱਟਾਂ ਲੱਗੀਆ।ਇਹ ਅੱਗ ਓਸਾਕਾ ਮੈਟਰੋ 'ਤੇ ਡੋਬੁਤਸੁਏਨ-ਮੇ ਸਟੇਸ਼ਨ ਤੋਂ ਲਗਭਗ 500 ਮੀਟਰ ਦੱਖਣ-ਪੂਰਬ ਵਿੱਚ ਇੱਕ ਸੰਘਣੀ ਆਬਾਦੀ ਵਾਲੇ ਰਿਹਾਇਸ਼ੀ ਖੇਤਰ ਵਿੱਚ ਲੱਗੀ। ਅਧਿਕਾਰੀ ਮ੍ਰਿਤਕਾਂ ਦੀ ਪਛਾਣ ਦੀ ਪੁਸ਼ਟੀ ਕਰਨ ਅਤੇ ਅੱਗ ਦੇ ਕਾਰਨਾਂ ਦੀ ਜਾਂਚ ਕਰਨ ਲਈ ਕੰਮ ਕਰ ਰਹੇ ਹਨ।