ਜਾਪਾਨ: ਨਵੇਂ ਛੋਟੇ ਰਾਕੇਟ ਦੇ ਇੰਜਣ ''ਚ ਦੂਜੀ ਵਾਰ ਧਮਾਕਾ

ਟੋਕੀਓ (ਪੋਸਟ ਬਿਊਰੋ)- ਜਾਪਾਨ ਵਿੱਚ ਇੱਕ ਪ੍ਰਮੁੱਖ ਛੋਟੇ ਨਵੇਂ ਰਾਕੇਟ ਦੇ ਇੰਜਣ ਵਿੱਚ ਮੰਗਲਵਾਰ ਨੂੰ ਕੰਬਸ਼ਨ ਟੈਸਟ ਦੌਰਾਨ ਅੱਗ ਲੱਗ ਗਈ। ਹਾਲਾਂਕਿ ਅੱਗ ਕਾਰਨ ਇਸ ਦੇ ਬਾਹਰਲੇ ਹਿੱਸੇ ਨੂੰ ਕੋਈ ਨੁਕਸਾਨ ਨਹੀਂ ਹੋਇਆ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। Epsilon S ਰਾਕੇਟ ਦੀ ਲਗਾਤਾਰ ਦੂਜੀ ਅਸਫਲਤਾ ਨੇ ਇਸਦੀ ਪ੍ਰਗਤੀ ਨੂੰ ਲੈ ਕੇ ਚਿੰਤਾਵਾਂ ਵਧਾ ਦਿੱਤੀਆਂ ਹਨ ਕਿਉਂਕਿ ਇਸਨੂੰ ਅਗਲੇ ਸਾਲ ਲਾਂਚ ਕੀਤੇ ਜਾਣ ਦੀ ਉਮੀਦ ਸੀ। 

ਕੈਬਨਿਟ ਦੇ ਮੁੱਖ ਸਕੱਤਰ ਯੋਸ਼ੀਮਾਸਾ ਹਯਾਸ਼ੀ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਇਹ ਪ੍ਰੀਖਣ ਦੱਖਣ-ਪੱਛਮੀ ਜਾਪਾਨ ਵਿੱਚ ਤਾਨੇਗਾਸ਼ਿਮਾ ਪੁਲਾੜ ਕੇਂਦਰ ਦੇ ਇੱਕ ਪਾਬੰਦੀਸ਼ੁਦਾ ਖੇਤਰ ਦੇ ਅੰਦਰ ਕੀਤਾ ਗਿਆ ਸੀ ਅਤੇ ਜਾਪਾਨ ਐਰੋਸਪੇਸ ਐਕਸਪਲੋਰੇਸ਼ਨ ਏਜੰਸੀ (ਜੇ.ਐਕਸ.ਏ) ਇਸਦੀ ਜਾਂਚ ਕਰ ਰਹੀ ਹੈ। JAXA ਦੇ ਮੁਤਾਬਕ ਅੱਗ ਲੱਗਣ ਤੋਂ ਬਾਅਦ ਧਮਾਕਾ ਹੋਇਆ ਅਤੇ ਚਿੱਟੇ ਧੂੰਏਂ ਦੇ ਬੱਦਲ ਉੱਠਣ ਲੱਗੇ। ਮੰਗਲਵਾਰ ਦੀ ਤਾਜ਼ਾ ਅਸਫਲਤਾ ਤੋਂ ਪਹਿਲਾਂ ਪਿਛਲੇ ਸਾਲ ਟੈਸਟਿੰਗ ਦੌਰਾਨ ਇਹੀ 'ਐਪਸਿਲੋਨ ਐਸ' ਇੰਜਣ ਫਟ ਗਿਆ ਸੀ। ਏਜੰਸੀ ਨੇ ਕਿਹਾ ਕਿ ਪਿਛਲੇ ਸਾਲ ਦਾ ਧਮਾਕਾ ਇੰਜਣ ਦੇ ਕੰਬਸ਼ਨ ਸਿਸਟਮ ਨੂੰ ਨੁਕਸਾਨ ਨਾਲ ਸਬੰਧਤ ਸੀ ਅਤੇ JAXA ਨੇ ਜ਼ਰੂਰੀ ਉਪਾਅ ਕੀਤੇ ਸਨ। 

ਪੜ੍ਹੋ ਇਹ ਅਹਿਮ ਖ਼ਬਰ-ਰੇਲਗੱਡੀ ਘੁੰਮਾਵੇਗੀ 13 ਦੇਸ਼, ਰੋਮਾਂਚ ਭਰਪੂਰ ਹੋਵੇਗਾ ਸਫਰ

ਹਯਾਸ਼ੀ ਨੇ ਪੱਤਰਕਾਰਾਂ ਨੂੰ ਦੱਸਿਆ, "ਜਾਪਾਨ ਦੇ ਪੁਲਾੜ ਵਿਕਾਸ ਦੀ ਖੁਦਮੁਖਤਿਆਰੀ ਨੂੰ ਯਕੀਨੀ ਬਣਾਉਣ ਦੇ ਨਜ਼ਰੀਏ ਤੋਂ 'ਐਪਸਿਲੋਨ ਐਸ' ਵਰਗੇ ਵੱਡੇ ਰਾਕੇਟ ਦਾ ਵਿਕਾਸ ਬਹੁਤ ਮਹੱਤਵਪੂਰਨ ਹੈ।" ਇਸ ਵਿੱਚ ਸੁਧਾਰ ਕੀਤਾ ਜਾਣਾ ਹੈ ਅਤੇ ਇਸਦੀ ਪਹਿਲੀ ਉਡਾਣ ਅਗਲੇ ਸਾਲ ਦੇ ਸ਼ੁਰੂ ਵਿੱਚ ਤੈਅ ਕੀਤੀ ਗਈ ਹੈ। ਜਾਪਾਨ ਦਾ ਵੱਡਾ H-3 ਰਾਕੇਟ ਫਰਵਰੀ 2023 ਵਿੱਚ ਆਪਣੀ ਪਹਿਲੀ ਲਾਂਚਿੰਗ ਵਿੱਚ ਅਸਫਲ ਰਿਹਾ ਸੀ ਪਰ ਉਦੋਂ ਤੋਂ ਲਗਾਤਾਰ ਤਿੰਨ ਸਫਲ ਉਡਾਣਾਂ ਕੀਤੀਆਂ ਹਨ, ਜਿਨ੍ਹਾਂ ਵਿਚ ਸਭ ਤੋਂ ਹਾਲੀਆ ਉਡਾਣ ਨਵੰਬਰ ਦੇ ਸ਼ੁਰੂ ਵਿੱਚ ਭਰੀ ਗਈ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।