ਜੈਸ਼ੰਕਰ ਕਤਰ ਦੌਰੇ ਤੋਂ ਬਾਅਦ ਬਹਿਰੀਨ ਪੁੱਜੇ, ਮਨਾਮਾ ਵਾਰਤਾ ''ਚ ਲੈਣਗੇ ਹਿੱਸਾ

ਮਨਾਮਾ (ਬਹਿਰੀਨ) (ਭਾਸ਼ਾ) : ਵਿਦੇਸ਼ ਮੰਤਰੀ ਐੱਸ ਜੈਸ਼ੰਕਰ ਸ਼ਨੀਵਾਰ ਨੂੰ ਬਹਿਰੀਨ ਪਹੁੰਚੇ, ਜਿੱਥੇ ਉਹ ਮਨਾਮਾ ਵਾਰਤਾ ਵਿਚ ਹਿੱਸਾ ਲੈਣਗੇ ਅਤੇ ਮੰਤਰੀ ਪੱਧਰੀ ਬੈਠਕ ਦੀ ਸਹਿ-ਪ੍ਰਧਾਨਗੀ ਕਰਨਗੇ। ਜੈਸ਼ੰਕਰ, ਜੋ ਆਪਣੀ ਚਾਰ ਦਿਨਾਂ 2 ਦੇਸ਼ਾਂ ਦੀ ਯਾਤਰਾ ਦੇ ਆਖਰੀ ਪੜਾਅ 'ਤੇ ਮਨਾਮਾ ਪਹੁੰਚੇ ਸਨ, ਦਾ ਉਨ੍ਹਾਂ ਦੇ ਬਹਿਰੀਨ ਦੇ ਹਮਰੁਤਬਾ ਡਾ. ਅਬਦੁੱਲਤੀਫ ਬਿਨ ਰਾਸ਼ਿਦ ਅਲ ਜ਼ਯਾਨੀ ਨੇ ਸਵਾਗਤ ਕੀਤਾ।

ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਐਕਸ' 'ਤੇ ਇਕ ਪੋਸਟ ਵਿਚ ਕਿਹਾ, "ਮੈਂ ਅੱਜ ਸ਼ਾਮ ਮਨਾਮਾ ਪਹੁੰਚ ਕੇ ਬਹੁਤ ਖੁਸ਼ ਹਾਂ। ਆਪਣੇ ਭਰਾ, ਵਿਦੇਸ਼ ਮੰਤਰੀ ਡਾ. ਅਬਦੁੱਲਤੀਫ਼ ਬਿਨ ਰਾਸ਼ਿਦ ਅਲ ਜ਼ਯਾਨੀ ਨੂੰ ਮਿਲ ਕੇ ਬਹੁਤ ਖੁਸ਼ੀ ਹੋਈ।" ਉਨ੍ਹਾਂ ਕਿਹਾ, "ਭਲਕੇ ਮਨਾਮਾ ਵਾਰਤਾ ਵਿਚ ਹਿੱਸਾ ਲੈਣ ਲਈ ਉਤਸੁਕ ਹਾਂ। ਮੈਨੂੰ ਭਰੋਸਾ ਹੈ ਕਿ ਸਾਡਾ ਉੱਚ ਸੰਯੁਕਤ ਕਮਿਸ਼ਨ ਬਹੁਤ ਲਾਭਕਾਰੀ ਹੋਵੇਗਾ।" 

ਉਹ ਅਲ ਜ਼ਯਾਨੀ ਨਾਲ ਚੌਥੇ ਭਾਰਤ-ਬਹਿਰੀਨ ਉੱਚ ਸੰਯੁਕਤ ਕਮਿਸ਼ਨ (HJC) ਦੀ ਸਹਿ-ਪ੍ਰਧਾਨਗੀ ਵੀ ਕਰਨਗੇ। ਜੈਸ਼ੰਕਰ ਕਤਰ ਦਾ ਦੌਰਾ ਪੂਰਾ ਕਰਨ ਤੋਂ ਬਾਅਦ ਬਹਿਰੀਨ ਪਹੁੰਚ ਗਏ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8