ਇਟਲੀ ਪਹੁੰਚੇ ਸਵਾਮੀ ਸੱਚਿਦਾਨੰਦ ਜੀ ਨੇ ਗੁਰੂ ਦੀ ਮਹੱਤਤਾ ਬਾਰੇ ਪਾਇਆ ਚਾਨਣਾ

ਰੋਮ (ਕੈਂਥ,ਟੇਕ ਚੰਦ) ਦਿਵਯ ਜਯੋਤੀ ਜਾਗਰਤੀ ਸੰਸਥਾਨ ਯੂਰਪ ਨੇ ਮਾਨਤੋਵਾ (ਇਟਲੀ) ਵਿੱਚ ਗੁਰੂ ਪੂਰਨਿਮਾ ਮਹੋਤਸਵ ਮਨਾਇਆ, ਜਿੱਥੇ ਇਟਲੀ ਅਤੇ ਯੂਰਪ ਦੇ ਸਾਰੇ ਹਿੱਸਿਆਂ ਤੋਂ ਸੰਗਤ ਪਹੁੰਚੀ। ਇਸ ਅਵਸਰ 'ਤੇ ਸ਼੍ਰੀ ਆਸ਼ੂਤੋਸ਼ ਮਹਾਰਾਜ ਜੀ ਦੇ ਸੇਵਕ ਸਵਾਮੀ ਸੱਚਿਦਾਨੰਦ ਜੀ (ਕੈਨੇਡਾ) ਅਤੇ ਸਵਾਮੀ ਸਤਮਿਤਰਾਨੰਦ ਜੀ (ਜਰਮਨੀ) ਵਿਸ਼ੇਸ਼ ਤੌਰ 'ਤੇ ਪਹੁੰਚੇl ਇਸ ਵਿਸ਼ੇਸ਼ ਮੌਕੇ ਸਵਾਮੀ ਸਚਿਦਾਨੰਦ ਜੀ ਨੇ ਵਿਅਕਤੀ ਦੇ ਜੀਵਨ ਵਿੱਚ ਗੁਰੂ ਦੀ ਮਹੱਤਤਾ ਬਾਰੇ ਦੱਸਿਆ ਕਿ ਪੂਰਣ ਗੁਰੂ ਹੀ ਇਕ ਜਗਿਆਸੂ ਦਾ ਦਸਮ ਦਵਾਰ ਖੋਲ੍ਹ ਕੇ ਪਰਮਾਤਮਾ ਦਾ ਪ੍ਰਤੱਖ ਦਰਸ਼ਨ ਉਸਦੇ ਅੰਦਰ ਹੀ ਕਰਵਾ ਸਕਦਾ ਹੈ ਕਿਉਂਕਿ ਪੂਰਣ ਗੁਰੂ ਦੀ ਸ਼ਰਣ ਵਿਚ ਜਾ ਕੇ ਹੀ ਅਧਿਆਤਮਕ ਯਾਤਰਾ ਸ਼ੁਰੂ ਹੋ ਸਕਦੀ ਹੈ। ਅੱਜ ਦੇ ਸਮੇਂ ਵਿੱਚ ਹਰ ਵਿਅਕਤੀ ਨੂੰ ਮਨੁੱਖੀ ਜੀਵਨ ਦੇ ਅਸਲ ਮਕਸਦ ਪ੍ਰਮਾਤਮਾ ਨੂੰ ਜਾਣਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ- ਅਮਰੀਕਾ ਦੀ ਪ੍ਰਸਿੱਧ ਸਿਆਨਾ ਸੰਸਥਾ ਦੁਆਰਾ 50 ਸਾਲਾ ਸਲਾਨਾ ਸਿੱਖ ਗੁਰਮਤਿ ਕੈਂਪ ਆਯੋਜਿਤ (ਤਸਵੀਰਾਂ)

ਸਵਾਮੀ ਸਤਮਿਤਰਾਨੰਦ ਜੀ ਨੇ ਸਮਝਾਇਆ ਕਿ ਭਗਵਾਨ ਕ੍ਰਿਸ਼ਨ ਨੇ ਠੀਕ ਕਿਹਾ ਹੈ ਕਿ ਜੋ ਲੋਕ ਆਪਣੇ ਜੀਵਨ ਵਿੱਚ ਪਿਆਰੇ ਪਰਮਾਤਮਾ ਨੂੰ ਪ੍ਰਾਪਤ ਕਰਦੇ ਹਨ, ਉਨ੍ਹਾਂ ਲਈ ਇਸ ਪਦਾਰਥਵਾਦੀ ਸੰਸਾਰ ਵਿੱਚ ਪ੍ਰਾਪਤ ਕਰਨ ਲਈ ਹੋਰ ਕੁਝ ਨਹੀਂ ਬਚਦਾ ਹੈ ਅਤੇ ਜਿਨ੍ਹਾਂ ਨੇ ਇਹ ਸੰਸਾਰ ਜਿੱਤ ਲਿਆ ਹੈ ਪਰ ਪਰਮਾਤਮਾ ਤੋਂ ਦੂਰ ਹਨ, ਅਸਲ ਵਿੱਚ ਉਨ੍ਹਾਂ ਨੇ ਕੁਝ ਵੀ ਪ੍ਰਾਪਤ ਨਹੀਂ ਕੀਤਾ ਹੈ!  ਇਕ ਪਾਸੇ ਅਲੈਗਜ਼ੈਂਡਰ ਮਹਾਨ ਸੀ, ਜਿਸ ਨੇ ਦੁਨੀਆ ਜਿੱਤ ਲਈ, ਪਰ ਦੁੱਖ ਅਤੇ ਅਸੰਤੁਸ਼ਟੀ ਨਾਲ ਇਸ ਸੰਸਾਰ ਨੂੰ ਖਾਲੀ ਹੱਥ ਛੱਡ ਦਿੱਤਾ।  ਦੂਜੇ ਪਾਸੇ ਸੰਤ ਕਬੀਰ ਦਾਸ ਜੀ ਸਨ, ਜਿਨ੍ਹਾਂ ਕੋਲ ਦੁਨਿਆਵੀ ਐਸ਼ੋ-ਆਰਾਮ ਨਹੀਂ ਸੀ, ਪਰ ਉਹ ਹਰ ਸਮੇਂ ਪਰਮਾਤਮਾ ਨਾਲ ਜੁੜੇ ਰਹਿਣ ਕਰਕੇ ਸਦਾ ਖੁਸ਼ ਅਤੇ ਸੰਤੁਸ਼ਟ ਸਨ। ਭਾਗਾਂ ਵਾਲੇ ਉਹ ਹਨ ਜਿਨ੍ਹਾਂ ਦੇ ਜੀਵਨ ਵਿੱਚ ਸਮੇਂ ਦੇ ਸੰਪੂਰਣ ਗੁਰੂ ਦੇ ਰੂਪ ਵਿੱਚ ਬ੍ਰਹਮਤਾ ਦਾ ਪਾਵਰਹਾਊਸ ਹੈ, ਜੋ ਆਪਣੇ ਸੇਵਕਾਂ ਨੂੰ ਅਧਿਆਤਮਿਕ ਅਤੇ ਦੁਨਿਆਵੀ ਖੇਤਰਾਂ ਵਿੱਚ ਉੱਤਮ ਬਣਾਉਣ ਵਿੱਚ ਮਦਦ ਕਰਦਾ ਹੈ। ਇਸ ਮੌਕੇ ਪ੍ਰਸ਼ਾਸਨ ਦੇ ਨੁਮਾਇੰਦੇ ਅਲੇਸਾਂਦਰੋ ਵੱਸਾਨੀ (ਮਿਊਨਸੀਪਲ ਕਮੇਟੀ ਮਾਨਟੋਵਾ), ਨਿਕੋਲੋ ਅਗੋਸਤਾ (ਡੈਮੋਕਰੇਟਿਕ ਪਾਰਟੀ), ਸਵਾਮੀ ਨਿਤਯਪ੍ਰੇਆਨੰਦ ਗਿਰੀ (ਇਟਾਲੀਅਨ ਹਿੰਦੂ ਯੂਨੀਅਨ), ਸਤੀਸ਼ ਜੋਸ਼ੀ (ਕਨਵੀਨਰ ਭਾਜਪਾ ਇਟਲੀ), ਸਤਵਿੰਦਰ ਮਿਆਣੀ (ਮੁੱਖ ਸੰਪਾਦਕ ਯੂਰਪ ਟਾਈਮਜ਼) ਅਤੇ ਸਾਰੇ ਮੰਦਿਰ ਕਮੇਟੀਆਂ ਦੇ ਨੁਮਾਇੰਦੇ ਹਾਜ਼ਰ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।