ਮੌਤ ਤੋਂ ਪਹਿਲਾਂ ਪਤਨੀ ਤੇ ਬੱਚਿਆਂ ਨਾਲ ਸੁਰੰਗ ''ਚ ਲੁਕਦਾ ਸੀ ਹਮਾਸ ਮੁਖੀ, ਨਵਾਂ ਵੀਡੀਓ ਜਾਰੀ

ਇੰਟਰਨੈਸ਼ਨਲ ਡੈਸਕ : ਇਜ਼ਰਾਈਲੀ ਡਿਫੈਂਸ ਫੋਰਸ (ਆਈਡੀਐੱਫ) ਦੇ ਬੁਲਾਰੇ ਰੀਅਰ ਐਡਮਿਰਲ ਡੇਨੀਅਲ ਹਾਗਾਰੀ ਨੇ ਕਿਹਾ ਕਿ ਭਿਆਨਕ ਹਮਲਿਆਂ ਤੋਂ ਪਹਿਲਾਂ 6 ਅਕਤੂਬਰ ਦੀ ਰਾਤ ਨੂੰ ਸਿਨਵਰ ਨੂੰ ਆਪਣੇ ਪਰਿਵਾਰ ਨਾਲ ਭੂਮੀਗਤ ਬੰਕਰ 'ਚ ਜਾਂਦੇ ਦੇਖਿਆ ਗਿਆ ਸੀ। ਉਹ ਆਪਣੇ ਬਚਾਅ ਦੀ ਤਿਆਰੀ 'ਚ ਰੁੱਝਿਆ ਨਜ਼ਰ ਆ ਰਿਹਾ ਹੈ। IDF ਨੇ ਹਮਾਸ ਦੇ ਮੁਖੀ ਯਾਹਿਆ ਸਿਨਵਰ ਦੀ ਮੌਤ ਤੋਂ ਪਹਿਲਾਂ ਉਸ ਦੀ ਨਵੀਂ ਫੁਟੇਜ ਜਾਰੀ ਕੀਤੀ ਹੈ, ਜਿਸ ਵਿੱਚ ਉਹ ਇੱਕ ਸੁਰੰਗ ਦੇ ਅੰਦਰ ਜਾਂਦਾ ਦਿਖਾਈ ਦੇ ਰਿਹਾ ਹੈ। ਆਈਡੀਐੱਫ ਦੇ ਬੁਲਾਰੇ ਹਗਾਰੀ ਨੇ ਕਿਹਾ ਕਿ ਭਿਆਨਕ ਹਮਲਿਆਂ ਤੋਂ ਪਹਿਲਾਂ 6 ਅਕਤੂਬਰ ਦੀ ਰਾਤ ਨੂੰ ਸਿਨਵਰ ਨੂੰ ਆਪਣੇ ਪਰਿਵਾਰ ਨਾਲ ਭੂਮੀਗਤ ਬੰਕਰ 'ਚ ਜਾਂਦੇ ਦੇਖਿਆ ਗਿਆ ਸੀ। ਉਹ ਆਪਣੇ ਬਚਾਅ ਦੀ ਤਿਆਰੀ 'ਚ ਰੁੱਝਿਆ ਹੋਇਆ ਸੀ। ਫੁਟੇਜ 'ਚ ਦਿਖਾਇਆ ਗਿਆ ਹੈ ਕਿ ਕਿਸ ਤਰ੍ਹਾਂ ਉਸ ਨੂੰ ਭੋਜਨ ਅਤੇ ਹੋਰ ਚੀਜ਼ਾਂ ਦੀ ਸਪਲਾਈ ਕੀਤੀ ਜਾ ਰਹੀ ਹੈ ਤਾਂ ਜੋ ਉਹ ਲੰਬੇ ਸਮੇਂ ਤੱਕ ਸੁਰੰਗ ਦੇ ਅੰਦਰ ਰਹਿ ਸਕੇ।

Ex Hamas Chief Yahya Sinwar Seen Inside Tunnel Hours Before October 7 Attack.

The footage shows Sinwar and his wife and children moving belongings, including a television, water, pillows and mattresses, into a tunnel and preparing to watch his terrorists murder, kidnap and rape. pic.twitter.com/DdVaNRY0iZ

— Relaxed Awareness 😌 (@NischalBhasin) October 20, 2024

ਇਹ ਵੀਡੀਓ ਅਕਤੂਬਰ ਮਹੀਨੇ ਦੇ ਹੀ ਕਿਸੇ ਦਿਨ ਦੇਰ ਰਾਤ ਦਾ ਦੱਸਿਆ ਜਾ ਰਿਹਾ ਹੈ, ਜਦੋਂ 7 ਅਕਤੂਬਰ ਨੂੰ ਇਜ਼ਰਾਈਲ 'ਤੇ ਜਾਨਲੇਵਾ ਹਮਲਾ ਹੋਇਆ ਸੀ। ਵੀਡੀਓ 'ਚ ਸਿਨਵਰ ਆਪਣੀ ਪਤਨੀ ਅਤੇ ਬੱਚਿਆਂ ਨਾਲ ਭੂਮੀਗਤ ਸੁਰੰਗ 'ਚ ਜਾਂਦਾ ਦਿਖਾਈ ਦੇ ਰਿਹਾ ਹੈ। ਇਸ ਬਾਰੇ ਹਗਾਰੀ ਨੇ ਕਿਹਾ, 'ਇਕ ਵਾਰ ਫਿਰ ਇਹ ਸਾਬਤ ਹੋ ਗਿਆ ਹੈ ਕਿ ਅੱਤਵਾਦੀ ਸੰਗਠਨ ਹਮਾਸ ਦੇ ਨੇਤਾ ਆਪਣੀ ਜਾਨ ਬਚਾਉਣ ਲਈ ਗਾਜ਼ਾ ਦੇ ਲੋਕਾਂ ਦੀ ਜਾਨ ਦੀ ਪਰਵਾਹ ਨਹੀਂ ਕਰਦੇ। ਉਹ ਇਨ੍ਹਾਂ ਨੂੰ ਮਨੁੱਖੀ ਢਾਲ ਵਜੋਂ ਵਰਤਦੇ ਹਨ। ਹਗੜੀ ਨੇ ਦੱਸਿਆ ਕਿ ਸਿਨਵਰ ਨੇ ਉਸ ਨਾਲ ਮੋਟੀ ਰਕਮ ਵੀ ਇਕੱਠੀ ਕੀਤੀ ਸੀ। ਆਈਡੀਐੱਫ ਦੇ ਬੁਲਾਰੇ ਨੇ ਕਿਹਾ ਕਿ ਯਾਹਿਆ ਸਿਨਵਰ ਯੁੱਧ ਦੌਰਾਨ ਖਾਨ ਯੂਨਿਸ ਅਤੇ ਰਫਾਹ ਵਿਚਕਾਰ ਆਵਾਜਾਈ ਕਰਦਾ ਸੀ। ਉਹ ਸਾਰਾ ਸਮਾਂ ਗਾਜ਼ਾ 'ਚ ਸੀ। ਵੀਡੀਓ ਫੁਟੇਜ 'ਚ ਉਹ ਆਪਣੇ ਪਰਿਵਾਰ ਨਾਲ ਨਜ਼ਰ ਆ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਆਈਡੀਐੱਫ ਕੋਲ ਸਿਨਵਰ ਦੇ ਪਰਿਵਾਰ ਬਾਰੇ ਦਸਤਾਵੇਜ਼ ਵੀ ਹਨ।

ਹਾਗਾਰੀ ਨੇ ਕਿਹਾ ਕਿ IDF ਨੇ ਉਸ ਦੀ ਨਿਗਰਾਨੀ ਕਰਨਾ ਜਾਰੀ ਰੱਖਿਆ ਅਤੇ ਖੁਫੀਆ ਸਰੋਤਾਂ ਦੀ ਵਰਤੋਂ ਕਰ ਕੇ ਵਾਧੂ ਸਬੂਤ ਇਕੱਠੇ ਕੀਤੇ। ਸਿਨਵਰ ਦੀ ਮੌਤ ਤੋਂ ਤਿੰਨ ਦਿਨ ਬਾਅਦ, ਇਜ਼ਰਾਈਲੀ ਬਲਾਂ ਨੇ ਦੱਖਣੀ ਗਾਜ਼ਾ 'ਚ ਪਰਚੇ ਛੱਡੇ। ਇਨ੍ਹਾਂ ਪਰਚਿਆਂ ਵਿਚ ਸਿਨਵਰ ਦੀ ਇਕ ਹੋਰ ਤਸਵੀਰ ਦਿਖਾਈ ਗਈ, ਜਿਸ ਵਿਚ ਉਹ ਕੁਰਸੀ 'ਤੇ ਮਰਿਆ ਹੋਇਆ ਪਿਆ ਸੀ। ਉਸ ਦੀ ਉਂਗਲੀ ਕੱਟੀ ਗਈ ਸੀ ਅਤੇ ਉਸ ਦੇ ਸਿਰ ਤੋਂ ਖੂਨ ਵਹਿ ਰਿਹਾ ਸੀ। ਪੈਂਫਲੈਟ 'ਚ ਲਿਖਿਆ ਸੀ ਕਿ ਸਿਨਵਰ ਨੇ ਤੁਹਾਡੀ ਜ਼ਿੰਦਗੀ ਬਰਬਾਦ ਕਰ ਦਿੱਤੀ ਹੈ। ਉਹ ਇੱਕ ਹਨੇਰੇ 'ਚ ਛੁਪ ਗਿਆ ਅਤੇ ਡਰ ਕੇ ਭੱਜਦੇ ਹੋਏ ਮਾਰਿਆ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ ਹਮਾਸ ਦੇ ਸਿਆਸੀ ਨੇਤਾ ਇਸਮਾਈਲ ਹਾਨੀਆ ਦੀ ਈਰਾਨ ਦੇ ਇੱਕ ਹੋਟਲ ਦੇ ਕਮਰੇ ਵਿੱਚ ਮੌਤ ਹੋ ਗਈ ਸੀ। ਲੇਬਨਾਨ ਦੇ ਹਿਜ਼ਬੁੱਲਾ ਸਮੂਹ ਦੇ ਨੇਤਾ ਹਸਨ ਨਸਰੱਲਾਹ ਦੀ ਇੱਕ ਭੂਮੀਗਤ ਬੰਕਰ ਵਿੱਚ ਦਰਜਨਾਂ ਵੱਡੇ ਬੰਬ ਧਮਾਕਿਆਂ ਤੋਂ ਬਾਅਦ ਮੌਤ ਹੋ ਗਈ।