ਇਸਕਾਨ ਬ੍ਰਿਟੇਨ ਨੇ ਇਤਿਹਾਸਕ ਲੰਡਨ ਸਥਾਨ ਪ੍ਰਾਪਤ ਕਰਨ ਦਾ ਮਨਾਇਆ ਜਸ਼ਨ
Sunday, Nov 30, 2025 - 01:42 AM (IST)
ਲੰਡਨ – ਬ੍ਰਿਟੇਨ ਵਿਚ ਇੰਟਰਨੈਸ਼ਨਲ ਸੋਸਾਇਟੀ ਫਾਰ ਕ੍ਰਿਸ਼ਨਾ ਕੌਂਸ਼ੀਅਸਨੈੱਸ (ਇਸਕਾਨ) ਇਸ ਹਫ਼ਤੇ ਇਕ ਨਿਲਾਮੀ ਵਿਚ ਲੰਡਨ ’ਚ ਆਪਣੇ ਮੂਲ ਮੰਦਰ ਸਥਾਨ ਨੂੰ ਪ੍ਰਾਪਤ ਕਰਨ ਦਾ ਜਸ਼ਨ ਮਨਾ ਰਿਹਾ ਹੈ। ਕੇਂਦਰੀ ਲੰਡਨ ਦੇ ਬਲੂਮਸਬਰੀ ਇਲਾਕੇ ਵਿਚ 7 ਬਰੀ ਪਲੇਸ ਸਥਿਤ ਇਤਿਹਾਸਕ ਇਮਾਰਤ 1968 ਦੀ ਹੈ, ਜਦੋਂ ਇਸਕਾਨ ਦੇ ਸੰਸਥਾਪਕ ਸ਼੍ਰੀਲ ਪ੍ਰਭੂਪਾਦ ਨੇ ਬ੍ਰਿਟੇਨ ਵਿਚ ਇਕ ਮਿਸ਼ਨ ਸਥਾਪਿਤ ਕਰਨ ਲਈ 3 ਅਮਰੀਕੀ ਜੋੜਿਆਂ ਨੂੰ ਭੇਜਿਆ ਸੀ। ਇਸ ਨੂੰ ਅੰਤ ਵਿਚ ਬੀਟਲ ਗਾਇਕ ਜਾਰਜ ਹੈਰੀਸਨ ਵਰਗੇ ਸਮਰਥਕਾਂ ਦੀ ਮਦਦ ਨਾਲ ਪ੍ਰਾਪਤ ਕੀਤਾ ਗਿਆ ਸੀ, ਜਿਨ੍ਹਾਂ ਨੇ ਅਸਲ ਲੀਜ਼ ’ਤੇ ਸਹਿ-ਦਸਤਖਤ ਕੀਤੇ ਸਨ ਅਤੇ ਇਹ ਬ੍ਰਿਟੇਨ ਵਿਚ ਇਸਕਾਨ ਦੇ ਸ਼ੁਰੂਆਤੀ ਕੰਮ ਦਾ ਆਧਾਰ ਬਣਿਆ।
