ਈਰਾਨ-ਅਮਰੀਕਾ ਤਣਾਅ ਨਾਲ ਖੜ੍ਹਾ ਹੋ ਸਕਦੈ ਵੱਡਾ ਸੰਕਟ : ਪੋਪ ਫ੍ਰਾਂਸਿਸ
Thursday, Jan 09, 2020 - 11:45 PM (IST)
ਵੈਟੀਕਨ ਸਿਟੀ - ਪੋਪ ਫ੍ਰਾਂਸਿਸ ਨੇ ਵੀਰਵਾਰ ਨੂੰ ਅਮਰੀਕਾ ਅਤੇ ਈਰਾਨ ਤੋਂ ਸੰਯਮ ਵਰਤਣ ਦੀ ਅਪੀਲ ਕਰਦੇ ਹੋਏ ਜ਼ਿਕਰ ਕੀਤਾ ਕਿ ਇਸ ਨਾਲ ਪੱਛਮੀ ਏਸ਼ੀਆ 'ਚ ਵੱਡਾ ਸੰਕਟ ਖੜ੍ਹਾ ਹੋ ਸਕਦਾ ਹੈ। ਪੋਪ ਨੇ ਵੈਟੀਕਨ ਡਿਪਲੋਮੈਟ ਨੂੰ ਆਪਣੇ ਸਾਲਾਨਾ ਭਾਸ਼ਣ 'ਚ ਆਖਿਆ ਕਿ ਈਰਾਨ ਅਤੇ ਅਮਰੀਕਾ ਵਿਚਾਲੇ ਵਧਦੇ ਤਣਾਅ ਤੋਂ ਬਾਅਦ ਪੂਰੇ ਖੇਤਰ ਤੋਂ ਮਿਲ ਰਹੇ ਸੰਕੇਤ ਖਾਸ ਤੌਰ 'ਤੇ ਚਿੰਤਾ ਪੈਦਾ ਕਰਨ ਵਾਲੇ ਹਨ।
ਈਰਾਨ ਨੇ ਬੁੱਧਵਾਰ ਨੂੰ ਇਰਾਕ 'ਚ ਅਮਰੀਕਾ ਅਤੇ ਹੋਰ ਦੂਜੇ ਦੇਸ਼ਾਂ ਦੇ ਫੌਜੀਆਂ ਦੇ 2 ਟਿਕਾਣਿਆਂ 'ਤੇ 22 ਬੈਲੇਸਟਿਕ ਮਿਜ਼ਾਈਲਾਂ ਦਾਗੀਆਂ ਸਨ। ਉਸ ਦਾ ਇਹ ਹਮਲਾ ਅਮਰੀਕਾ ਵੱਲੋਂ ਪਿਛਲੇ ਹਫਤੇ ਈਰਾਨੀ ਕਮਾਂਡਰ ਕਾਸਿਮ ਸੁਲੇਮਾਨੀ ਨੂੰ ਮਾਰੇ ਜਾਣ ਦੇ ਬਦਲੇ 'ਚ ਚੁੱਕਿਆ ਗਿਆ ਮੰਨਿਆ ਗਿਆ। ਪੋਪ ਫ੍ਰਾਂਸਿਸ ਨੇ ਆਖਿਆ ਕਿ ਹਮਲੇ ਨਾਲ ਇਰਾਕ 'ਚ ਪੁਨਰ ਨਿਰਮਾਣ ਦੀ ਪ੍ਰਕਿਰਿਆ ਨੂੰ ਖਤਰਾ ਪੈਦਾ ਹੋ ਸਕਦਾ ਹੈ ਅਤੇ ਅਜਿਹੇ ਵੱਡੇ ਸੰਕਟ ਦੀ ਚਿੰਗਾਰੀ ਲੱਗ ਸਕਦੀ ਹੈ, ਜਿਸ ਨੂੰ ਅਸੀਂ ਸਾਰੇ ਟਾਲਣਾ ਚਾਹੁੰਦੇ ਹਾਂ। ਉਨ੍ਹਾਂ ਆਖਿਆ ਕਿ ਮੈਂ ਇਸ ਲਈ ਆਪਣੀ ਅਪੀਲ ਦੁਹਰਾਉਂਦਾ ਹਾਂ ਕਿ ਸਾਰੇ ਇਛੁੱਕ ਪੱਖ ਸੰਘਰਸ਼ ਨੂੰ ਵੱਧਣ ਤੋਂ ਰੋਕਣ ਅਤੇ ਅੰਤਰਰਾਸ਼ਟਰੀ ਕਾਨੂੰਨ ਦਾ ਪੂਰੀ ਤਰ੍ਹ ਸਨਮਾਨ ਕਰਦੇ ਹੋਏ ਸੰਵਾਦ ਅਤੇ ਆਤਮ ਸੰਯਮ ਦੀ ਲਾਈਟ ਜਲਾਏ ਰੱਖਣ।
