ਸਿੰਗਾਪੁਰ ''ਚ 3 ਔਰਤਾਂ ਨਾਲ ਛੇੜਛਾੜ ਦੇ ਦੋਸ਼ ''ਚ ਭਾਰਤੀ ਯੋਗਾ ਇੰਸਟ੍ਰਕਟਰ ਨੂੰ ਹੋਈ ਜੇਲ੍ਹ

ਸਿੰਗਾਪੁਰ — ਸਿੰਗਾਪੁਰ 'ਚ ਇਕ ਸਾਬਕਾ ਭਾਰਤੀ ਯੋਗਾ ਇੰਸਟ੍ਰਕਟਰ ਨੂੰ ਸ਼ੁੱਕਰਵਾਰ ਨੂੰ ਤਿੰਨ ਔਰਤਾਂ ਨਾਲ ਛੇੜਛਾੜ ਕਰਨ ਦੇ ਦੋਸ਼ 'ਚ 23 ਮਹੀਨਿਆਂ ਦੀ ਜੇਲ ਦੀ ਸਜ਼ਾ ਸੁਣਾਈ ਗਈ, ਜਦੋਂ ਉਹ ਉਨ੍ਹਾਂ ਨਾਲ ਯੋਗਾ ਕਲਾਸਾਂ ਕਰਾ ਰਿਹਾ ਸੀ। ਰਾਜਪਾਲ ਸਿੰਘ (35) ਯੋਗਾ ਟਰੱਸਟ, ਤੇਲੋਕ ਅਯਰ ਸਟਰੀਟ ਵਿਖੇ ਇੰਸਟ੍ਰਕਟਰ ਵਜੋਂ ਕੰਮ ਕਰ ਰਿਹਾ ਸੀ, ਜਦੋਂ ਉਸਨੇ ਕਥਿਤ ਜੁਰਮ ਨੂੰ ਅੰਜਾਮ ਦਿੱਤਾ। ਸਿੰਘ ਨੇ ਯੋਗਾ ਕਲਾਸਾਂ ਦੌਰਾਨ ਤਿੰਨ ਪੀੜਤਾਂ ਨਾਲ ਛੇੜਛਾੜ ਕੀਤੀ। 'ਦਿ ਸਟਰੇਟਸ ਟਾਈਮਜ਼' ਅਖਬਾਰ ਦੇ ਅਨੁਸਾਰ, ਸਜ਼ਾ ਸੁਣਾਉਣ ਤੋਂ ਪਹਿਲਾਂ ਜ਼ਿਲ੍ਹਾ ਜੱਜ ਸ਼ਰਮੀਲਾ ਸ਼੍ਰੀਪਤੀ-ਸ਼ਨਾਜ਼ ਨੇ ਕਿਹਾ ਕਿ ਸਿੰਘ ਨੇ ਪੀੜਤਾਂ ਦੁਆਰਾ ਰੱਖੇ ਗਏ ਭਰੋਸੇ ਦੀ ਦੁਰਵਰਤੋਂ ਕੀਤੀ ਹੈ।

ਜੱਜ ਨੇ ਕਿਹਾ ਕਿ ਇੱਕ ਪੀੜਤ ਨੇ ਇੱਕ ਸਲਾਹਕਾਰ ਤੋਂ ਥੈਰੇਪੀ ਪ੍ਰਾਪਤ ਕੀਤੀ ਅਤੇ ਅੱਗੇ ਕਿਹਾ: ਪੀੜਤ ਨੇ ਗਵਾਹੀ ਦਿੱਤੀ ਕਿ ਉਹ ਯੋਗਾ ਕਲਾਸਾਂ ਨੂੰ 'ਸੁਰੱਖਿਅਤ ਥਾਂ' ਸਮਝਦੀ ਸੀ ਅਤੇ ਯੋਗਾ ਕਲਾਸ ਦੇ ਦੌਰਾਨ ਇੱਕ ਅਧਿਆਪਕ ਉਸ ਨਾਲ ਇਸ ਤਰ੍ਹਾਂ ਦੁਰਵਿਵਹਾਰ ਕਰਨ ਦੀ ਉਮੀਦ ਨਹੀਂ ਕਰਦਾ ਸੀ। ਬਚਾਅ ਪੱਖ ਦੇ ਵਕੀਲ ਅਨਿਲ ਮੁਰਕੋਥ ਚਾਂਗਰੋਥ ਨੇ ਕਿਹਾ ਕਿ ਉਨ੍ਹਾਂ ਦਾ ਮੁਵੱਕਿਲ ਆਪਣੀ ਸਜ਼ਾ ਦੀ ਅਪੀਲ ਕਰੇਗਾ। ਤੇਰ੍ਹਾਂ ਦਿਨਾਂ ਦੀ ਸੁਣਵਾਈ ਤੋਂ ਬਾਅਦ ਜੱਜ ਨੇ ਸਿੰਘ ਨੂੰ 16 ਮਈ ਨੂੰ ਤਿੰਨ ਔਰਤਾਂ ਨਾਲ ਛੇੜਛਾੜ ਦੇ ਪੰਜ ਮਾਮਲਿਆਂ ਵਿੱਚ ਦੋਸ਼ੀ ਠਹਿਰਾਇਆ। ਬਚਾਅ ਪੱਖ ਦੇ ਵਕੀਲ ਅਨਿਲ ਮੁਰਕੋਥ ਚਾਂਗਰੋਥ ਨੇ ਕਿਹਾ ਕਿ ਉਨ੍ਹਾਂ ਦਾ ਮੁਵੱਕਿਲ ਆਪਣੀ ਸਜ਼ਾ ਦੀ ਅਪੀਲ ਕਰੇਗਾ।