UAE ''ਚ ਚਮਕੀ ਭਾਰਤੀ ਮਹਿਲਾ ਦੀ ਕਿਸਮਤ, ਜਿੱਤੇ 2 ਕਰੋੜ ਰੁਪਏ

ਆਬੂ ਧਾਬੀ (ਬਿਊਰੋ): ਸੰਯੁਕਤ ਅਰਬ ਅਮੀਰਾਤ ਦੀ ਰਾਜਧਾਨੀ ਆਬੂ ਧਾਬੀ ਵਿੱਚ ਰਹਿਣ ਵਾਲੇ ਇੱਕ ਭਾਰਤੀ ਪ੍ਰਵਾਸੀ ਨੇ 10 ਲੱਖ ਦਿਰਹਾਮ (2.16 ਕਰੋੜ ਰੁਪਏ ਤੋਂ ਵੱਧ) ਦਾ ਬੰਪਰ ਇਨਾਮ ਜਿੱਤਿਆ ਹੈ। ਲੂਲੂ ਗਰੁੱਪ ਇੰਟਰਨੈਸ਼ਨਲ ਦੇ ਇੱਕ ਡਿਜੀਟਲ ਡਰਾਅ ਨੇ ਰਾਤੋ-ਰਾਤ ਇੱਕ ਭਾਰਤੀ ਪਰਿਵਾਰ ਦੀ ਕਿਸਮਤ ਬਦਲ ਦਿੱਤੀ। ਇਹ ਮੁਕਾਬਲਾ ਗਰੁੱਪ ਦੀ 'ਮਾਲ ਮਿਲੀਅਨੇਅਰ' ਮੁਹਿੰਮ ਦਾ ਹਿੱਸਾ ਸੀ। ਇਹ ਅਪ੍ਰੈਲ ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਅਗਸਤ ਦੇ ਪਹਿਲੇ ਹਫ਼ਤੇ ਤੱਕ ਜਾਰੀ ਰਹੇਗਾ। ਆਬੂ ਧਾਬੀ ਅਤੇ ਅਲ ਆਇਨ ਵਿੱਚ ਸਾਰੇ ਨੌਂ ਭਾਗ ਲੈਣ ਵਾਲੇ ਮਾਲਾਂ ਵਿੱਚ ਗਾਹਕ ਘੱਟੋ-ਘੱਟ 200 ਦਿਰਹਾਮ ਦੀ ਖਰੀਦਦਾਰੀ ਕਰ ਸਕਦੇ ਹਨ ਅਤੇ ਇੱਕ ਕੂਪਨ ਨੰਬਰ ਪ੍ਰਾਪਤ ਕਰ ਸਕਦੇ ਹਨ ਜੋ ਗ੍ਰੈਂਡ ਡਰਾਅ ਅਤੇ ਵੀਕਲੀ ਇਨਾਮ ਜਿੱਤ ਸਕਦਾ ਹੈ।

ਖਲੀਜ ਟਾਈਮਜ਼ ਦੀ ਰਿਪੋਰਟ ਮੁਤਾਬਕ ਭਾਰਤੀ ਮੂਲ ਦੀ ਸੇਲਵਰਾਨੀ ਡੇਨੀਅਲ ਜੋਸੇਫ ਜੋ ਦੋ ਬੱਚਿਆਂ ਦੀ ਮਾਂ ਹੈ, ਨੇ ਇਸ ਹਫ਼ਤੇ ਆਪਣੇ 80 ਕੂਪਨਾਂ ਵਿੱਚੋਂ ਇੱਕ ਜਿੱਤਿਆ। ਹਾਲਾਂਕਿ ਫਿਲਹਾਲ ਉਹ ਛੁੱਟੀਆਂ ਮਨਾਉਣ ਤਾਮਿਲਨਾਡੂ ਸਥਿਤ ਆਪਣੇ ਘਰ ਆਈ ਹੋਈ ਹੈ। ਇਸ ਸਬੰਧੀ ਜਾਣਕਾਰੀ ਦੇਣ ਲਈ ਜਦੋਂ ਮਾਲ ਪ੍ਰਬੰਧਕਾਂ ਦੁਆਰਾ ਫੋਨ ਕੀਤਾ ਗਿਆ ਤਾਂ ਉਨ੍ਹਾਂ ਦਾ ਫੋਨ ਨਹੀਂ ਮਿਲਿਆ। ਖਲੀਜ ਟਾਈਮਜ਼ ਨਾਲ ਗੱਲਬਾਤ ਕਰਦਿਆਂ ਉਸ ਦੇ ਪਤੀ ਅਰੁਲਸੇਕਰ ਅੰਤਨੀਸਾਮੀ ਨੇ ਕਿਹਾ ਕਿਇਹ ਬਹੁਤ ਨਾਟਕੀ ਹੈ ਕਿਉਂਕਿ ਕੂਪਨ ਮੇਰੀ ਪਤਨੀ ਦੇ ਮੋਬਾਈਲ ਨੰਬਰ 'ਤੇ ਰਜਿਸਟਰਡ ਹਨ।

ਪੜ੍ਹੋ ਇਹ ਅਹਿਮ  ਖ਼ਬਰ- ਕੈਨੇਡਾ ਵੱਲੋਂ ਵੀਜ਼ੇ ਰੱਦ ਕਰਨ ਦੀ ਦਰ 'ਚ ਲਗਾਤਾਰ ਵਾਧਾ, ਪੰਜਾਬੀ ਹੋਏ ਸਭ ਤੋਂ ਵੱਧ ਪ੍ਰਭਾਵਿਤ

ਉਸ ਨੇ ਕਿਹਾ ਕਿ ਜਦੋਂ ਆਯੋਜਕਾਂ ਨੇ ਬੁੱਧਵਾਰ ਨੂੰ ਮੇਰੀ ਪਤਨੀ ਨੂੰ ਫ਼ੋਨ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਦਾ ਫ਼ੋਨ ਉਪਲਬਧ ਨਹੀਂ ਸੀ। ਭਾਰਤ ਵਿੱਚ ਮੇਰੀ ਪਤਨੀ ਨੇ ਆਪਣੇ ਫੋਨ ਤੋਂ ਯੂਏਈ ਦਾ ਸਿਮ ਹਟਾ ਦਿੱਤਾ ਹੈ। ਚੰਗੀ ਗੱਲ ਇਹ ਹੈ ਕਿ ਉਨ੍ਹਾਂ ਦਾ ਵਟਸਐਪ ਕੰਮ ਕਰ ਰਿਹਾ ਹੈ। ਜਦੋਂ ਫੋਨ ਉਪਲਬਧ ਨਹੀਂ ਸੀ ਤਾਂ ਪ੍ਰਬੰਧਕਾਂ ਨੇ ਉਸ ਨੂੰ ਵਟਸਐਪ ਕਾਲ ਕਰਨ ਦੀ ਕੋਸ਼ਿਸ਼ ਕੀਤੀ ਅਤੇ ਫਿਰ ਇੱਕ ਵੌਇਸ ਨੋਟ ਭੇਜਿਆ। ਇਤਫ਼ਾਕ ਨਾਲ ਉਹ ਉਸ ਸਮੇਂ ਆਪਣਾ ਫ਼ੋਨ ਚਲਾ ਰਹੀ ਸੀ। ਮੈਂ ਆਬੂ ਧਾਬੀ ਵਿੱਚ ਸੀ ਜਦੋਂ ਉਹਨਾਂ ਨੇ ਮੈਨੂੰ ਫੋਨ ਕੀਤਾ।

ਦੋ ਸਾਲਾਂ ਬਾਅਦ ਕਰਵਾਇਆ ਜਾ ਰਿਹਾ 'ਮਾਲ ਕਰੋੜਪਤੀ'

ਜੇਤੂ ਜੋੜਾ 14 ਸਾਲਾਂ ਤੋਂ ਆਬੂ ਧਾਬੀ ਵਿੱਚ ਰਹਿ ਰਿਹਾ ਹੈ ਅਤੇ ਖਰੀਦਦਾਰੀ ਲਈ ਅਕਸਰ ਲੂਲੂ ਮਾਲ ਵਿੱਚ ਜਾਂਦਾ ਹੈ। ਇਸ ਜੋੜੇ ਦੇ ਦੋ ਬੱਚੇ ਹਨ, ਜਿਨ੍ਹਾਂ 'ਚੋਂ ਬੇਟਾ ਤਾਮਿਲਨਾਡੂ 'ਚ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕਰ ਰਿਹਾ ਹੈ ਅਤੇ ਬੇਟੀ 12ਵੀਂ 'ਚ ਪੜ੍ਹ ਰਹੀ ਹੈ। ਲੂਲੂ ਦੀ ਸਾਈਡ 'ਮਾਲ ਮਿਲੀਅਨੇਅਰ' ਦੋ ਸਾਲਾਂ ਬਾਅਦ ਆਯੋਜਿਤ ਕੀਤੀ ਜਾ ਰਹੀ ਹੈ। ਮੈਗਾ ਇਨਾਮ ਤੋਂ ਇਲਾਵਾ ਗਾਹਕਾਂ ਲਈ 25000 ਦਿਰਹਾਮ ਇਨਾਮੀ ਰਾਸ਼ੀ ਦੇ ਕਈ ਹਫ਼ਤਾਵਾਰੀ ਇਨਾਮ ਵੀ ਰੱਖੇ ਗਏ ਹਨ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।