ਜੇਕਰ ਮੇਰੀ ਪਾਰਟੀ ਨੇ ਕਾਂਗਰਸ ''ਚ ਬਹੁਮਤ ਖੋਹ ਦਿੱਤਾ ਤਾਂ ਮੈਂ ਜ਼ਿੰਮੇਵਾਰ ਨਹੀਂ ਹੋਵਾਂਗਾ : ਟਰੰਪ

ਵਾਸ਼ਿੰਗਟਨ — ਅਮਰੀਕੀ ਕਾਂਗਰਸ ਚੋਣਾਂ 'ਚ ਹਾਰ ਦੇ ਸ਼ੱਕ ਦਾ ਸਾਹਮਣਾ ਕਰ ਰਹੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਆਖਿਆ ਕਿ ਨਵੰਬਰ 'ਚ ਜੇਕਰ ਉਨ੍ਹਾਂ ਦੀ ਪਾਰਟੀ ਸਦਨ 'ਚ ਬਹੁਮਤ ਖੋਹ ਦਿੰਦੀ ਹੈ ਤਾਂ ਉਹ ਇਸ ਦੀ ਜ਼ਿੰਮੇਵਾਰੀ ਸਵੀਕਾਰ ਨਹੀਂ ਕਰਨਗੇ। ਟਰੰਪ ਨੇ ਕਿਹਾ ਕਿ ਉਨ੍ਹਾਂ ਦੇ ਪ੍ਰਚਾਰ ਅਤੇ ਸਮਰਥਨ ਦੇ ਰਿਪਬਲਿਕਨ ਉਮੀਦਵਾਰਾਂ ਦੀ ਮਦਦ ਕੀਤੀ ਹੈ। ਚੋਣਾਂ ਦੇ ਦਿਨ ਤੋਂ 3 ਹਫਤੇ ਪਹਿਲਾਂ ਟਰੰਪ ਨੇ ਇਕ ਬਿਆਨ 'ਚ ਕਿਹਾ ਕਿ ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਵੋਟਰਾਂ ਦਾ ਉਤਸ਼ਾਹ ਘੱਟ ਪੈ ਰਿਹਾ ਹੈ, ਹਾਲਾਂਕਿ ਉਨ੍ਹਾਂ ਉਮੀਦ ਹੈ ਕਿ ਉਨ੍ਹਾਂ ਦੇ ਸਭ ਤੋਂ ਕੱਟੜ ਸਮਰਥਕ ਉਦੋਂ ਵੀ ਵੋਟ ਪਾਉਣਗੇ। ਇਹ ਪੁੱਛੇ ਜਾਣ 'ਤੇ ਕਿ 6 ਨਵੰਬਰ ਜਾਂ ਇਸ ਦੇ ਕੁਝ ਦਿਨ ਸਦਨ 'ਚ ਜੇਕਰ ਰਿਪਬਲਿਕਨ ਨੇ ਕੰਟਰੋਲ ਖੋਹ ਦਿੱਤਾ ਤਾਂ ਕੀ ਉਹ ਇਸ ਦੇ ਲਈ ਕੁਝ ਜ਼ਿੰਮੇਵਾਰੀ ਲੈਣਗੇ। ਟਰੰਪ ਨੇ ਜਵਾਬ ਦਿੰਦਿਆਂ ਆਖਿਆ, 'ਨਹੀਂ, ਮੈਨੂੰ ਲੱਗਦਾ ਹੈ ਕਿ ਮੈਂ ਲੋਕਾਂ ਦੀ ਮਦਦ ਕਰ ਰਿਹਾ ਹਾਂ।'
ਇਸ ਬਾਰੇ 'ਚ ਟਰੰਪ ਨੇ ਸੰਖੇਪ 'ਚ ਕਿਹਾ ਕਿ ਮੈਨੂੰ ਨਹੀਂ ਲੱਗਦਾ ਕਿ ਕਿਸੇ ਦਾ ਵੀ ਇਸ ਤਰ੍ਹਾਂ ਦਾ ਪ੍ਰਭਾਵ ਪੈ ਸਕਦਾ ਹੈ। ਉਹ ਲੋਕ ਕਹਿੰਦੇ ਹਨ ਕਿ ਪੁਰਾਣੇ ਦਿਨਾਂ 'ਚ ਜੇਕਰ ਤੁਹਾਨੂੰ ਰਾਸ਼ਟਰਪਤੀ ਦਾ ਸਮਰਥਨ ਹਾਸਲ ਸੀ ਜਾਂ ਜੇਕਰ ਤੁਸੀਂ ਕਿਸੇ ਹੋਰ ਦਾ ਸਮਰਥਨ ਪਾਇਆ ਸੀ ਤਾਂ ਇਹ ਚੰਗਾ ਰਹਿੰਦਾ, ਪਰ ਇਸ ਦਾ ਮਤਲਬ ਕੁਝ ਨਹੀਂ ਬਿਲਕੁਲ ਨਾਮਾਤਰ ਹੈ।
ਟਰੰਪ ਆਪਣਾ ਆਧਾਰ ਮਜ਼ਬੂਤ ਕਰਨ ਲਈ ਕਾਫੀ ਸਾਵਧਾਨੀ ਨਾਲ ਅਭਿਆਨ ਚਲਾ ਰਹੇ ਹਨ। ਉਨ੍ਹਾਂ ਨੇ ਆਖਿਆ ਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਹ ਆਪਣਾ ਕੰਮ ਕਰ ਰਹੇ ਹਨ ਪਰ ਉਨ੍ਹਾਂ ਨੇ ਆਪਣੇ ਕਿਸੇ ਸਮਰਥਕ ਤੋਂ ਇਹ ਸੁਣਿਆ ਕਿ ਉਹ ਇਸ ਨਵੰਬਰ 'ਚ ਵੋਟ ਨਹੀਂ ਦੇ ਸਕਦੇ। ਉਨ੍ਹਾਂ ਕਿਹਾ ਕਿ ਮੈਂ ਕਾਂਗਰਸ ਨੂੰ ਪਸੰਦ ਕਰਦਾ ਹਾਂ, ਜੇਕਰ ਡੈਮੋਕ੍ਰੇਟ ਸਦਨ 'ਚ ਬਹੁਮਤ 'ਚ ਆ ਜਾਂਦੇ ਹਨ ਅਤੇ ਜਾਂਚ ਕਰਦੇ ਹਨ ਤਾਂ ਉਹ ਇਸ ਨਾਲ ਨਜਿੱਠਣਗੇ। ਟਰੰਪ ਨੇ ਕਿਹਾ ਕਿ ਵਾਸ਼ਿੰਗਟਨ ਦੇ ਐਡਵੋਕੇਟ ਪੈਟ ਸਿਪੋਲੋਨ ਵ੍ਹਾਈਟ ਹਾਊਸ ਦੇ ਅਗਲੇ ਵਕੀਲ ਦੇ ਰੂਪ 'ਚ ਸੇਵਾ ਦੇਣਗੇ। ਉਨ੍ਹਾਂ ਨੇ ਸੰਯੁਕਤ ਰਾਸ਼ਟਰ 'ਚ ਅਮਰੀਕੀ ਰਾਜਦੂਤ ਨਿੱਕੀ ਹੇਲੀ ਦੀ ਥਾਂ 'ਤੇ ਇਕ ਨਵੀਂ ਨਿਯੁਕਤੀ ਦੀ 1-2 ਹਫਤਿਆਂ 'ਚ ਐਲਾਨ ਕਰਨ ਦੀ ਵੀ ਉਮੀਦ ਜਤਾਈ।