ਮੋਦੀ ਦੀ ਥਾਂ ਕੋਈ ਹੋਰ ਹੁੰਦਾ ਤਾਂ ਚੰਗੇ ਹੁੰਦੇ ਭਾਰਤ ਨਾਲ ਰਿਸ਼ਤੇ- ਇਮਰਾਨ ਖਾਨ

ਇਸਲਾਮਾਬਾਦ - ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਕਿਹਾ ਕਿ ਜੇਕਰ ਭਾਰਤ ਵਿੱਚ ਨਰਿੰਦਰ ਮੋਦੀ ਦੀ ਥਾਂ ਕੋਈ ਹੋਰ ਹੁੰਦਾ ਤਾਂ ਸ਼ਾਇਦ ਸਾਡੇ ਰਿਸ਼ਤੇ ਬਿਹਤਰ ਹੁੰਦੇ। ਦਰਅਸਲ ਹਾਲ ਹੀ ਵਿੱਚ ਇਮਰਾਨ ਖਾਨ ਨੇ The New York Times ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਇਹ ਗੱਲ ਕਹੀ ਹੈ। ਇਮਰਾਨ ਖਾਨ ਨੇ ਕਿਹਾ ਕਿ ਮੈਂ ਸੋਚਦਾ ਹਾਂ ਕਿ ਇਹ ਆਰ.ਐੱਸ.ਐੱਸ. ਦੀ ਇੱਕ ਅਜੀਬ ਸੋਚ ਹੈ, ਜਿਸਦੇ ਨਾਲ ਨਰਿੰਦਰ ਮੋਦੀ ਸਬੰਧ ਰੱਖਦੇ ਹਨ। ਜੇਕਰ ਭਾਰਤ ਵਿੱਚ ਨਰਿੰਦਰ ਮੋਦੀ ਦੀ ਥਾਂ ਦੂਜੇ ਨੇਤਾ ਹੁੰਦੇ ਤਾਂ ਉਨ੍ਹਾਂ ਨੂੰ ਪਾਕਿਸਤਾਨ ਦਾ ਬਿਹਤਰ ਰਿਸ਼ਤਾ ਹੋ ਸਕਦਾ ਸੀ ਅਤੇ ਹਾਂ, ਅਸੀਂ ਆਪਣੇ ਸਾਰੇ ਵੱਖ-ਵੱਖ ਮੁੱਦਿਆਂ ਨੂੰ ਸੁਲਝਾ ਵੀ ਲੈਂਦੇ।

ਇਹ ਵੀ ਪੜ੍ਹੋ- ਅਲ ਸਲਵਾਡੋਰ 'ਚ ਕ੍ਰਿਪਟੋਕਰੰਸੀ’ ਦਾ ਲੀਗਲ ਹੋਣਾ, ਬੈਂਕਾਂ ਲਈ ਬਣਿਆ ਨਵਾਂ ‘ਸਿਰਦਰਦ’! 

ਇਸ ਇੰਟਰਵਿਊ ਦੌਰਾਨ ਜਦੋਂ ਨਿਊਯਾਰਕ ਟਾਈਮਜ਼ ਦੇ ਰਿਪੋਰਟਰ ਨੇ ਇਮਰਾਨ ਖਾਨ ਤੋਂ ਪੁੱਛਿਆ ਕਿ ਜੇਕਰ ਮੋਦੀ ਸਰਕਾਰ ਸੱਤਾ ਛੱਡਦੀ ਹੈ ਤਾਂ ਕੀ ਭਾਰਤ-ਪਾਕਿਸਤਾਨ ਸੰਬੰਧ ਸੁਧਰਣਗੇ? ਇਸਦੇ ਜਵਾਬ ਵਿੱਚ ਪਾਕਿਸਤਾਨੀ ਪ੍ਰਧਾਨ ਮੰਤਰੀ ਕਿ ਉਹ ਭਾਰਤ ਨੂੰ ਕਿਸੇ ਹੋਰ ਪਾਕਿਸਤਾਨੀਆਂ ਤੋਂ ਜ਼ਿਆਦਾ ਜਾਣਦੇ ਹਨ। ਇਮਰਾਨ ਖਾਨ ਨੇ ਕਿਹਾ ਕਿ ਉਹ ਕਿਸੇ ਹੋਰ ਪਾਕਿਸਤਾਨੀ ਦੀ ਤੁਲਣਾ ਵਿੱਚ ਭਾਰਤ ਨੂੰ ਜ਼ਿਆਦਾ ਜਾਣਦੇ ਹਨ ਕਿਉਂਕਿ ਦੋਨੇਂ ਦੇਸ਼ ਇਕੱਠੇ ਕ੍ਰਿਕਟ ਖੇਡਦੇ ਹਨ ਅਤੇ ਇਸ ਵਜ੍ਹਾ ਨਾਲ ਉਨ੍ਹਾਂ ਨੂੰ ਭਾਰਤ ਦੇ ਪ੍ਰਤੀ ਸਨਮਾਨ ਅਤੇ ਪਿਆਰ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਕਿਸੇ ਹੋਰ ਦੀ ਤੁਲਣਾ ਵਿੱਚ ਭਾਰਤ ਨੂੰ ਜ਼ਿਆਦਾ ਪਿਆਰ ਅਤੇ ਸਨਮਾਨ ਦਿੰਦਾ ਹਾਂ ਕਿਉਂਕਿ ਕ੍ਰਿਕਟ ਇੱਕ ਵੱਡਾ ਖੇਡ ਹੈ। ਇਹ ਦੋਨੇਂ ਹੀ ਦੇਸ਼ਾਂ ਵਿੱਚ ਲੱਗਭੱਗ ਇੱਕ ਧਰਮ ਦੇ ਸਮਾਨ ਹੈ। 

ਪਾਕਿਸਤਾਨੀ ਪੀ.ਐੱਮ. ਨੇ ਅੱਗੇ ਕਿਹਾ ਕਿ ਇਸ ਲਈ ਜਦੋਂ ਮੈਂ ਪਾਕਿਸਤਾਨ ਵਿੱਚ ਪ੍ਰਧਾਨ ਮੰਤਰੀ ਦਫ਼ਤਰ ਨੂੰ ਜੁਆਇਨ ਕੀਤਾ ਉਦੋਂ ਮੈਂ ਸਭ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਕਿਹਾ ਕਿ ਮੇਰੇ ਸੱਤਾ ਵਿੱਚ ਆਉਣ ਦੀ ਸਭ ਤੋਂ ਪਹਿਲੀ ਅਤੇ ਅਹਿਮ ਵਜ੍ਹਾ ਇਹ ਹੈ ਕਿ ਮੈਂ ਪਾਕਿਸਤਾਨ ਵਿੱਚ ਗਰੀਬੀ ਘੱਟ ਕਰਣਾ ਚਾਹੁੰਦਾ ਹਾਂ। ਇਸ ਦੇ ਲਈ ਸਭ ਤੋਂ ਵਧੀਆ ਰਸਤਾ ਹੈ ਕਿ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਵਪਾਰ ਠੀਕ ਢੰਗ ਨਾਲ ਚੱਲੇ। ਇਸ ਨਾਲ ਦੋਨਾਂ ਦੇਸ਼ਾਂ ਨੂੰ ਫਾਇਦਾ ਹੋਵੇਗਾ। 

ਨੋਟ- ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।